Tuesday, November 17, 2026
Homeഅമേരിക്കഐ സി ഇ സി ബോർഡ് തിരഞ്ഞെടുപ്പിൽ സിജു വി. ജോർജിനും അനശ്വരം മാമ്പിള്ളിക്കും ഉജ്ജ്വല...

ഐ സി ഇ സി ബോർഡ് തിരഞ്ഞെടുപ്പിൽ സിജു വി. ജോർജിനും അനശ്വരം മാമ്പിള്ളിക്കും ഉജ്ജ്വല വിജയം; ആശംസകളുമായി ഇന്ത്യ പ്രസ് ക്ലബ് ഓഫ് നോർത്ത് ടെക്സസും ഡി മലയാളിയും

സണ്ണി മാളിയേക്കൽ
സണ്ണി മാളിയേക്കൽ 
ഡാളസ്: കേരള അസോസിയേഷൻ ഓഫ് ഡാളസ് പ്രവർത്തിക്കുന്ന ഐസിഐസി (India Cultural and Education Center – ICEC) കെട്ടിടത്തിന്റെ ഭരണസമിതിയിലേക്കുള്ള (Board of Directors) തിരഞ്ഞെടുപ്പിൽ പ്രമുഖ മാധ്യമ-സാമൂഹിക പ്രവർത്തകരായ സിജു വി. ജോർജിനും അനശ്വര മാമ്പിള്ളിക്കും തിളക്കമാർന്ന വിജയം.
18 സ്ഥാനാർത്ഥികൾ മാറ്റുരച്ച വാശിയേറിയ തിരഞ്ഞെടുപ്പിൽ നിന്നാണ് 10 അംഗങ്ങളെ പുതിയ ഭരണസമിതിയിലേക്ക് തിരഞ്ഞെടുത്തത്. അംഗങ്ങളുടെ കൂട്ടായ്മയിലൂടെയും സാമ്പത്തിക പങ്കാളിത്തത്തിലൂടെയും രൂപീകൃതമായ നോൺ-പ്രോഫിറ്റ് സംഘടനയായ ഐസിഐസിയിൽ, 1,000 ഡോളർ നൽകി അംഗത്വമെടുത്ത (Founding/Voting Members) വോട്ടർമാരാണ് പുതിയ ബോർഡ് അംഗങ്ങളെ നിശ്ചയിച്ചത്.
തിരഞ്ഞെടുപ്പിൽ സിറ്റിംഗ് പ്രസിഡന്റ് 104 വോട്ടുകൾ നേടിയപ്പോൾ, തൊട്ടുപിന്നിലായി 102 വോട്ടുകൾ കരസ്ഥമാക്കിയാണ് ഇന്ത്യ പ്രസ് ക്ലബ് ഓഫ് നോർത്ത് ടെക്സസ് (IPCNT) പ്രസിഡന്റ് സിജു വി. ജോർജ് ബോർഡ് അംഗമായി തിരഞ്ഞെടുക്കപ്പെട്ടത്. ദീർഘകാലത്തെ സംഘടനാ പ്രവർത്തന പാരമ്പര്യമുള്ള സിജു വി. ജോർജ്, പൊതുജനങ്ങൾക്ക് ഉപകാരപ്രദമായ കാര്യങ്ങളിൽ എന്നും മുൻപന്തിയിൽ നിൽക്കുന്ന വ്യക്തിത്വമാണ്.
അതോടൊപ്പം, തന്റെ കന്നി മത്സരത്തിൽ തന്നെ മികച്ച വിജയം നേടിയ അനശ്വരം മാമ്പിള്ളിയും ബോർഡ് അംഗമായി തിരഞ്ഞെടുക്കപ്പെട്ടു. കെ.എൽ.എസ് (KLS) പ്രസിഡന്റ്, ഡി മലയാളി സെക്രട്ടറി, ഐ.പി.സി.എൻ.ടി (IPCNT) അഡ്വൈസറി ബോർഡ് ചെയർമാൻ എന്നീ നിലകളിൽ സജീവമായി പ്രവർത്തിക്കുന്ന അദ്ദേഹത്തിന്റെ വിജയം ഡാളസിലെ മലയാളി സമൂഹത്തിന് വലിയ മുതൽക്കൂട്ടാകും.
പുതുതായി തിരഞ്ഞെടുക്കപ്പെട്ട ഈ പത്തംഗ ബോർഡ് യോഗം ചേർന്നായിരിക്കും അടുത്ത പ്രസിഡന്റിനെയും മറ്റ് ഭാരവാഹികളെയും തിരഞ്ഞെടുക്കുക.  ഐ സി ഇ സി   ബോർഡിലേക്ക് തിരഞ്ഞെടുക്കപ്പെട്ട സിജു വി. ജോർജിനും അനശ്വര മാമ്പിള്ളിക്കും ഇന്ത്യ പ്രസ് ക്ലബ് ഓഫ് നോർത്ത് ടെക്സസും (IPCNT), ഡി മലയാളി (D Malayali) ഓൺലൈൻ പത്രവും ഹൃദയം നിറഞ്ഞ ആശംസകൾ നേർന്നു.
വാർത്ത : സണ്ണി മാളിയേക്കൽ 
RELATED ARTICLES

Most Popular

Recent Comments

ആനി . പി. സെബാസ്റ്റ്യൻ, മംഗരയിൽ, കൂടരഞ്ഞി, കോഴിക്കോട് on കനൽജ്വാല പോലൊരു കാൽവരിപ്പൂവ് (കഥ) ✍ റോമി ബെന്നി
മോഹൻദാസ് അക്ഷരക്കൂട്ട് on 🌸 ഓണം ഓർമ്മകൾ 🌸 ✍അജി സുരേന്ദ്രൻ
അച്യുതൻകുട്ടി പുത്തൻവീട്ടിൽ on കാർഡുകൾ (കഥ) ✍ പി. ചന്ദ്രശേഖരൻ