ഫിലഡൽഫിയ: ഗർഭിണിയായ കാമുകിയെ തലയിൽ 11 തവണ വെടിവെച്ച് കൊലപ്പെടുത്തിയ കേസിൽ ആഗസ്ത് 31 നു പ്രതിക്ക് ജീവപര്യന്തം തടവ് വിധിച്ചു. 2021 മാർച്ചിൽ ഫിലഡൽഫിയയിലാണ് 21 കാരിയായ ഡയാന ബ്രൈസിനെ ജസ്റ്റിൻ സ്മിത്ത് ക്രൂരമായി കൊലപ്പെടുത്തിയത്. 14 ആഴ്ച ഗർഭിണിയായിരുന്ന ഡയാനയുടെ മൃതദേഹം പ്ലാസ്റ്റിക് കവറുകളിൽ പൊതിഞ്ഞ് ഉപേക്ഷിച്ച നിലയിലാണ് കണ്ടെത്തിയത്.
കൊലപാതകത്തിന് ശേഷം ഒളിവിൽ പോയ പ്രതി നാല് വർഷത്തിന് ശേഷമാണ് അറ്റ്‌ലാൻ്റ പോലീസിന്റെ പിടിയിലാകുന്നത്. തെളിവ് നശിപ്പിക്കാനായി കാർ കത്തിക്കുകയും ചെയ്ത പ്രതിക്ക് പരോളില്ലാത്ത ജീവപര്യന്തം തടവാണ് കോടതി വിധിച്ചത്.
