കൊടുവായൂർ: പാലക്കാട് കൊടുവായൂരിൽ യുവതിയെ കഴുത്തുഞെരിച്ച് കൊന്നു. ഏതനൂർ തെക്കേ വീട്ടിൽ അനുപ്രിയ(31) യാണ് കൊല്ലപ്പെട്ടത്. അനുപ്രിയയെ കൊലപ്പെടുത്തിയ കേസിൽ ഭർത്താവ് മണികണ്ഠൻ ഇന്ന് പകൽ 3.30ന് പിറ്റുപീടികയിലെ വാടക വീട്ടിലാണ് സംഭവം.
ഊണ് കഴിക്കാന് മണികണ്ഠന് വീട്ടിലെത്തിയപ്പോള് ഇരുവരും തമ്മില് വാക്കുതര്ക്കമുണ്ടായി. അതിനിടയിൽ പ്രകോപിതനായ മണികണ്ഠൻ ഷാൾ ഉപയോഗിച്ച് അനുപ്രിയയുടെ കഴുത്തിൽ മുറുക്കുകയായിരുന്നു. ഇതേ തുടർന്നാണ് മരണം സംഭവിച്ചത്. വൈകുന്നേരത്തോടെയാണ് സംഭവം നാട്ടുകാര് അറിഞ്ഞത്. തുടർന്ന് പോലീസിൽ വിവരം അറിയിക്കുകയായിരുന്നു.
ചിറ്റൂർ അഞ്ചാംമൈൽ അയാവുചള്ളയിൽ അപ്പുക്കുട്ടൻ്റെയും ഓമനയുടെയും മകളാണ് അനുപ്രിയ. മൃതദേഹം തുടർ നടപടികൾക്കായി ജില്ലാ ആശുപത്രിയിലേക്ക് മാറ്റി. ആത്മിക (8), അനാമിക (6) മക്കൾ. അനിൽകുമാറാണ് സഹോദരൻ. സംഭവത്തിൽ പൊലീസ് അന്വേഷണം തുടരുകയാണ്.
