ഭക്തരെ…!
മൂന്ദി വിനായക ക്ഷേത്രം,പുലിയകുലം, കോയമ്പത്തൂർ.
ഏഷ്യയിലെ തന്നെ ഏറ്റവും വലിയ ഗണപതി വിഗ്രഹങ്ങളിലൊന്നാണ് കോയമ്പത്തൂരിലെ മൂന്ദി വിനായക ക്ഷേത്രത്തിലുള്ളതെന്നാണ് വിശ്വാസം. വിഗ്രഹത്തിന് 19 അടി 10 ഇഞ്ച് ഉയരവും 11 അടി 10 ഇഞ്ച് വീതിയും ഉണ്ട്. ഇതിൽ ഗണപതിയുടെ നെറ്റിക്ക് മാത്രം 2.5 അടി വീതിയാണ് ഉള്ളത്. 21 ശിൽപികൾ 6 വർഷത്തോളം തുടർച്ചയായി പണിയെടുത്താണ് ശിലപ്ം ഈ കാണുന്ന രൂപത്തിൽ സൃഷ്ടിച്ചത്. കോയമ്പത്തൂരിലെ ഊത്തുക്കുളി എന്ന സ്ഥലത്ത് നിന്നും എടുത്ത പാറയിലാണ് 190 ടൺ ഭാരത്തിൽ ഈ വിഗ്രഹം തീർത്തത്. വിഗ്രഹത്തിന്റെ തുമ്പിക്കൈ വലത് വൃത്താകൃതിയിലാണ് (വലഞ്ചുഴി). ഭഗവാൻ തന്റെ ഭക്തരെ 4 കൈകളാൽ അനുഗ്രഹിക്കുന്ന രൂപമാണ് വിഗ്രഹത്തിനുള്ളത്.
രാഹുവിന്റെയും കേതുവിന്റെയും ദോഷഫലങ്ങളിൽ നിന്ന് മോചനം ലഭിക്കുവാൻ ഇവിടെ സന്ദര്‍ശിച്ചാല്‍ മതിയെന്നാണ് വിശ്വാസം.
ശുഭകാര്യങ്ങൾക്ക് മുൻപ് ഗണപതിപൂജ എന്തിന്? വിഘ്നേശ്വരനെ കുറിച്ച് ഇതെല്ലാം അറിയൂ…..
ഏത് ശുഭ കാര്യങ്ങൾ ആരംഭിക്കുന്നതിനും മുൻപും ഗണപതിപൂജ നടത്തുന്നത് തടസ്സങ്ങളകറ്റി ചൈതന്യം പ്രദാനം ചെയ്യുമെന്നാണ് വിശ്വാസം. ചൈതന്യത്തെ കാത്തു രക്ഷിക്കുന്നവനാണ് ഗണപതി.
ഗണ’ എന്നാൽ ‘പവിത്രകം’ അതായത് ചൈതന്യത്തിൻ്റെ കണങ്ങൾ എന്നാണ് അര്‍ത്ഥമാക്കുന്നത്. ‘പതി’ എന്നാൽ ‘സ്വാമി’ അതായത് കാത്തു രക്ഷിക്കുന്നവൻ എന്നും വ്യാഖാനിക്കുന്നു. അതിനാൽ ഗണപതി എന്നാൽ ‘ചൈതന്യത്തെ കാത്തുരക്ഷിക്കുന്നവൻ’ എന്ന് അര്‍ത്ഥമാക്കുന്നു. ഗണപതി ഭഗവാനെ പലപേരുകളിൽ സംബോധന ചെയ്യാറുണ്ട്. എന്നാൽ എന്തുകൊണ്ട് അങ്ങിനെ എന്ന് പലര്‍ക്കും അറിയുന്നുമുണ്ടാവില്ല.
വക്രതുണ്ഡൻ
വളഞ്ഞ തുമ്പിക്കൈ ഉള്ളവൻ എന്നാണ് വക്രതുണ്ഡൻ എന്ന വാക്കിന്‍റെ അര്‍ത്ഥം. എന്നാൽ ഗണപതി ഭഗവാനെ വക്രതുണ്ഡൻ എന്ന് വിളിക്കുന്നത് ഈ കാരണം കൊണ്ട് മാത്രമല്ല. തെറ്റായ മാര്‍ഗത്തിൽ സഞ്ചരിക്കുന്നവരെ തക്കതായ ശിക്ഷ നൽകി നേരായ മാര്‍ഗത്തിൽ കൊണ്ടു വരുന്നവൻ എന്ന ഉദ്ദേശത്തിലാണ്.
