🌹 ചിന്താ പ്രഭാതം 🌹 – 2024 | സെപ്റ്റംബർ 20 | വെള്ളി ✍ ബേബി മാത്യു അടിമാലി

പ്രിയപ്പെട്ടവരേ, നമ്മൾ ഹൃദയത്തോട് എറ്റവും ചേർത്തുപിടിക്കേണ്ടത് നമുക്ക് ആകാശവും ഭൂമിയും കാട്ടിതന്ന രക്തവും വിയർപ്പും ചിന്തി നമ്മളെ നമ്മളാക്കി മാറ്റിയ ഭൂമിയിലെ നമ്മുടെ കാണപ്പെട്ട ദൈവങ്ങളായ മാതാപിതാക്കളെയാണ് .

സ്വാര്‍ത്ഥതയും വെറുപ്പും വിദ്വേഷവും നിറഞ്ഞ വര്‍ത്തമാന കാല സമൂഹത്തില്‍ വാര്‍ദ്ധക്യം എന്ന മനുഷ്യാവസ്ഥ ശാപമായി തീര്‍ന്നിരിക്കയാണ്. മനുഷ്യ ജീവന് പ്രതീക്ഷിത ആയുസ്സിനോടടുത്തെത്തി നില്‍ക്കുന്ന അവസ്ഥയാണ് വാര്‍ദ്ധക്യം. ജീവിത യാത്രയുടെ അവസാന നാളുകളിലെത്തി നില്‍ക്കുന്ന ഓരോ വൃദ്ധജനങ്ങളും വന്‍ നിധി ശേഖരങ്ങളാണ്.

ഒരുപാട് അനുഭവത്തിന്‍റെയും വിജ്ഞാനത്തിന്‍റെയും ചരിത്രപുസ്തകങ്ങളാണിവര്‍. കാലത്തോടൊപ്പം നടന്ന് കാലത്തിന്‍റെ കുതിപ്പിനും കിതപ്പിനും സാക്ഷിയാവര്‍. ദാരിദ്രവും, പട്ടിണിയും, ഇല്ലായ്മകളും എല്ലാം താണ്ടി നമുക്ക് സുരക്ഷിതത്വം ഒരുക്കിതന്ന നമ്മുടെ മാതാപിതാക്കൾ.

മക്കളുടെയും കൊച്ചുമക്കളുടെയും സ്നേഹവാത്സല്യങ്ങളും പരിചരണങ്ങളും ഏറെ ആഗ്രഹിക്കുന്ന ഒരു ഘട്ടമാണിത്. കുഞ്ഞുനാളുകളില്‍ നമ്മെ താരാട്ടുപാടിയുറക്കിയവര്‍, കഥയുടെ പാല്‍പായസം കൊണ്ട് മതിവരുവോളം പുരാണങ്ങളും ഇതിഹാസങ്ങളും ജീവിതസമസ്യകളിലേക്ക് സന്നിവേശിപ്പിച്ച് ധാര്‍മ്മികതയുടെയും സദാചാരത്തിന്‍റെയും മൂല്യങ്ങള്‍ പകുത്തുതന്ന നമ്മുടെ ആദ്യത്തെ ഗുരുക്കന്മാര്‍, ഇവരെ അവഗണിച്ച് നമുക്കെങ്ങിനെ മുന്നോട്ട് പോകാന്‍ സാധിക്കും.

ചുമരുണ്ടെങ്കിലേ ചിത്രം വരയ്ക്കാനാവുകയുള്ളു. നമുക്ക് നമ്മുടെ അച്ചനമ്മമാരെ മാറോടണയ്ക്കാം. നാമാണ്, നാം മാത്രമാണ് അവരുടെ മിച്ചമുള്ള ജീവതത്തിലെ ഏക കൈത്താങ്ങ്. നെഞ്ചോട് ചേർത്തണച്ച് സ്നേഹലാളനയോടെ ശുശ്രൂഷകള്‍ നൽകി സംരക്ഷിക്കാം.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി