ഫിലഡൽഫിയ: SEPTA ബസ് സ്റ്റോപ്പിൽ 17 കാരനായ ഇംഹോട്ടെപ് ചാർട്ടർ ഹൈസ്കൂൾ വിദ്യാർത്ഥിയെ വെടിവെച്ചു കൊലപ്പെടുത്തിയ സംഭവത്തിൽ പ്രതിയെന്ന് സംശയിക്കുന്നയാളെ കുറിച്ച് ഫിലഡൽഫിയ പോലീസ് പുതിയ വിവരങ്ങൾ പുറത്തുവിട്ടു.
ഡെയ്മെൻ ടെയ്ലറെ കൊലപ്പെടുത്തിയ മാർച്ച് 4 ന് നടന്ന വെടിവയ്പ്പിൽ പ്രതികളായ രണ്ട് പുരുഷന്മാരെയാണ് പോലീസ് തിരയുന്നത്. സിറ്റിയിലെ ഒഗോണ്ട്സ് പരിസരത്തുള്ള ഒരു ബസ് സ്റ്റോപ്പിൽ നടന്ന വെടിവയ്പ്പിൽ നിരവധി പേർക്ക് പരിക്കേറ്റിരുന്നു.
പ്രതികൾ എന്ന് സംശയിക്കപ്പെടുന്നവരിൽ ഒരാളുടെ വസ്ത്രത്തിന് പിന്നിൽ “DON’T GET EMOTIONAL IT’S ONLY BROKEN PROMISES” എന്നും മുൻവശത്ത് “EMOTIONAL” എന്നും എഴുതിയ കറുത്ത ഹുഡ് ഷർട്ട് ധരിച്ചിരിക്കുന്നതായി നിരീക്ഷണ ക്യാമറകളിൽ കണ്ടതായി പോലീസ് പറഞ്ഞു. ഇരുണ്ട നിറത്തിലുള്ള പാൻ്റും മാസ്കും ധരിച്ചിട്ടുണ്ട്.
നിരീക്ഷണ വീഡിയോയിൽ കാണുന്ന രണ്ടാമത്തെ പുരുഷൻ ഇളം നിറമുള്ള ഹുഡ് ജാക്കറ്റും ഇരുണ്ട നിറത്തിലുള്ള പാൻ്റും മാസ്കും ധരിച്ചിരിക്കുന്നു. രണ്ട് പുരുഷന്മാരും ആയുധധാരികളും അപകടകാരികളുമാണ്, പോലീസ് പറഞ്ഞു.
ഈ ചിത്രങ്ങൾ ഉത്തരവാദികളെ കണ്ടെത്താൻ അന്വേഷണ ഉദ്യോഗസ്ഥരെ സഹായിക്കുമെന്ന് തനിക്ക് ശുഭാപ്തിവിശ്വാസമുണ്ടെന്ന് പോലീസ് കമ്മീഷണർ കെവിൻ ബെഥേൽ ആക്ഷൻ ന്യൂസിനോട് പറഞ്ഞു.
” ഇത്തരത്തിലുള്ള കുറ്റകൃത്യങ്ങളിൽ ഏർപ്പെടുന്ന ആളുകളെ നിയമത്തിന് മുന്നിൽ കൊണ്ടുവരാൻ ഞങ്ങൾ കഠിനമായി പ്രയത്നിക്കുന്നത് തുടരും,” അദ്ദേഹം പറഞ്ഞു.