ഏകദന്തൻ
രണ്ട് കൊമ്പുകളിൽ ഒന്ന് മാത്രമാണ് ഗണപതിക്ക് മുളുവനായുള്ളത്. മറ്റൊന്നാകട്ടെ പാതി മുറിഞ്ഞതും. വിഘ്നേശ്വരനെ ഏകദന്തൻ എന്ന് വിളിക്കുന്നതിൽ ഇത് ഒരു കാരണമാണ്. എന്നാൽ ഇവിടെ ഒന്ന് എന്ന അക്കം ബ്രഹ്മത്തെ സൂചിപ്പിക്കുന്നു. ദന്തൻ എന്നാൽ കാണിച്ചു കൊടുക്കുക എന്നും വ്യാഖ്യാനിക്കുന്നു. അതായത് ഏകമായ ബ്രഹ്മത്തിന്‍റെ അനുഭൂതി നേടാനുള്ള വഴി കാട്ടിക്കൊടുക്കുന്നവൻ എന്ന അര്‍ത്ഥത്തിലാണ് ഗണപതി ഭഗവാൻ ഏകദന്തൻ എന്ന നാമത്തിലും അറിയപ്പെടുന്നത്.
വിനായകൻ
വിനായകൻ എന്നാൽ നേതാക്കന്മാരുടെ വിശേഷതകൾ ഉള്ളവൻ എന്നാകുന്നു. ലംബോദരൻ എന്നും ഗണപതിയെ അഭിസംബോധന ചെയ്യാറുണ്ട്. ലംബമായ അതായത് വലിയ വയറോട് കൂടിയവൻ എന്ന് ഒരു വിധത്തിൽ ഇതിനെ വ്യാഖ്യാനിക്കാം. എന്നാൽ സര്‍വ്വ ചരാചരങ്ങളും ഗണപതിയിൽ വസിക്കുന്നു എന്നതാണ് ഇത് യഥാര്‍ത്ഥത്തിൽ സൂചിപ്പിക്കുന്നത്.
ശുഭകാര്യങ്ങൾക്ക് മുൻപ് ഗണപതിയെ പ്രാര്‍ത്ഥിക്കുന്നതിന്‍റെ പൊരുൾ
മനുഷ്യന്‍റെ സംസാരഭാഷ നാദഭാഷയായാണ് കണക്കാക്കുന്നത്. എന്നാൽ ദേവീ ദേവന്മാരുടെ ഭാഷ പ്രകാശ ഭാഷയാണെന്നും വിശ്വസിക്കുന്നു. വിഘ്നേശ്വന് മനുഷ്യരുടെ നാദഭാഷ ഗ്രഹിക്കുന്നതിനുള്ള കഴിവുണ്ട്. ഈ നാദഭാഷയെ അദ്ദേഹം ദേവീദേവന്മാരുടെ പ്രകാശഭാഷയായി രൂപാന്തരപ്പെടുത്തു മെന്നാണ് വിശ്വാസം. അതിനാൽ നമ്മുടെ പ്രാര്‍ത്ഥനകൾ മറ്റ് ദേവീദേവന്മാരിൽ എത്തിക്കുന്നതിന് ഗണപതി ഭഗവാൻ സഹായിക്കുമെന്ന് കരുതപ്പെടുന്നു. ഈ കാരണത്താലാണ് ഏതൊരു ശുഭ കാര്യവും ഗണപതി പൂജയോടെ ആരംഭിക്കുന്നത്.
മൂഷികനും ഗണപതിയും
ഗണപതിയുടെ വാഹനമാണ് മൂഷികൻ. വാഹനം എന്ന വാക്കിന് സംസ്കൃതത്തിൽ വഹിച്ചുകൊണ്ടു പോവുക എന്നാണ് അര്‍ത്ഥമാക്കുന്നത്. അതായത് നമ്മളെ ജീവിതത്തിൽ മുന്നോട്ടു വഹിച്ചു കൊണ്ടു പോകുന്നത് നമ്മുടെ പ്രവൃത്തികളാണെന്ന് ഇത് സൂചിപ്പിക്കുന്നു. ഗണപതിയുടെ ചലനങ്ങൾക്ക് ആവശ്യമായ ശക്തി മൂഷികനിൽ നിന്നും ലഭിക്കുന്നു. മൂഷികനാവട്ടെ രജോഗുണത്തെ സൂചിപ്പിക്കുന്നതാണ്. അതായത് ത്രിഗുണങ്ങളിൽ രജോഗുണങ്ങൾ നിയന്ത്രിക്കുന്നത് വിഘ്നേശ്വരനാണെന്ന് വിശ്വസിക്കുന്നു.
ഇടത്തോട്ടും വലത്തോട്ടും വളഞ്ഞ തുമ്പിക്കൈ ഉള്ള ഗണപതി ഭഗവാൻ്റെ വിഗ്രഹങ്ങൾ രണ്ട് തരത്തിലുണ്ട്. തുമ്പിക്കൈ ഇടത് വശത്തേക്കും വലത് വശത്തേക്കും തിരിഞ്ഞിരിക്കുന്ന വിധത്തിലാണ് അവ. വലത് ഭാഗം സൂര്യനാഡിയുമായി ബന്ധപ്പെട്ടിരിക്കുന്നു. കൂടാതെ തെക്ക് ദിശ യമലോകത്തെ സൂചിപ്പിക്കുന്നതുമാണ്. ആരാണോ യമലോക ദിശയെ ധൈര്യത്തോടെ നേരിടുന്നത് അവൻെ ശക്തിശാലിയായി കണക്കാക്കുന്നു. കൂടാതെ സൂര്യനാഡി പ്രവര്‍ത്തന ക്ഷമമായിട്ടുള്ളവര്‍ തേജസ്വിയായിരിക്കും. ഈ രണ്ട് കാരണത്താൽ വലത് ഭഗത്തേക്ക് തുമ്പിക്കൈയുള്ളഗണപതി ശക്തിയുള്ളതാണ് എന്നാണ് വിശ്വാസം.
