ആലപ്പുഴ ചിങ്ങോലിയിൽ പ്ളാസ്റ്റിക്ക് മാലിന്യങ്ങൾ തരംതിരിക്കുന്നതിനിടെ ലഭിച്ച 2 പവൻ്റെ സ്വർണ്ണ മോതിരങ്ങൾ ഉടമയ്ക്ക് തിരികെ നൽകി മാതൃകയായി ഹരിത കർമ സേനാംഗങ്ങൾ. ചിങ്ങോലി പോക്കാട്ട് കമലമ്മയുടെ വീട്ടിൽനിന്ന് പ്ലാസ്റ്റിക് എടുക്കുന്നതിനിടെയാണ് ഒമ്പതാം വാർഡിലെ ഹരിതകർമസേനാംഗങ്ങളായ ബിന്ദു, ബീന എന്നിവർക്ക് 2 പവനോളം തുക്കമുള്ള സ്വർണ മോതിരങ്ങൾ ലഭിച്ചത്.
തുടർന്ന് സ്വർണ മോതിരങ്ങൾ ലഭിച്ച വിവരം ഇവർ വിഇഒ അജിത്തിനെ അറിയിച്ചു. ചിങ്ങോലി ഗ്രാമപ്പഞ്ചായത്ത് പ്രസിഡന്റ് സുബി സുധാകരൻ, അംഗങ്ങളായ സരിതാ ജയപ്രകാശ്, മീനാകുമാരി, എച്ച് സി ഹരിപ്രസാദ് എന്നിവരുടെ സാന്നിധ്യത്തിൽ ബിന്ദുവും, ബീനയും ചേർന്ന് മോതിരങ്ങൾ ഉടമയായ കമലമ്മയ്ക്ക് കൈമാറുകയും ചെയ്തു.
