ചിങ്ങപ്പുലരി പിറന്നു .
ഓണവില്ലുകളുണരുന്നു..
ഓണപ്പൂക്കളിനിതളുകൾ ചേലിൽ
ഹിമകണ വൈഡൂര്യമണിയുന്നു.
വർണ്ണച്ചിറകുകൾ വീശി
മധു തേടിയെത്തി ശലഭങ്ങൾ.
കാക്കപ്പൂ അഞ്ജനമെഴുതീ
ലോലാക്കണിഞ്ഞൊരുങ്ങി നിന്നു..
ഓണച്ചിന്തിൽ താളമിടാൻ
ഓണത്തുമ്പികളും വന്നൂ
തുമ്പയും, തെച്ചിയും, മുക്കുറ്റിയും,
തൊടിയിൽ തോരണം ചാർത്തി.
കതിരണിപ്പാടം കൊയ്തൊഴിഞ്ഞേ
അമ്പിളിപ്പൂമുഖം വാനിൽ തെളിഞ്ഞേ.
ആവണിമാസത്തിൻ അനുപമചാരുത
നിറയുന്നു മലയാള മാനസത്തിൽ.
