സംസ്ഥാനത്ത് ശക്തമായ മഴ തുടരുന്നു. ശനിയാഴ്ച വരെ ഇടിമിന്നലോട് കൂടിയ വ്യാപകമഴയ്ക്കും ശക്തമായ കാറ്റിനും സാധ്യതയെന്ന് കേന്ദ്ര കാലാവസ്ഥ വകുപ്പ്. ഇന്ന് 11 ജില്ലകളില് മഴ മുന്നറിയിപ്പ് നിലനില്ക്കുന്നുണ്ട്.
കണ്ണൂര്, കാസര്ഗോഡ് ജില്ലകളില് ശക്തമായ മഴയ്ക്ക് സാധ്യതയുള്ളതിനാല് ഓറഞ്ച് അലര്ട്ടാണ് കേന്ദ്ര കാലാവസ്ഥ വകുപ്പ് പ്രഖ്യാപിച്ചിരിക്കുന്നത്. കൂടാതെ പത്തനംതിട്ട, കോട്ടയം, ഇടുക്കി,
എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളില് യല്ലോ അലര്ട്ടും നിലനില്ക്കുന്നു. പ്രതികൂല കാലാവസ്ഥ നിലനില്ക്കുന്നതിനാല് കേരള കര്ണാടക ലക്ഷദ്വീപ് തീരങ്ങളില് മത്സ്യബന്ധനത്തിന് പോകാന് പാടില്ലെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം അറിയിച്ചു.
