Thursday, May 30, 2024
Homeഇന്ത്യകോൺഗ്രസിൽ കൊഴിഞ്ഞുപോക്ക് തുടരുന്നു; അജയ് കപൂറും പ്രിനീത് കൗറും ബിജെപിയിൽ.

കോൺഗ്രസിൽ കൊഴിഞ്ഞുപോക്ക് തുടരുന്നു; അജയ് കപൂറും പ്രിനീത് കൗറും ബിജെപിയിൽ.

ലോക്സഭാ തെരഞ്ഞെടുപ്പ് അടുത്തിരിക്കെ കോൺ​ഗ്രസിന് തിരിച്ചടിയായി കൊഴിഞ്ഞുപോക്ക്. മുതിർന്ന കോൺ​ഗ്രസ് നേതാവും പാർടി ദേശീയ സെക്രട്ടറിയും മൂന്ന് തവണ എംഎൽഎയുമായിരുന്ന അജയ് കപൂറും അമരീന്ദർ സിങ്ങിന്റെ ഭാര്യയും മന്ത്രിയുമായിരുന്ന പ്രിനീത് കൗറും ബിജെപിയിൽ ചേർന്നു.

കഴിഞ്ഞ 37 വർഷക്കാലം കോൺ​ഗ്രസിനുവേണ്ടി ആത്മാർഥമായാണ് പ്രവർത്തിച്ചതെന്നും എന്നാൽ ഇന്ന് രാജ്യത്തിന്റെ പുരോ​ഗതിക്കായി എല്ലാവരും മോദിയുടെ കുടുംബത്തിൽ ചേരണമെന്നും അജയ് പ്രതികരിച്ചു. കോൺ​ഗ്രസിനുള്ളിൽ കൂട്ടായ്മയും ഏകോപനവുമില്ലെന്നും വർഷങ്ങളായി പ്രവർത്തകർ അസ്വസ്ഥരാണെന്നും അജയ് മാധ്യമങ്ങളോട് പറഞ്ഞു. കാൻപുരിൽനിന്ന് ബിജെപി ടിക്കറ്റിൽ അജയ് മത്സരിക്കുമെന്നാണ് സൂചന.

പഞ്ചാബ് മുൻ മുഖ്യമന്ത്രി അമരീന്ദർ സിങ്ങിന്റെ ഭാര്യയായ പ്രിനീത് കൗർ ഡൽഹിയിലെ ബിജെപി ആസ്ഥാനത്ത് പാർടി അം​ഗത്വം സ്വീകരിക്കുമെന്നാണ് വിവരം. വരുന്ന ലോക്സഭാ തെരഞ്ഞെടുപ്പിൽ കൗർ മത്സരിക്കുമെന്നും സൂചനയുണ്ട്. അമരീന്ദർ സിങ്ങും മകൾ ജയ് ഇന്ദർ കൗറും മകൻ റാണിന്ദർ സിങ്ങും നേരത്തെ ബിജെപിയിൽ ചേർന്നിരുന്നു.

കഴിഞ്ഞ വർഷം പ്രിനീത് കൗറിനെ കോൺ​ഗ്രസിൽനിന്ന് സസ്പെൻഡ് ചെയ്തിരുന്നു. 1999 മുതൽ പ്രിനീത് പട്യാല ലോക്സഭാ സീറ്റിൽനിന്ന് മത്സരിച്ച് വിജയിച്ചിരുന്നു. 2014– 17 കാലയളവിൽ പഞ്ചാബ് എംഎൽഎയും 2009 12 കാലയളവിൽ മന്ത്രിയുമായിരുന്നു. 2022 സെപ്തംബറിലാണ് അമരീന്ദർ ബിജെപിയിലെത്തിയത്.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments