വടക്കൻ യൂറോപ്പിലെ ലാത്വിയയിൽ ഒഴുക്കിൽപ്പെട്ട് കാണാതായ വിദ്യാർത്ഥിയുടെ മൃതദേഹം കണ്ടെത്തി. ഇടുക്കി ആനച്ചാൽ സ്വദേശിയായ ആൽബിൻ ഷിന്റോയാണ് ലാത്വിയയിലെ തടാകത്തിൽ മുങ്ങി മരിച്ചത്. ആനച്ചാൽ അറക്കൽ ഷിന്റോ – റീന ദമ്പതികളുടെ മകനാണ് ആൽബിൻ ഷിന്റോ. മറൈൻ ടൈം കോഴ്സ് പഠിക്കുന്നതിനായാണ് ലാത്വിയയുടെ തലസ്ഥാനമായ റിഗയിലെ നോവികൊണ്ടാസ് മാറീടൈം കോളേജിൽ എത്തിയത്.
തടാകത്തിൽ കുളിക്കുന്നതിനിടയിൽ ആൽബിൻ മുങ്ങി പോവുകയായിരുന്നു എന്ന് കൂടെയുണ്ടായിരുന്ന വിദ്യാർത്ഥികൾ പറയുന്നു. വ്യാഴാഴ്ച നാലുമണിയോടു കൂടിയാണ് വിദ്യാർത്ഥികൾ തടാകത്തിൽ കുളിക്കാൻ ഇറങ്ങിയത്. മത്സ്യബന്ധന ബോട്ട് വാടകയ്ക്ക് എടുത്ത് മലയാളികൾ നടത്തിയ തിരച്ചിലിലാണ് മൃതദേഹം ലഭിച്ചത്.
