തിരുവനന്തപുരം: പട്ടാപ്പകൽ ഓടിക്കൊണ്ടിരുന്ന കാറിൽ ബലാത്സംഗശ്രമം. തിരുവനന്തപുരം വിഴിഞ്ഞത്താണ് സംഭവം നടന്നത്. 22കാരിയായ യുവതിക്കാണ് ദുരനുഭവമുണ്ടായത്. സംഭവത്തിൽ രണ്ട് പേരെ അറസ്റ്റ് ചെയ്തു.
ഇന്നലെ രാവിലെയായിരുന്നു സംഭവം നടന്നത്. കാത്തുനിൽക്കുകയായിരുന്ന യുവതിയെ ലിഫ്റ്റ് നൽകാമെന്ന് പറഞ്ഞ് അജിത് രാജ്, അശോകൻ എന്നിവർ കാറിൽ കയറ്റി. തുടർന്നായിരുന്നു ബലത്സംഗ ശ്രമം. ഇതിനിടെ യുവതി ഡോർ തുറന്ന് പുറത്തേയ്ക്ക് ചാടാൻ ശ്രമിക്കുകയും പ്രതികൾ കാർ നിർത്തുകയും ചെയ്തു. ഇതോടെ യുവതി പുറത്തേക്ക് ഓടി രക്ഷപ്പെടുകയായിരുന്നു. യുവതി നൽകിയ പരാതിയിൽ പ്രതികൾക്കെതിരെ കേസെടുക്കുകയും അറസ്റ്റ് ചെയ്യുകയും ചെയ്യുന്നു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
