Saturday, May 18, 2024
Homeഅമേരിക്കകാനഡയിൽ ഇന്ത്യൻ വിദ്യാർത്ഥി കാറിൽ വെടിയേറ്റ് മരിച്ച നിലയിൽ ; കഴിഞ്ഞ അഞ്ചുവർഷത്തിനിടയിൽ കാനഡയിൽ മരിച്ചത്...

കാനഡയിൽ ഇന്ത്യൻ വിദ്യാർത്ഥി കാറിൽ വെടിയേറ്റ് മരിച്ച നിലയിൽ ; കഴിഞ്ഞ അഞ്ചുവർഷത്തിനിടയിൽ കാനഡയിൽ മരിച്ചത് 92 ഇന്ത്യൻ വിദ്യാർത്ഥികൾ.

ഒട്ടാവ : കാനഡയിൽ ഒരു ഇന്ത്യൻ വിദ്യാർത്ഥി കൂടി കൊല്ലപ്പെട്ടു. കഴിഞ്ഞ ദിവസമാണ് കാനഡയിലെ വാൻകൂവറിൽ ഇന്ത്യൻ വിദ്യാർത്ഥിയെ കാറിനുള്ളിൽ വെടിയേറ്റ് മരിച്ച നിലയിൽ കണ്ടെത്തിയത്. ചിരാഗ് ആന്റിൽ എന്ന 24 വയസ്സുകാരനാണ് കൊല്ലപ്പെട്ടത്. വെടിയൊച്ച കേട്ട് അയൽവാസികൾ വിവരം അറിയിച്ചതിനെത്തുടർന്ന് പോലീസ് എത്തി നടത്തിയ പരിശോധനയിലാണ് ചിരാഗിനെ കാറിനുള്ളിൽ വെടിയേറ്റ് മരിച്ച നിലയിൽ കണ്ടെത്തിയത്.

സംഭവത്തിൽ അന്വേഷണം ആരംഭിച്ചതായി സൗത്ത് വാൻകൂവർ പോലീസ് അറിയിച്ചു. രാത്രി 11 മണിയോടെ ആയിരുന്നു കൊലപാതകം നടന്നത്. ചിരാഗിന്റെ പോസ്റ്റ്മോർട്ടം ഈയാഴ്ച അവസാനത്തോടെ നടത്തുമെന്നാണ് പോലീസ് ബന്ധുക്കളെ അറിയിച്ചിട്ടുള്ളത്. ഇതിനുശേഷം മൃതദേഹം ബന്ധുക്കൾക്ക് വിട്ടു നൽകുന്നതായിരിക്കും. കൊലപാതകത്തിന്റെ കാരണം അറിയില്ലെന്നും പ്രതികളെ തിരിച്ചറിഞ്ഞിട്ടില്ലെന്നും പോലീസ് അറിയിച്ചു.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments