കൊച്ചി: കോതമംഗലം പിണ്ടിമന, കോട്ടപ്പടി പഞ്ചായത്തുകളിൽ നിരന്തരശല്യം സൃഷ്ടിച്ച കാട്ടാനയ്ക്ക് റേഡിയോ കോളർഘടിപ്പിച്ച് വനം വകുപ്പ്. ഇന്ന് രാവിലെയാണ് ആനയെ മയക്കുവെടിവച്ച് റേഡിയോ കോളർ ഘടിപ്പിക്കാനുളള നടപടികൾ തുടങ്ങിയത്. രണ്ട് ഡോസ് മയക്കുവെടി വച്ച് ആനയെ ബോധം കെടുത്തിയ ശേഷമാണ് റേഡിയോ കോളർ ഘടിപ്പിച്ചത്.
രണ്ടു ദിവസത്തിനുളളിൽ ആനയെ ഉൾക്കാട്ടിലേക്ക് കയറ്റിയ ശേഷം നിരീക്ഷണം ശക്തമാക്കുമെന്നും ഇനി ആന ജനവാസ മേഖലയിലേക്ക് ഇറങ്ങാതിരിക്കാനുളള മുൻകരുതൽ സ്വീകരിക്കുമെന്നും വനംവകുപ്പ് അറിയിച്ചു.
