ആറുമാസം പ്രായമുള്ള കുഞ്ഞിനെ വിൽക്കാൻ ശ്രമിച്ച മൂന്നു പേർ അറസ്റ്റിൽ. ഇടുക്കി കട്ടപ്പനയിലാണ് സംഭവം. കുട്ടികളുടെ മാതാപിതാക്കളും ഇടനിലക്കാരനും ആയ അസം സ്വദേശികളാണ്. മുക്താപൂർ സ്വദേശി പ്രദീപ്ദാസ് (26) ഭാര്യ ഷിമദാസ് (28) ഇടനിലക്കാരനായ ഗോലാഹട്ട് സ്വദേശി രാജു എന്നു വിളിക്കുന്ന ജാഡു ഗോഗി (39) ആണ് പിടിയിലായത്.
രഹസ്യ വിവരത്തെ തുടർന്ന് വിൽപന നടത്തുന്നതിനിടയിൽ ഇവരെ പിടികൂടുകയായിരുന്നു. സാമ്പത്തിക പ്രതിസന്ധി മൂലമാണ് കുട്ടിയെ വിൽക്കാൻ ശ്രമിച്ചതെന്ന് മാതാപിതാക്കൾ പൊലീസിനോട് പറഞ്ഞു.
