നെടുമ്പാശേരി: നെടുമ്പാശേരിയിൽ വിമാനം താഴ്ന്ന പറന്ന് വീടിൻ്റെ മേൽക്കൂര തകർന്നു. അത്താണി കേരള ഫാർമസിക്ക് സമീപമുള്ള ശാന്തിനഗർ സ്വദേശി കാട്ടുപ്പറമ്പിൽ വീട്ടിൽ സൈമൺ ജയുവിൻ്റെ വീടിൻ്റെ മേൽക്കൂരയാണ് തകർന്നത്.
അപകടത്തിൽ വീട്ടുടമയ്ക്ക് പരിക്കേറ്റിട്ടുണ്ട്.
ഞായറാഴ്ച രാവിലെ 8.30-ഓടെയാണ് സംഭവം. അപകട സമയത്ത് സൈമണും ഭാര്യയും വീട്ടിൽ ഉണ്ടായിരുന്നു. അപകടത്തിൽ സൈമണിൻ്റെ തോളിന് പരിക്കേറ്റതായാണ് വിവരം. അപകട സമയത്ത് പുറത്തേക്കിറങ്ങി ഓടാൻ ശ്രമിക്കുന്നതിനിടെയാണ് വീട്ടുടമയുടെ മേൽ ഓടിളകി വീഴുന്നത്. അപകട വിവരം സിയാൽ അധികൃതർ അറിയിച്ചതായി കുടുംബം പറഞ്ഞു.
