Friday, February 23, 2024
HomeKeralaസംസ്ഥാനത്ത് വെളുത്തുള്ളി വില കുതിച്ചുയരുന്നു; കിലോയ്ക്ക് 300 രൂപ.

സംസ്ഥാനത്ത് വെളുത്തുള്ളി വില കുതിച്ചുയരുന്നു; കിലോയ്ക്ക് 300 രൂപ.

സംസ്ഥാനത്ത് വെളുത്തുള്ളി വില കുതിച്ചുയരുന്നു. പൊതുവിപണിയില്‍ കിലോയ്ക്ക് 300 രൂപയിലേക്ക് കടന്നിരിക്കുകയാണ് വെളുത്തുള്ളി വില. ഒരു മാസത്തിനിടെ പൊതുവിപണിയില്‍ വെളുത്തുള്ളിക്ക് കിലോയ്ക്ക് 90 രൂപ കൂടിയതായാണ് കച്ചവടക്കാര്‍ പറയുന്നത്.

പത്തുവര്‍ഷത്തിനിടെ വെളുത്തുള്ളി വിലയില്‍ ഉണ്ടായ ഏറ്റവും വലിയ വര്‍ധനയാണിത്. 2022 ഡിസംബറില്‍ 65 രൂപയായിരുന്ന വില ഇക്കഴിഞ്ഞ ഡിസംബര്‍ ആദ്യവാരം 210ലെത്തിയിരുന്നു. മൊത്തവ്യാപാര കേന്ദ്രങ്ങളില്‍ 240 രൂപ വരെയാണ് ഇപ്പോള്‍ കിലോയ്ക്ക് വില. ആവശ്യത്തിന് ലോഡ് എത്താതായതോടെ വില അനുദിനം വര്‍ധിക്കുകയാണ്.

ഗുജറാത്ത്, മഹാരാഷ്ട്ര, രാജസ്ഥാന്‍, മദ്ധ്യപ്രദേശ് എന്നിവിടങ്ങളില്‍ നിന്നാണ് കേരളത്തില്‍ വെളുത്തുള്ളി എത്തുന്നത്. കാലാവസ്ഥ വ്യതിയാനം കാരണം ഉല്‍പ്പാദനം കുറഞ്ഞതാണ് പ്രതിസന്ധിക്ക് കാരണം. വരള്‍ച്ചയും കാലംതെറ്റിയ മഴയും കൃഷിയെ കാര്യമായി ബാധിച്ചതായി കച്ചവടക്കാര്‍ പറയുന്നു. അടുത്ത വിളവെടുപ്പുവരെ പ്രതിസന്ധി തുടരുമെന്നാണ് നിഗമനം.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments