പി പി ചെറിയാൻ
വാഷിംഗ്ടൺ ഡി.സി: വൈറ്റ് ഹൗസ് പ്രസ് സെക്രട്ടറി സ്ഥാനം ഒഴിഞ്ഞതിന് പിന്നാലെ, മുൻ യു.എസ് പ്രസ് സെക്രട്ടറി കാറോലിൻ ലീവിറ്റ് പ്രമുഖ വാർത്താ ചാനലായ ‘ഫോക്സ് ന്യൂസിൽ’ ഓൺ-എയർ കോൺട്രിബ്യൂട്ടറായി ജോയിൻ ചെയ്യുന്നു. നവംബർ 1 മുതൽ ചാനലിൽ രാഷ്ട്രീയ വിലയിരുത്തലുകളും അഭിപ്രായങ്ങളും പങ്കുവെച്ചുതുടങ്ങും. ഫോക്സ് ന്യൂസ് മീഡിയ പ്ലാറ്റ്‌ഫോമുകളിലൂടെ രാഷ്ട്രീയ വിശകലനങ്ങളും കാഴ്ചപ്പാടുകളും അവതരിപ്പിക്കും.
കുട്ടികളുടെ പരിചരണത്തിനായി ഓഗസ്റ്റ് അവസാനത്തോടെയാണ് 29 കാരിയായ കാറോലിൻ ലീവിറ്റ് വൈറ്റ് ഹൗസ് പ്രസ് സെക്രട്ടറി സ്ഥാനം ഒഴിഞ്ഞത്. അമേരിക്കൻ ചരിത്രത്തിൽ ഈ പദവിയിലെത്തുന്ന ഏറ്റവും പ്രായം കുറഞ്ഞ വ്യക്തിയാണ് അവർ.
ന്യൂഹാംഷെയറിലെ വീട്ടിലിരുന്ന് ചാനൽ ചർച്ചകളിൽ പങ്കെടുക്കുന്നതിനായി ഫോക്സ് ന്യൂസ് പ്രത്യേക സ്റ്റുഡിയോ സജ്ജീകരിച്ചിട്ടുണ്ട്. ട്രംപിന്റെ ആദ്യ ഭരണകാലത്തെ പ്രസ് സെക്രട്ടറിയായിരുന്ന കെയ്‌ലി മെക്കനാനിക്കും ഫോക്സ് ന്യൂസിൽ സമാനമായ പങ്ക് ഉണ്ടായിരുന്നു.
വാർത്ത: പി പി ചെറിയാൻ
