പതിനേഴ് വർഷക്കാലമായി ഷാർജയിൽ ലാംബ്രൽ എന്ന കമ്പനിയിൽ ജോലി ചെയ്തു വരുന്ന ഹരിപ്പാട് കരിപ്പുഴ സ്വദേശി സ്മിത്ത് സുശീലൻ്റെ ഭാര്യ ചൈതന്യ സ്മിത്ത് (38) ഇന്നലെ രാത്രി ഷാർജയിലെ സുലേഖ ആശുപത്രിയിൽ മരണപ്പെട്ടു. പനിയാണ് മരണകാരണം എന്ന് പറയപ്പെടുന്നു.
ഭാര്യയും മൂന്നു കുട്ടികളും അടങ്ങുന്ന സ്മിത്തിൻ്റെ കുടുംബം വളരെക്കാലമായി ഷാർജയിൽ സ്ഥിരതാമസക്കാരാണ്. മരണപ്പെട്ട ചൈതന്യ വീട്ടമ്മയായിരുന്നു. വൈഗ സ്മിത്ത് (16) , ദ്രോണൻ സ്മിത്ത് (10), കണ്ണകി സ്മിത്ത് (7), എന്നിവർ മക്കളാണ്. നല്ലൊരു കലാ കുടുംബമായ ഇവർ യുഎഇ യിലെ പല പ്രവാസി സംഘടനകളിലും അംഗങ്ങളായി പ്രവർത്തിച്ചു വരുന്നു.
മൃതദേഹം നാട്ടിലെത്തിക്കുന്നതിനായി വീട്ടുകാരും നാട്ടുകാരും ചേർന്ന് നടത്തിയ പരിശ്രമത്തിൻ്റെ ഭാഗമായി യുഎഇ ഗവൺമെൻ്റിൻ്റെ എല്ലാവധി നടപടികളും പൂർത്തിയാക്കി ഉടൻ തന്നെ മൃതദ്ദേഹം നാട്ടിലേക്ക് കൊണ്ടുപോകുമെന്ന് ബന്ധുക്കൾ അറിയിച്ചു.
