ഷാർലറ്റ്: വേൾഡ് മലയാളി കൗൺസിൽ (WMC) വടക്കേ അമേരിക്കൻ റീജിയന്റെ കീഴിൽ ഗ്രേറ്റർ ഷാർലറ്റ് പ്രൊവിൻസ് രൂപീകരിച്ചു. അമേരിക്ക റീജിയന്റെ നേതൃത്വത്തിൽ നടന്ന പ്രത്യേക സൂം യോഗത്തിലാണ് പുതിയ പ്രൊവിൻസിന്റെ രൂപീകരണം ഔദ്യോഗികമായി പ്രഖ്യാപിച്ചത്.
പ്രൊവിൻസ് രൂപീകരിക്കുന്നതിന് മുൻകൈയെടുത്ത WMC ഗ്ലോബൽ OCI ഫോറം ചെയർമാൻ സാജു തുറുത്തലിനെയും അമേരിക്ക റീജിയൻ പ്രസിഡന്റ് ബ്ലെസൺ മണ്ണിലിനെയും WMC ഗ്ലോബൽ പ്രസിഡന്റ് ഡോ. ബാബു സ്റ്റീഫൻ അഭിനന്ദിച്ചു.
പ്രൊവിൻസ് രൂപീകരണത്തിനായി അക്ഷീണം പ്രവർത്തിച്ച് നിർണായക നേതൃത്വം നൽകിയ സാജു തുറുത്തലിനെ ചടങ്ങിൽ പ്രത്യേകം അനുമോദിച്ചു. അദ്ദേഹത്തിന്റെ ആത്മാർഥമായ പ്രവർത്തനവും മികച്ച ഏകോപനവുമാണ് പുതിയ പ്രൊവിൻസ് യാഥാർഥ്യമാകാൻ വഴിയൊരുക്കിയതെന്ന് യോഗം വിലയിരുത്തി.
അമേരിക്ക റീജിയനിൽ സംഘടനയുടെ പ്രവർത്തനങ്ങൾ വിപുലീകരിക്കുന്നതിലും പുതിയ പ്രൊവിൻസുകൾ രൂപീകരിക്കുന്നതിലും നേതൃത്വം നൽകുന്ന റീജിയൻ പ്രസിഡന്റ് ബ്ലെസൺ മണ്ണിലിനെയും WMC ഗ്ലോബൽ നേതൃത്വം അഭിനന്ദിച്ചു. അദ്ദേഹത്തിന്റെ നേതൃത്വത്തിൽ അമേരിക്ക റീജിയൻ ശ്രദ്ധേയമായ വളർച്ച കൈവരിച്ചുവരികയാണെന്നും പുതിയ പ്രൊവിൻസുകളുടെ രൂപീകരണത്തിലൂടെ സംഘടന കൂടുതൽ ശക്തിപ്പെടുകയാണെന്നും നേതാക്കൾ അഭിപ്രായപ്പെട്ടു.
യോഗത്തിൽ WMC ഗ്ലോബൽ ചെയർമാൻ തോമസ് മൊട്ടക്കൽ, ഗ്ലോബൽ വൈസ് പ്രസിഡന്റ് (അഡ്മിനിസ്ട്രേഷൻ) ജെയിംസ് കൂടൽ, ഗ്ലോബൽ ട്രഷറർ സണ്ണി വേല്യത്ത്, ഗ്ലോബൽ സെക്രട്ടറി ഷാജി മാത്യു, ഗ്ലോബൽ അമേരിക്കൻ റീജിയൻ വൈസ് പ്രസിഡന്റ് ഡോ. തങ്കം അരവിന്ദ്, ഗ്ലോബൽ വിമൻസ് ഫോറം പ്രസിഡന്റ് ഷീല റെജി, ഗ്ലോബൽ യൂത്ത് ഫോറം പ്രസിഡന്റ് രേഷ്മ റെജി, ഗ്ലോബൽ OCI ഫോറം ചെയർമാൻ സാജു തുറുത്തേൽ എന്നിവർ പങ്കെടുത്തു.
