പ്രസാദ് തീയാടിക്കൽ
ഹൂസ്റ്റൺ: ഹൂസ്റ്റണിലെ ആദ്യ മലയാളി റിയൽ എസ്റ്റേറ്റ് ബ്രോക്കറായി അറിയപ്പെടുന്ന ജോർജ് എബ്രഹാം (രാജു–79) അന്തരിച്ചു. എൻപതുകളിൽ ആരംഭിച്ച എബ്രഹാം റിയൽറ്റി എന്ന കമ്പനിയുടെ സ്ഥാപകനായ അദ്ദേഹം നിരവധി മലയാളികളെ റിയൽ എസ്റ്റേറ്റ് രംഗത്തേക്ക് കൈപിടിച്ചുയർത്തുന്നതിൽ നിർണായക പങ്കുവഹിച്ചു.
ഹൂസ്റ്റണിലെ ആദ്യ ഇന്റർനാഷണൽ ബ്രോക്കർ സ്ഥാപനവും എബ്രഹാം റിയൽ എസ്റ്റേറ്റ് കമ്പനി തന്നെയായിരുന്നു. മലയാളി അസോസിയേഷൻ ഓഫ് ഗ്രേറ്റർ ഹൂസ്റ്റന്റെ (MAGH) ആദ്യകാല പ്രവർത്തനങ്ങളിലും അദ്ദേഹം സജീവമായിരുന്നു. ആദ്യമായി സ്വന്തമായി ഓഫീസ് ആരംഭിക്കാൻ മുൻകൈയെടുത്ത വ്യക്തികളിൽ ഒരാളായിരുന്നു ജോർജ് എബ്രഹാം.
ഐഎസി (Indian Overseas Congress) ഹൂസ്റ്റണിൽ ആരംഭിച്ചതുമുതൽ അതിന്റെ പ്രവർത്തനങ്ങളുമായി ബന്ധപ്പെട്ടിരുന്ന അദ്ദേഹം, ഉമ്മൻ ചാണ്ടി ഉൾപ്പെടെയുള്ള നേതാക്കളെ അമേരിക്കയിൽ എത്തിക്കുന്നതിനും പ്രവർത്തിച്ചിച്ചുണ്ട്.
തിരുവല്ല മാർത്തോമ്മാ സഭയിൽ പ്രശസ്ത വൈദികനായിരുന്ന റവ. ഫാ. എബ്രഹാമിന്റെ മൂത്ത പുത്രനാണ് ജോർജ് എബ്രഹാം. ഭാര്യ ശോശാമ്മ ജോർജ്, കോട്ടയം വടവാതൂർ ചുമ്മാർ കുടുംബാംഗമാണ്. മക്കൾ സിറിൽ ജോർജ്, സിനിൽ ജോർജ്. സഹോദരങ്ങൾ ഫിലിപ്പ് എബ്രഹാം (ഹൂസ്റ്റൺ), ഉമ്മൻ എബ്രഹാം (ഇന്ത്യ).
സംസ്കാര ശുശ്രൂഷകളുടെ വിശദാംശങ്ങൾ പിന്നീട്
വാർത്ത:പ്രസാദ് തീയാടിക്കൽ
