കൊച്ചി: മാസപ്പടി അഴിമതി ആരോപണങ്ങളിൽ പിണറായി വിജയനും മന്ത്രി മുഹമ്മദ് റിയാസിനുമെതിരെ പ്രാഥമിക അന്വേഷണം നടത്താതെ നേരിട്ട് കേസെടുക്കാനാകില്ലെന്ന് സംസ്ഥാന സർക്കാർ ഹൈക്കോടതിയിൽ വ്യക്തമാക്കി.
ഇ.ഡി നൽകിയ വിവരങ്ങളുടെ അടിസ്ഥാനത്തിൽ എഫ്ഐആർ രജിസ്റ്റർ ചെയ്ത് കേസ് എടുക്കാത്തതിനെ ചോദ്യം ചെയ്ത് അഭിഭാഷകൻ കെ.എം. ഷാജഹാൻ സമർപ്പിച്ച ഹർജി പരിഗണിക്കവെയാണ് സർക്കാർ നിലപാട് അറിയിച്ചത്.
ഒരു ഡയറിയിൽ നിന്നുള്ള വിവരങ്ങൾ മാത്രം അടിസ്ഥാനമാക്കി എഫ്.ഐ.ആർ രജിസ്റ്റർ ചെയ്യാനാകില്ലെന്ന് അഡ്വക്കേറ്റ് ജനറൽ കോടതിയിൽ വാദിച്ചു. അതേസമയം, കേസ് എടുക്കാൻ ആവശ്യമായ മൊഴികളും മറ്റ് വിവരങ്ങളും ഇ.ഡി നൽകിയിട്ടുണ്ടെന്ന് കോടതിയെ അറിയിച്ചു. കേസെടുത്ത് അന്വേഷണം നടത്തണമെന്നാവശ്യപ്പെട്ട് ഇ.ഡി നൽകിയ ശുപാർശ കത്തും ഹൈക്കോടതിക്ക് കൈമാറിയിട്ടുണ്ട്.
