നാളെ അച്ചൻകോവിൽ ക്ഷേത്രത്തിൽ മഹാപുഷ്പാഭിഷേകം
അച്ചൻകോവിൽ ശ്രീ ധര്മ്മ ശാസ്താ ക്ഷേത്രത്തിലെ മഹാപുഷ്പാഭിഷേകം നാളെ നടക്കും ( 25/01/2026 )ഉച്ചയ്ക്ക് രണ്ടിന് കൈകൊട്ടിക്കളി, വൈകിട്ട് മൂന്നുമുതൽ റോഡ്ഷോ, 4.30 മുതൽ നൃത്തം, രാത്രി 7.30 മുതൽ പുഷ്പം എഴുന്നള്ളത്തും മഹാപുഷ്പാഭിഷേകവും എന്നിവ നടക്കുമെന്ന് ക്ഷേത്രോപദേശ ക സമിതി അറിയിച്ചു.
അച്ചൻകോവിൽ ശ്രീ ധർമ്മശാസ്താ ക്ഷേത്രത്തിലെ മകരത്തിലെ പ്രതിഷ്ഠാദിനത്തോടനുബന്ധിച്ച് നടക്കുന്ന പ്രധാന ചടങ്ങാണ് മഹാ പുഷ്പാഭിഷേകം. വൈകുന്നേരങ്ങളിൽ നടക്കുന്ന പ്രത്യേക പൂജകൾക്ക് ശേഷം അയ്യപ്പ വിഗ്രഹത്തിൽ വർണ്ണാഭമായ പൂക്കൾ കൊണ്ട് അഭിഷേകം നടത്തുന്നു.
കേരളത്തിലെ പ്രധാനപ്പെട്ട അഞ്ചു ശാസ്താക്ഷേത്രങ്ങളില് ഒന്നാണ് അച്ചന്കോവില് ശാസ്താക്ഷേത്രം അല്ലെങ്കില് ധര്മ്മശാസ്ത്രാ ക്ഷേത്രം. അയ്യപ്പസ്വാമി ഇവിടെ ഗൃഹസ്ഥാശ്രമജീവിതം നയിക്കുന്നതായാണ് സങ്കല്പം. പൂര്ണ്ണ, പുഷ്കല എന്നീ രണ്ടു ഭാര്യമാരുമായി അദ്ദേഹം ഇവിടെ ഗൃഹസ്ഥജീവിതം നയിക്കുന്നു. പരശുരാമനാണ് ക്ഷേത്രത്തിന്റെ പ്രതിഷ്ഠ നിര്വഹിച്ചിട്ടുള്ളത് എന്നാണ് വിശ്വാസം.
അച്ചന്കോവില് ശാസ്താക്ഷേത്രം വിഷപ്പാമ്പിന്റെ ദംശനത്തിനുള്ള ചികിത്സയ്ക്കു പ്രസിദ്ധമാണ്. അച്ചന്കോവിലിലെ അയ്യപ്പവിഗ്രഹത്തിന്റെ ഇടതുകൈയില് ചന്ദനവും തീര്ത്ഥവും എപ്പോഴും കാണാം. പാമ്പു കടിക്കുള്ള ഔഷധമായാണ് ചന്ദനത്തെയും തീര്ത്ഥത്തെയും സങ്കല്പിച്ചുവരുന്നത്.
അയ്യപ്പചരിതവുമായി ബന്ധപ്പെട്ട മറ്റു പ്രതിഷ്ഠകളും ഇവിടെയുണ്ട്. ഇവിടത്തെ ആചാരാഘോഷങ്ങള് തമിഴ് സംസ്കാരവുമായി ആഴത്തില് ബന്ധപ്പെട്ടവയാണ്.
ശബരിമല തീര്ത്ഥാടകര് ഈ ക്ഷേത്രത്തിലും പ്രാര്ത്ഥനയ്ക്കായി എത്താറുണ്ട്. ധനുമാസം ഒന്നാം തീയതി മുതല് പത്താം തീയതി വരെയാണ് ഇവിടുത്തെ പ്രധാന ഉത്സവം നടന്നുവരുന്നത്.
