ബൈക്കിലെത്തിയ സംഘം യുവതിയെ ആക്രമിച്ച് മാല കവർന്നു. തിങ്കൾ പകൽ 11.30 ഓടെ പ്ലാമൂട്ടുക്കടയ്‌ക്ക് സമീപമാണ് സംഭവം. വിരാലി ചെറിയകണ്ണുകുഴിയിൽ ലിജി ദാസിന്റെ ആറരപ്പവൻ മാലയാണ് പൊട്ടിച്ചെടുത്തത്.
ഡ്രൈവിങ് സ്കൂളിലെ പരിശീലകയായ ലിജി ദാസ് സ്‌കൂട്ടർ നിർത്തിയയുടൻ ബൈക്കിലെത്തിയ രണ്ടംഗ സംഘത്തിലെ പിറകിലിരുന്ന ആൾ ഇവരെ അടിച്ചുവീഴ്ത്തിയശേഷം മാല പൊട്ടിക്കുകയായിരുന്നു.
സിസി ടിവി ദൃശ്യങ്ങൾ പരിശോധിച്ചു നടത്തിയ അന്വേഷണത്തിൽ ഇതേ സംഘം രാവിലെ കരമന ഭാഗത്ത് മാല മോഷണശ്രമം നടത്തിയതായും കണ്ടെത്തിയിട്ടുണ്ട്. പൊഴിയൂർ പൊലീസ് അന്വേഷണമാരംഭിച്ചു.
