കണ്ണൂർ സർവകലാശാലയിൽ ചോദ്യപ്പേപ്പർ ചോർച്ചയെന്ന് പരാതി. കാസർഗോഡ് പാലക്കുന്ന് ഗ്രീൻവുഡ് കോളജിൽ ബിസിഎ ആറാം സെമസ്റ്റർ പരീക്ഷയുടെ ചോദ്യപ്പേപ്പറാണ് ചോർന്നത്. മാർച്ച് 18 മുതൽ ഏപ്രിൽ 2 വരെയാണ് പരീക്ഷ നടന്നത്.സർവകലാശാലയുടെ സ്ക്വാഡ് പരിശോധനയിലാണ് ചോദ്യപേപ്പർ ചോർന്ന വിവരം പുറത്തെത്തിയത്.
കോളജ് അധ്യാപകർ വാട്സാപ്പ് വഴി ചോദ്യപ്പേപ്പർ ചോർത്തിയതാണെന്ന് സർവ്വകലാശാല കണ്ടെത്തി. ഇതിനെ തുടർന്ന് സർവകലാശാല ഗ്രീൻവുഡ് കോളജിനെതിരെ ജില്ലാ പൊലീസ് മേധാവിക്കും ബേക്കൽ പൊലീസിനും പരാതി നൽകി. അന്വേഷണം നടത്താൻ സിൻഡിക്കേറ്റ് സമിതിയെ നിയോഗിച്ചതായും സർവകലാശാല അറിയിച്ചു.
