പത്തനംതിട്ട: സിപിഎം നേതാവിൻ്റെ പരാതിയിൽ പത്തനംതിട്ട ജില്ലാ പഞ്ചായത്ത് അംഗം ശ്രീനാദേവി കുഞ്ഞമ്മയ്ക്ക്‌ കേസ്. സിപിഎം സംസ്ഥാന കമ്മിറ്റിയംഗം കെ.പി. ഉദയഭാനുവിൻ്റെ പരാതിയിലാണ് അടൂർ പോലീസ് കേസെടുത്തത്. സമൂഹ മാധ്യമങ്ങൾ വഴി അപകീർത്തിപ്പെടുത്തി എന്നായിരുന്നു ഉദയഭാനുവിൻ്റെ പരാതി.
പൊതുപ്രവർത്തനത്തെ അപകീർത്തിപ്പെടുത്തി, ലൈംഗിക അരാജകത്വത്തോടെ ജീവിക്കുന്ന ആളാണെന്ന് വരുത്തി തീർക്കാൻ ശ്രമിച്ചു എന്നിങ്ങനെയാണ് ശ്രീനാദേവിക്കെതിരെയുള്ള ആരോപണങ്ങൾ. നേരത്തെ, രാഹുൽ മാങ്കൂറ്റത്തെ ഉദയഭാനു വിമർശിച്ചതിന് പിന്നാലെയായിരുന്നു ശ്രീനാദേവിയുടെ വിവാദമായ ഫേസ്ബുക്ക് പോസ്റ്റ്.
