Friday, November 20, 2026
Homeകേരളംകായികമായി ഉപദ്രവിച്ചു, സെക്‌സ് റാക്കറ്റ് അംഗമെന്ന് വ്യാജ പ്രചാരണം നടത്തി: തിരുവനന്തപുരം മെഡിക്കല്‍ കോളജ് ഹോസ്റ്റലില്‍...

കായികമായി ഉപദ്രവിച്ചു, സെക്‌സ് റാക്കറ്റ് അംഗമെന്ന് വ്യാജ പ്രചാരണം നടത്തി: തിരുവനന്തപുരം മെഡിക്കല്‍ കോളജ് ഹോസ്റ്റലില്‍ റാഗിങ്ങെന്ന് പരാതി.

തിരുവനന്തപുരം: മെഡിക്കല്‍ കോളജ് ഹോസ്റ്റലില്‍ റാഗിങ്ങിന് വിധേയമായതായി വിദ്യാര്‍ഥിയുടെ പരാതി. കൊല്ലുമെന്ന് ഭീഷണിപ്പെടുത്തിയതായും പരാതിയില്‍. മൂന്നുപേരെ പ്രതിചേര്‍ത്ത് കേസെടുത്ത് മെഡിക്കല്‍ കോളജ് പോലീസ്

തിരുവനന്തപുരം മെഡിക്കല്‍ കോളജിലെ ഒന്നാം വര്‍ഷ വിദ്യാര്‍ഥിയാണ് റാഗിങ്ങിന് ഇരയായതായി മെഡിക്കല്‍ കോളജ് പൊലീസില്‍ പരാതി നല്‍കിയത്. മെഡിക്കല്‍ കോളജ് ഹോസ്റ്റലില്‍ താമസിക്കുന്ന വിദ്യാര്‍ഥിയെ മറ്റു മൂന്നു വിദ്യാര്‍ത്ഥികള്‍ ചേര്‍ന്ന് ഹോസ്റ്റലില്‍ വച്ച് കായികമായ ആക്രമിക്കുകയായിരുന്നുവെന്ന് പരാതിയില്‍ പറയുന്നു. കഴുത്തിനു കുത്തി പിടിച്ചെന്നും ലാപ്പ്‌ടോപ്പ് വലിച്ചെറിഞ്ഞെന്നും പരാതിയില്‍ പറയുന്നു. മൊബൈല്‍ ഫോണ്‍ തട്ടിയെടുത്ത് വിവരങ്ങള്‍ പകര്‍ത്തി. ഹോസ്റ്റല്‍ സെക്രട്ടറിയോട് റാഗിങ് വിവരം പരാതിപ്പെട്ടപ്പോള്‍ ഇവരുടെ ഭീഷണികൂടിയെന്ന് പറയുന്ന വിദ്യാര്‍ഥി റൂം വെക്കേറ്റ് ചെയ്തില്ലെങ്കില്‍ കൊലപ്പെടുത്തുമെന്നു ഭീഷണി നേരിട്ടതായും പരാതിയില്‍ പറയുന്നു.

ഇതുകൂടാതെ, വിദ്യാര്‍ഥി സെക്‌സ് റാക്കറ്റിലെ അംഗമെന്നും ഡ്രഗ് ഡീലര്‍ ആണെന്നും കോളജിലടക്കം ഇവര്‍ പറഞ്ഞു പ്രചരിപ്പിച്ചു. നിലവില്‍ ഈ വിദ്യാര്‍ഥിക്ക് പഠനം നിര്‍ത്തി പോകേണ്ട അവസ്ഥയാണെന്നും എഫ്‌ഐആറില്‍ പറയുന്നുണ്ട്. പരാതിയില്‍ മൂന്ന് വിദ്യാര്‍ഥികളെ പ്രതിചേര്‍ത്ത് കേസെടുത്ത മെഡിക്കല്‍ കോളജ് പോലീസ് അന്വേഷണം തുടരുകയാണ്.

RELATED ARTICLES

Most Popular

Recent Comments

ആനി . പി. സെബാസ്റ്റ്യൻ, മംഗരയിൽ, കൂടരഞ്ഞി, കോഴിക്കോട് on കനൽജ്വാല പോലൊരു കാൽവരിപ്പൂവ് (കഥ) ✍ റോമി ബെന്നി
മോഹൻദാസ് അക്ഷരക്കൂട്ട് on 🌸 ഓണം ഓർമ്മകൾ 🌸 ✍അജി സുരേന്ദ്രൻ
അച്യുതൻകുട്ടി പുത്തൻവീട്ടിൽ on കാർഡുകൾ (കഥ) ✍ പി. ചന്ദ്രശേഖരൻ