കോട്ടയം ഗവ.നഴ്സിംഗ് കോളേജിലെ റാഗിംഗ് BJP യുടെ നേതൃത്വത്തിൽ ഏകദിന ഉപവാസ സമരം. കോട്ടയം ഗവൺമെൻറ് കോളേജിൽ നടന്ന ക്രൂരമായ റാഗിംഗിൽ പ്രതിഷേധിച്ച് ബിജെപി നടത്തുന്ന ഏകദിന ഉപവാസം തുടങ്ങി. ബിജെപി വെസ്റ്റ് ജില്ലാ പ്രസിഡന്റ് ജി.ലിജിൻ ലാൽ ഉദ്ഘാടനം ചെയ്തു.വൈകിട്ട് അഞ്ചിന് സമാപിക്കും.
ബിജെപി കുമരകം, ഏറ്റുമാനൂർ, കോട്ടയം, പനച്ചിക്കാട് മണ്ഡലം പ്രസിഡന്റ്മാരുടെ നേതൃത്വത്തിലാണ് ഉപവാസം. കോട്ടയം ഗവണ്മെന്റ് നഴ്സിംഗ് കോളേജിനു സമീപമാണ് ഉപവാസ സമരം നടക്കുന്നത്. കുറ്റക്കാരായ വിദ്യാർത്ഥികൾക്ക് റാഗിംഗ് നിയമപ്രകാരം കർശന ശിക്ഷ ഉറപ്പു വരുത്തുക, പ്രിൻസിപ്പൽ,
അസി.വാർഡൻ അടക്കമുള്ളവരെ
പ്രതി ചേർക്കുക, ക്യാമ്പസ് റാഗിംഗ് അവസാനിപ്പിക്കുവാനുള്ള നടപടികൾ സ്വീകരിക്കുക തുടങ്ങിയ ആവശ്യങ്ങൾ ഉന്നയിച്ചു കൊണ്ടാണ് ഉപവാസം സംഘടിപ്പിച്ചിരിക്കുന്നത്.
ബിജെപി കുമരകം മണ്ഡലം പ്രസിഡന്റ് അഭിലാഷ് ശ്രീനിവാസൻ, ഏറ്റുമാനൂർ മണ്ഡലം പ്രസിഡന്റ് സരുൺ അപ്പുക്കുട്ടൻ, കോട്ടയം മണ്ഡലം പ്രസിഡന്റ് വി പി മുകേഷ്, പനച്ചിക്കാട് മണ്ഡലം പ്രസിഡന്റ് ജയകൃഷ്ണൻ തുടങ്ങിയവരാണ് ഉപവാസ സമരത്തിന് നേതൃത്വം നൽകുന്നത്.
