തിരുവനന്തപുരം: സംസ്ഥാനത്ത് 19 ജില്ലാ വിദ്യാഭ്യാസ ഓഫീസര്‍മാര്‍ക്ക് നിയമനം നല്‍കുന്ന ഉത്തരവില്‍ പൊതുവിദ്യാഭ്യാസവും തൊഴിലും വകുപ്പ് മന്ത്രി വി ശിവന്‍കുട്ടി ഒപ്പുവച്ചു. സ്ഥാനക്കയറ്റം വഴിയാണ് നിയമനം.
സ്‌കൂള്‍ തുറന്ന പ്രത്യേക സാഹചര്യം കണക്കിലെടുത്ത് അടിയന്തര നടപടികള്‍ കൈക്കൊണ്ട് സ്ഥാനക്കയറ്റ ഉത്തരവ് പുറത്തിറക്കുകയായിരുന്നു. സംസ്ഥാനത്താകെ 43 വിദ്യാഭ്യാസ ജില്ലകളാണ് ഉള്ളത്. ഇതില്‍ 19 ഇടങ്ങളിലാണ് വിരമിക്കലും സ്ഥാനക്കയറ്റവും മൂലം ഒഴിവുണ്ടായിരുന്നത്.
