കരുനാഗപ്പള്ളി. ആൾത്താമസമുള്ള വീട്ടിലും പരിസരത്തും നിന്ന് 10 പാമ്പുകളെ പിടികൂടി. ചക്കാലയിൽ വീട്ടിൽ റെജികുമാറിൻ്റെ വീട്ടുവളപ്പിൽ നിന്നാണ് പിടികൂടിയത്.
വീടിന് സമീപം ഒരു പൂച്ച ആക്രമിക്കുന്ന നിലയിൽ ആദ്യം ഒരു പാമ്പിനെ കണ്ടെത്തുകയായിരുന്നു. തുടർന്ന് നടത്തിയ പരിശോധനയിൽ കൂടുതൽ പാമ്പുകൾ പ്രദേശത്തുണ്ടെന്ന് വ്യക്തമായി. ഇതോടെ നാട്ടുകാര് ആശങ്കയിലായി. തുടർന്ന് പാമ്പുപിടിത്ത വിദഗ്ധനായ ചവറ സ്വദേശി ബിനുവിനെ വിവരം അറിയിച്ചു. ബിനു പരിശോധനയിൽ വീടിൻ്റെ ചുറ്റുപാടുകളിൽ നിന്ന് 10 കുഞ്ഞൻ പാമ്പുകളെയും ഒരു വലിയ അണലിയെയും പിടികൂടി.