തെക്ക് ദിശയിലുള്ള യമ ലോകത്തിൽ നമ്മുടെ പുണ്യ പാപങ്ങളുടെ കണക്കുകൾ പരിശോധിക്കുന്നതിനാൽ ആ ദിശ നമുക്ക് നല്ലതല്ല. അതുകൊണ്ട് തന്നെ ഇത്തരം വിഗ്രഹങ്ങൾ പൂജിക്കുമ്പോൾ കര്‍മ്മകാണ്ഡപ്രകാരമുള്ള എല്ലാ നിയമങ്ങളും കര്‍ശനമായി പാലിച്ചിരിക്കണം. വലത് ഭാഗത്തേക്ക് തുമ്പിക്കൈയുള്ള ഗണേശ വിഗ്രഹങ്ങൾ വീടുകളിൽ സൂക്ഷിക്കരുതെന്ന് പറയുന്നത് ഈ കാരണത്താലാണ്.
ഇടത് വശത്തേക്ക് വളഞ്ഞിരിക്കുന്ന തുമ്പിക്കൈയുള്ള ഗണേശ വിഗ്രഹത്തെ വാമമുഖി എന്ന് പറയുന്നു. ഇടത് ഭാഗത്തേയും വടക്ക് ദിശയേയും സൂചിപ്പിക്കുന്നതാണ് വാമം. അതുപോലെ വടക്ക് ദിശ ആദ്ധ്യാത്മിക ഉന്നതിക്ക് അനുയോജ്യവും ആനന്ദദായകവുമാണ്. വീടുകളിൽ ഗണപതി ആരാധനക്ക് ഉത്തമം വാമമുഖി ഗണപതിയാണ്.
ഗണപതിഭഗവാന് ചുവന്ന പുഷ്പങ്ങൾ
വിഘ്നേശ്വരന്‍റെ നിറം ചുവപ്പായതിനാൽ പൂജാവേളകളിൽ ചുവന്ന വസ്ത്രം, ചുവന്ന പുഷ്പങ്ങൾ, രക്തചന്ദനം, എന്നിവ ഉപയോഗിക്കുന്നത് ഉത്തമമാണ്. ചുവപ്പ് നിറത്തിന് അന്തരീക്ഷത്തിലെ പവിത്ര കണങ്ങളെ അഥാവാ നല്ല കാര്യങ്ങളെ കൂടുതലായി ആകര്‍ഷിക്കുന്നതിനുള്ള കഴിവുണ്ട്. പൂജാവേളകളിൽ കൂടുതൽ ചൈതന്യം ലഭിക്കുമെന്നതിനാലാണ് ഗണപതി ഭഗവാന് ചുവപ്പ് നിറത്തിന് പ്രാധാന്യം നൽകിയത്.
ഗണപതി പൂജയിൽ കറകപ്പുല്ലിനും വളരെയധികം പ്രാധാന്യമുണ്ട്.
‘ദുര്‍വ’ എന്നും കറുക അറിയപ്പെടുന്നുണ്ട.’ ദുഃ’ എന്നാൽ ദൂടെയുള്ളത്. ‘അവ’ എന്നാൽ സമീപത്ത് കൊണ്ടു വരുന്നത് എന്നുമാണ് അര്‍ത്ഥമാക്കുന്നത്. ദൂരെയുള്ള പവിത്രകങ്ങളെ സമീപത്ത് കൊണ്ടു വരുന്നതെന്തോ അത് ദുര്‍വയാകുന്നു. അതിനാലാണ് ഗണപതി പൂജയിൽ കറുകപ്പുല്ല് പ്രധാന ദ്രവ്യമായി ഉപയോഗിക്കുന്നത്.
“ഗണേശോത്സവം”
മാഘമാസത്തിൽ വെളുത്തപക്ഷത്തിലെ ചതു‍ര്‍ത്ഥി നാളിലാണ് ഗണപതി ഭഗവാൻ ജനിച്ചത്. അതുകൊണ്ട് തന്നെ ഗണപതി ഭഗവാന്‍റെ ചൈതന്യം ആയിരം മടങ്ങ് കൂടുതൽ അളവിൽ ഈ ദിവസങ്ങളിൽ ഭൂമിയിലെത്തിച്ചേരും. ഈ ദിവസം ഗണപതി ഭഗവാന്‍റെ നാമം ജപിക്കുന്നതും, പൂജകൾ നടത്തുകയും ഏറെ ഗുണപ്രദമാണ്.
