കോഴിക്കോട്: പയ്യാനക്കലില് ജിംനേഷ്യത്തിന്റെ മറവില് ലഹരി കച്ചവടം. 200 ഗ്രാമിലധികം എംഡിഎംഎ പിടികൂടി. സംഭവത്തിൽ മൂന്ന് പേർ പിടിയിലായി.
ഫറോക്ക് ചുങ്കത്ത് താമസിക്കുന്ന ബേപ്പൂർ സ്വദേശി അർഷാദ്, ബേപ്പൂർ മൂന്നാർ വളപ്പിൽ ജംഷീർ, ബേപ്പൂർ മതിലകത്ത് ഇജാസ്, എന്നിവരെയാണ് ഡാൻസ് സംഘവും പന്നിയങ്കര പോലീസും ചേർന്ന് പിടികൂടിയത്
ഇന്ന് രാവിലെ പയ്യാനക്കൽ കപ്പക്കൽ റോഡിലുള്ള BACK TO FIT എന്ന് ജിംനേഷ്യത്തിൽ ഡാൻ സാഫ് സംഘവും പന്നിയങ്കര പോലീസും പരിശോധന നടത്തുകയായിരുന്നു
ഓപ്പറേഷൻ തൂഫാൻ്റെ ഭാഗമായി പൊലീസും ഡാൻസാഫും നടത്തിയ പരിശോധനയിലാണ് സംഘം പിടിയിലായത്.
200 ഗ്രാം എംഡിഎംഎക്ക് പുറമെ കഞ്ചാവും സംഘത്തിൽ നിന്ന് പിടികൂടിയിട്ടുണ്ട്. ഏകദേശം പത്ത് ലക്ഷം രൂപ വിപണി വില വരുന്ന എംഡിഎംഎ ഇവരുടെ കൈവശം ഉണ്ടായിരുന്നതായാണ് വിവരം.
അതേസമയം ലഹരി കച്ചവടത്തില് പങ്കില്ലെന്നാണ് ജിംനേഷ്യത്തിന്റെ ഉടമ പറയുന്നത്. എന്നാല് കുറച്ച് നാളുകളായി ഇവര് നിരീക്ഷണത്തിലായിരുന്നു എന്നാണ് പൊലീസ് പറയുന്നത്. നാട്ടുകാരില് നിന്ന് നിരവധി പരാതികള് ഇവര്ക്കെതിരെ ലഭിച്ചിട്ടുണ്ടെന്നും പൊലീസ് പറഞ്ഞു.