മിഡിൽ ഈസ്റ്റ് ഫോറം ചെയർമാൻ സക്കീർ ഹുസൈൻ, പ്രസിഡന്റ് സുധീർ സുബ്രഹ്മണ്യൻ, ദുബായ് പ്രൊവിൻസ് സെക്രട്ടറി റെജി ജോർജ് എന്നിവരും യോഗത്തിൽ പങ്കെടുത്തു.
അമേരിക്കൻ റീജിയൻ പ്രസിഡന്റ് ബ്ലെസൺ മണ്ണിൽ, ചെയർമാൻ ഡോ. ഷിബു സാമുവൽ, സെക്രട്ടറി മഞ്ജു നീലിവീട്ടിൽ, ട്രഷറർ മോഹൻകുമാർ എന്നിവരുടെ നേതൃത്വത്തിലാണ് ഗ്രേറ്റർ ഷാർലറ്റ് പ്രൊവിൻസിന് തുടക്കമായത്.
ഗ്രേറ്റർ ഷാർലറ്റ് പ്രൊവിൻസ് ഭാരവാഹികൾ
* ഷാജി പീറ്റർ – ചെയർമാൻ
* എൽഡോ പോൾ – പ്രസിഡന്റ്
* സിബി ജേക്കബ് – സെക്രട്ടറി
* ഷിബി വർഗീസ് – ട്രഷറർ
* ലീലമ്മ ജോസ്മാനി – വൈസ് പ്രസിഡന്റ് (അഡ്മിൻ)
* ഗ്രേസി ജോസഫ് – വൈസ് പ്രസിഡന്റ് (ഓർഗനൈസേഷൻ)
* രാജിത് കാക്കുന്നത്ത് – വൈസ് ചെയർ
* പീറ്റർ കോരത്ത് – ആർട്സ് & കൾച്ചറൽ ഫോറം
* രഞ്ജിത് ഗോപാലൻ – ജോയിന്റ് ട്രഷറർ
* ബോബി ജോൺ – ജോയിന്റ് സെക്രട്ടറി
* സീന ടോമി – വിമൻസ് ഫോറം ചെയർ
* ടാഷ പോൾ – യൂത്ത് ഫോറം
* അന്നു ജോസ് – IT & മീഡിയ ഫോറം
* ആഗ്നസ് ജേക്കബ് – യൂത്ത് ഫോറം
* ജോർജ് മണി – കൗൺസിൽ എക്സിക്യൂട്ടീവ്
* ജോർജ് ജോസഫ് – കൗൺസിൽ എക്സിക്യൂട്ടീവ്
* ലാൽസൻ ജോൺ – കൗൺസിൽ എക്സിക്യൂട്ടീവ്
* പ്രിയ വർഗീസ് – വിമൻസ് ഫോറം സെക്രട്ടറി
പുതിയ പ്രൊവിൻസ് രൂപീകരണം വടക്കേ അമേരിക്കയിലെ മലയാളി സമൂഹത്തെ കൂടുതൽ ശക്തമായി ഏകോപിപ്പിക്കുന്നതിനും സാമൂഹിക, സാംസ്കാരിക, വനിതാ, യുവജന പ്രവർത്തനങ്ങൾ വിപുലീകരിക്കുന്നതിനും വഴിയൊരുക്കുമെന്ന് ഭാരവാഹികൾ അറിയിച്ചു. പുതിയ നേതൃത്വത്തിന്റെ പ്രവർത്തനങ്ങളിലൂടെ WMCയുടെ അമേരിക്കയിലെ സംഘടനാ പ്രവർത്തനങ്ങൾക്ക് കൂടുതൽ കരുത്തും വ്യാപ്തിയും ലഭിക്കുമെന്ന പ്രതീക്ഷയും യോഗം പങ്കുവച്ചു.
