ഐശ്വര്യത്തിന്റെ സന്ദേശവുമായി വിഷു. കേരളത്തില് നവവത്സരാരംഭമാണ്. ആണ്ടുപിറപ്പ് എന്നും വിഷു അറിയപ്പെടുന്നു.
തമിഴ്നാട്ടിലും വിഷുദിനമാണ് നവവത്സരമായി കൊണ്ടാടുന്നത്. കലിവര്ഷവും ശകവര്ഷവും ആരംഭിക്കുന്നത് മേടവിഷു മുതലാണ്. വിഷു മേടവിഷുവെന്നും തുലാവിഷുവെന്നും രണ്ടുണ്ട്. മേടവിഷുവാണ് മലയാളികള്ക്ക് പ്രധാനം. “വിഷു’ എന്ന പദത്തിനര്ത്ഥം തുല്യാവസ്ഥയോടു കൂടിയത് എന്നാണ്. രാവും പകലും തുല്യമായി വരുന്ന ദിനങ്ങളാണ് വിഷുദിനങ്ങള്.
ഓരോ വര്ഷവും ഇപ്രകാരം രണ്ട് ദിവസങ്ങളുണ്ട്. ഭൂമിയുടെ ഏതു ഭാഗത്തുള്ളവര്ക്കും ദിനവും രാത്രിയും തുല്യമായിരിക്കും. വിഷുവിന് സൂര്യന് ഭൂമധ്യരേഖയ്ക്ക് നേരേ മുകളില് വരുന്നു.സൂര്യന് മീനം രാശിയില് നിന്ന് മേടം രാശിയിലേക്ക് സംക്രമിക്കുന്ന ദിവസമാണ് വിഷു സംക്രാന്തി.
കര്ഷകന് വയലിലേക്കിറങ്ങാം എന്ന അറിയിപ്പുമായാണ് വിഷു വരുന്നത്. വിഷു കഴിയുമ്പോഴേക്കും വയലുകളില് കര്ഷകന് നിലമൊരുക്കി വിത്തിടീല് തുടങ്ങുന്നു.സമൃദ്ധിയുടെയും ഐശ്വര്യത്തിന്റെയും വിഷുക്കാലം “മലയാളി മനസ്സ് ” ആശംസിക്കുന്നു
