ലാഹോർ: പാകിസ്ഥാൻ മുസ്ലിം ലീഗ് നവാസ് (പിഎംഎൽഎൻ) സീനിയർ വൈസ് പ്രസിഡന്റും മുൻ പ്രധാനമന്ത്രി നവാസ് ഷെറീഫിന്റെ മകളുമായ മറിയം ഷെറീഫ് (50) പഞ്ചാബ് മുഖ്യമന്ത്രിയായി തെരഞ്ഞെടുക്കപ്പെട്ടു. പഞ്ചാബ് മുഖ്യമന്ത്രിയാകുന്ന ആദ്യ വനിതയാണ്.
മുൻ പ്രധാനമന്ത്രി ഇമ്രാൻ ഖാന്റെ പാകിസ്ഥാൻ തെഹരീക് ഇ ഇൻസാഫ് (പിടിഐ) പിന്തുണയ്ക്കുന്ന സുന്നി ഇത്തിഹാദ് കൗൺസിലിന്റെ (എസ്ഐസി) റാണ അഫ്താബ് ആയിരുന്നു എതിർ സ്ഥാനാർഥി.
പിടിഐയും എസ്ഐസിയും വോട്ടെടുപ്പ് ബഹിഷ്കരിച്ചു.അച്ഛനിരുന്ന കസേരയിൽ ഇരിക്കുന്നതിൽ അഭിമാനമുണ്ടെന്നും രാഷ്ട്രീയ പാരമ്പര്യം കാത്തുസൂക്ഷിക്കുമെന്നും മറിയം പറഞ്ഞു.
