🌹 ചിന്താ പ്രഭാതം 🌹 – 2024 | ഓഗസ്റ്റ് l 15 | വ്യാഴം ✍ ബേബി മാത്യു അടിമാലി

നമ്മുടെ രാജ്യത്തിൻ്റെ സ്വാതന്ത്ര്യദിനം സമുചിതമായി ആഘോഷിക്കുന്ന ഈ സുദിനത്തിൽ എല്ലാ പ്രിയപ്പെട്ടവർക്കും എൻ്റെ സ്വതന്ത്ര്യദിനാശംകൾ. സ്വാതന്ത്ര്യം എന്നാൽ രാഷ്ട്രീയ സ്വാതന്ത്ര്യം മാത്രമല്ല അഞ്ജതയുടെ അന്ധകാരത്തിൽ നിന്നുമുള്ള സ്വതന്ത്ര്യം കൂടിയാവണം.

ജീവിതത്തെ അലസമായി കാണാതെ വെറും തമാശയാക്കി മാറ്റതെ അതിൻ്റെതായ കാര്യ ഗൗരവത്തിൽ മനസിലാക്കി ജീവിച്ചാൽ നമ്മുടെ ജീവിതം സന്തോഷപ്രധവും അനന്ദദായകവും ആയി മാറും.

ജീവിതത്തിന്റെ അർത്ഥതലങ്ങളും നിരർത്ഥതലങ്ങളും ബോദ്ധ്യപ്പെട്ടാൽ മനസ്സ് അതുമായി പാകപ്പെടും. മനസ്സ് പാകപ്പെട്ടാൽ ജീവിതം പാകപ്പെടും. ആകുലതകൾ അവസാനിക്കും. ജീവിതത്തിന്റെ നിരർത്ഥകതാ ബോധമല്ല താത്വജ്ഞാനം, ജീവിതത്തിന്റെ അർത്ഥം തേടിയും അറിഞ്ഞുമുള്ള യാത്രയാണ്.

ഭൗതികമായിമാത്രം ജീവിതം കാണുമ്പോഴുള്ള നിരർത്ഥകത ബോദ്ധ്യപ്പെട്ടാൽ യഥാർത്ഥ്യം ബോദ്ധ്യപ്പെടും. നിഷ്ക്രീയമായി ധ്യാനിച്ചിരിക്കലല്ല താത്വികത. സക്രീയമായി പ്രവർത്തി ചെയ്യുകയും ആ പ്രവർത്തി എത്രത്തോളം ഗുണം ചെയ്യുമെന്നും, അറിയുന്നതാണു താത്വികത.

ജീവിക്കാൻ മറന്ന് തിരക്കിട്ട് സമ്പാദിക്കുന്ന ഒരുവന്റെ ശേഷിക്കുന്ന അല്പായുസ്സിനെപ്പറ്റി ഓർമ്മപ്പെടുത്തിയാൽ അത് മനസ്സിലാക്കി ജീവിതം കണ്ടറിഞ്ഞ് ആസ്വദിച്ച് ജീവിച്ചാൽ അത് താത്വിക ചിന്തയായി, സന്തോഷദായകമായി തീരും.
സർവ്വതും ത്യജിക്കുകയോ സർവ്വസംഗപരിത്യാഗമോ അല്ല താത്വികത. ഭൗതിക സുഖങ്ങളെല്ലാം ഉപേക്ഷിച്ച് ആത്മീയതയിൽ വിലയം പ്രാപിക്കുകയല്ല താത്വികത. ഭൗതിക സുഖങ്ങൾ മാത്രമല്ല ജീവിതമെന്ന് മനസ്സിലാക്കി, ഭൗതിക സുഖങ്ങളിൽ നിന്ന് കിട്ടാവുന്ന സുഖത്തിന്റെ അളവിന്റെ പരിമിതി മനസ്സിലാക്കി ജീവിക്കുന്നതാണു താത്വികത.

വർജ്ജിക്കേണ്ടതിനെ യഥാസമയം യഥാവിധി വർജ്ജിച്ച് സ്വീകരിക്കേണ്ടതിനെ അപ്രകാരം തന്നെ സ്വീകരിച്ച്, അറിഞ്ഞ് ജീവിക്കുന്നതാണു താത്വികത.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി