ബൈക്ക് നിയന്ത്രണം വിട്ട് ഇലക്ട്രിക് പോസ്റ്റിലിടിച്ച് യുവാവിന് ദാരുണാന്ത്യം. പട്ടണക്കാട് പഞ്ചായത്ത് 16-ാം വാർഡ് പുളിക്കൽ വീട്ടിൽ അനിൽകുമാർ – ഉഷ ദമ്പതികളുടെ മകൻ ആരോമൽ (26) ആണ് മരിച്ചത്.
കടക്കരപ്പള്ളി തേങ്ങ പുരയ്ക്കൽ പള്ളിക്ക് സമീപം ഞായറാഴ്ച ഉച്ചകഴിഞ്ഞായിരുന്നു അപകടം.
ആരോമലും സുഹൃത്ത് ജിതിനും സഞ്ചരിച്ചിരുന്ന ബൈക്ക് നിയന്ത്രണം വിട്ട് ഇലക്ട്രിക്ക് പോസ്റ്റിൽ ഇടിക്കുകയായിരുന്നു.
വിവരമറിഞ്ഞ ഉടൻ തന്നെ പട്ടണക്കാട് പൊലീസ് എത്തി ചേർത്തല താലൂക്ക് ആശുപത്രിയിൽ എത്തിച്ചു.
തുടർന്ന് കോട്ടയം മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാനായില്ല. ഒപ്പമുണ്ടായിരുന്ന ജിതിനും പരുക്കുണ്ട്.
ആറാട്ടുവഴി SNDP
738 -ാം നമ്പർ
ശാഖായോഗം അംഗമാണ് ആരോമൽ.
സംസ്കാരം ഇന്ന് 2 മണിക്ക് വീട്ടുവളപ്പിൽ
