🌹 ചിന്താ പ്രഭാതം 🌹 – 2024 | ജൂലൈ 29 | തിങ്കൾ ✍ ബേബി മാത്യു അടിമാലി

വർഷങ്ങൾ പിന്നിടുമ്പോൾ പല കാര്യങ്ങൾക്കും പ്രായം ഒരു പ്രശ്നമായി ഒരു പ്രതിസന്ധിയായി നിങ്ങൾക്ക് തോന്നാറുണ്ടോ? എല്ലാത്തിനോടും ഒരു അലസത, വിരക്തി എന്നിവ അനുഭവപ്പെടാറുണ്ടോ?

പ്രായം ചെല്ലും തോറും ഏകാഗ്രത നഷ്ടപ്പെടുന്നുവെന്ന് ചിലര്‍ പരാതി പറയാറുണ്ട്.
നിങ്ങള്‍ക്കൊരു ടി.വി. സീരിയല്‍ കാണാന്‍ പ്രശ്‌നമില്ലല്ലോ. കഥകള്‍ കേള്‍ക്കാനും വായിക്കാനും ഇഷ്ടമാണ്. അത്യാവശ്യം ഏതെങ്കിലുമൊരു വാഹനം ഓടിക്കാന്‍ കഴിയുന്നില്ലേ? സൂചിയില്‍ നൂലുകോര്‍ക്കാന്‍ പറ്റുന്നുണ്ടല്ലോ..? പിന്നെ , ആരു പറഞ്ഞു, നിങ്ങള്‍ക്ക് ഏകാഗ്രത നഷ്ടപ്പെട്ടുവെന്ന്? നമുക്കിതു മാറ്റിപ്പറയാം.

താല്പര്യമില്ലാത്ത കാര്യങ്ങളില്‍ നിങ്ങള്‍ക്കെന്നല്ല ആര്‍ക്കും ഏകാഗ്രത കിട്ടില്ല. ഏകാഗ്രത കിട്ടണമെങ്കില്‍ നാം ഏര്‍പ്പെടുന്ന കാര്യങ്ങളില്‍ നമുക്ക് താല്പര്യമുണ്ടാവണം.

ആഹ്ലാദകരമായ ഒരു ജീവിതം ആഗ്രഹിക്കാത്തവരില്ല.അതിനു വേണ്ടത് സന്തോഷം. എങ്ങനെ സന്തോഷമുണ്ടാകും? അതാര്‍ക്കും ഉണ്ടാക്കിത്തരാവുന്ന ഒന്നല്ലല്ലോ. ആഹ്ലാദം നമ്മില്‍ വന്നു നിറയേണ്ടതാണ്. അത് നിറക്കേണ്ടത് നാമല്ലാതെ മറ്റാരുമല്ല.
സന്തോഷം തേടി നിങ്ങളും ഒരിടത്തും പോകേണ്ട കാര്യമില്ല.

സന്തോഷം നമ്മോടൊപ്പം തന്നെയുണ്ട്. അത് നമ്മുടെ മനസ്സിലാണ് വളരേണ്ടത്.
ലോകം മുഴുവന്‍ നേടിയാലും സന്തോഷമില്ലെങ്കില്‍ പിന്നെന്തു കാര്യം?
അതിനാൽ എപ്പോഴും പോസിറ്റീവായി കാര്യങ്ങളെ കാണാൻ പഠിക്കു . സന്തോഷങ്ങളെ നഷ്ടപ്പെടുത്താതിരിക്കു.

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി✍