തിരുവനന്തപുരം –ഓണ്ലൈന് വിസാ തട്ടിപ്പില് കുടുങ്ങി അബുദാബിയില് നിന്നും തായ്ലന്റ്-മ്യാന്മര് അതിര്ത്തിയില് എത്തിപ്പെട്ട് സായുധസംഘങ്ങളുടെ തടവില് കഴിയുന്ന മലപ്പുറം, വള്ളിക്കാപ്പറ്റ, കൂട്ടിലങ്ങാടി പഞ്ചായത്തില് ശ്രീ.സഫീര്, ശ്രീ.ഷുഹൈബ് എന്നിവരുടെ മോചനത്തിനാവശ്യമായ നടപടികള് സ്വീകരിക്കാനുള്ള ഇടപെടൽ നടത്തിയെന്ന് മുഖ്യമന്ത്രി. ബാങ്കോക്കിലെ ഇന്ത്യന് അംബാസിഡറുമായും വിദേശകാര്യ മന്ത്രാലയവുമായും ബന്ധപ്പെട്ട് നടപടി സ്വീകരിച്ചുവരുന്നു.
ഇവരെ വിദേശത്ത് എത്തിച്ചതില് ആരോപണ വിധേയരായ ഏജന്റുമാര്ക്കെതിരെ നിയമനടപടി സ്വീകരിക്കാനും ആയതിന്മേല് അന്വേഷണം നടത്തി റിപ്പോര്ട്ട് സമര്പ്പിക്കാനും സംസ്ഥാന പോലീസ് മേധാവി, എന്.ആര്.ഐ സെല് എസ്.പി എന്നിവരെ ചുമതലപ്പെടുത്തിയിട്ടുമുണ്ട്. മഞ്ഞളാംകുഴി അലിയുടെ സബ്മിഷന് മറുപടി പറയുകയായിരുന്നു അദ്ദേഹം.
