🌹 ചിന്താ പ്രഭാതം 🌹 – 2024 | ജൂലൈ 22 | തിങ്കൾ ✍ ബേബി മാത്യു അടിമാലി

ഏറ്റവും ആഹ്ളാദകരവും, പ്രധാനവുമായ കാര്യം എന്താണ് കുടുംബത്തില്‍? വസ്തുവകകളോ സമ്പത്തോ അല്ല അത്. സ്നേഹമാണ്.

നമുക്കൊക്കെ ബാങ്കി‍ൽ ഇടപാടുകളും, അക്കൗണ്ടുകളും ഉണ്ടല്ലോ. നാം അവിടെ എന്താണ്‌ ചെയ്യുന്നത്‌. പണം നിക്ഷേപിക്കലും, പിൻവലിക്കലുമാണ്‌ ചെയ്യുന്നത്‌. നിക്ഷേപത്തേക്കൾ‍ കൂടുതലായി നമുക്ക്‌ പിൻവലിക്കുവാ‍ൻ കഴിയുകയില്ല.

നിക്ഷേപം വർദ്ധിക്കുംതോറും നമുക്ക്‌ പലിശ വർദ്ധിക്കുകയും സന്തോഷം അധികരിക്കുകയും ചെയ്യുന്നു.

നിക്ഷേപം കുറയും തോറും നമ്മുടെ സന്തോഷം കുറയുകയും പലിശ കുറയുകയും ചെയ്യുന്നു.

നമുക്ക്‌ ബാങ്ക്‌ അക്കൗണ്ട്‌ തുടങ്ങിയതു പോലെ ഒരു ഇമോഷണ‍ൽ ബാങ്ക്‌ (വൈകാരിക ബാങ്ക്‌ അക്കൗണ്ട്‌) തുടങ്ങാം. അതിന്‌ സാമ്പത്തീകമായ ഒരു മുതൽ‍ മുടക്കം ആവശ്യമില്ല.

ഇവിടെ നിക്ഷേപം വ‍ർദ്ധിക്കുമ്പോൾ‍ സന്തോഷം, സമാധാനം, ഭദ്രത എന്നിവ ശക്തിയായി വർദ്ധിക്കുന്നു.

പിൻവലിക്കുമ്പോൾ ദു:ഖവും. അശാന്തിയും, ഭ്രംശവും, ഛിദ്രവും വർദ്ധിക്കുന്നു. അതുകൊണ്ട്‌ നിങ്ങൾ‍ നിങ്ങളുടെ നിക്ഷേപം വ‍ർദ്ധിപ്പിച്ച്‌, പിൻ‍വലിക്ക‍ൽ കുറച്ച്‌ ബാല‍ൻസ്‌ കൂട്ടി കൊണ്ടു വരിക

ഒത്തിരി ഇഷ്ടത്തോടെ……🙏

🙏 ശുഭദിനാശംസകൾ 🙏

ബേബി മാത്യു അടിമാലി✍