Thursday, May 30, 2024
Homeകേരളംബ്ലാക്ക് സ്ക്വാഡ്' വാട്സാപ്പ് ഗ്രൂപ്പ് അംഗം 'മെന്റൽ യൂസഫ്' പിടിയിൽ

ബ്ലാക്ക് സ്ക്വാഡ്’ വാട്സാപ്പ് ഗ്രൂപ്പ് അംഗം ‘മെന്റൽ യൂസഫ്’ പിടിയിൽ

കൊച്ചി: പാലാരിവട്ടത്ത് നെറ്റ്കഫെയിൽ വെച്ച് ഗുണ്ടാസംഘങ്ങൾ ഏറ്റുമുട്ടിയ സംഭവത്തിലെ പ്രധാന പ്രതി മെന്റൽ യൂസഫ് പിടിയിലായി. കഴിഞ്ഞമാസം നടന്ന ആക്രമണത്തിലെ പ്രധാന പ്രതിയാണ് എളമക്കര സ്വദേശി നെല്ലിക്കാപ്പിളളി വീട്ടില്‍ യൂസഫ് (33). സംഭവത്തിൽ മറ്റ് പ്രതികളെയെല്ലാം പോലീസ് നേരത്തേ പിടികൂടിയിരുന്നു.

സാധാരണ മെന്റൽ യൂസഫിനെ പോലീസിന് പിടികിട്ടാറില്ല. പ്രശ്നത്തിൽ പെട്ടാൽ ഒളിവിൽ പോകുകയും ജാമ്യം നേടുകയോ പ്രശ്നം ഒത്തുതീർപ്പാക്കുകയോ ചെയ്യുന്നതാണ് ഇയാളുടെ രീതി. എന്നാൽ ഇത്തവണ തന്ത്രം ഫലിച്ചില്ല. കാക്കനാട് ഭാഗത്ത് തട്ടുകടകളിൽ ഇയാൾ വരുന്നുണ്ടെന്ന രഹസ്യവിവരം പോലീസിന് ലഭിച്ചിരുന്നു. ഇതിന്റെ അടിസ്ഥാനത്തിൽ എസ്.പി രാജ്കുമാറിന്റെ നേതൃത്വത്തിലുള്ള അന്വേഷണസംഘം നടത്തിയ തിരച്ചിലിലാണ് പ്രതി പിടിയിലായത്.

സി.ഐ റിച്ചാര്‍ഡ് വര്‍ഗീസ്, എസ്.ഐമാരായ രവികുമാര്‍, ആല്‍ബി എസ് പുത്തൂക്കാട്ടില്‍, സ്‌ക്വാഡ് അംഗങ്ങളായ എസ്.ഐ ജോസി, എ.എസ്‌ഐ അനില്‍കുമാര്‍, സീനിയര്‍ സി.പി.ഒ സനീപ്, മഹേഷ്, ഇഗ്‌നേഷ്യസ്, പ്രശാന്ത് എ എന്നിവരും അന്വേഷണ സംഘത്തിൽ ഉൾപ്പെട്ടിരുന്നു.

കാക്കനാട്, കളമശ്ശേരി എന്നിവിടങ്ങളിൽ പ്രവർത്തിക്കുന്ന നെറ്റ് കഫെകളിൽ ഒരുമിച്ച് ചേരുന്ന ഗുണ്ടാ സംഘങ്ങളുണ്ട്. ഇവരിലൊരു ഗ്രൂപ്പ് ‘ബ്ലാക്ക് സ്ക്വാഡ്’ എന്ന പേരിൽ ഒരു വാട്സാപ്പ് ഗ്രൂപ്പ് ഉണ്ടാക്കിയിരുന്നു. ഇതിൽ അംഗമാണ് മെന്റൽ യൂസഫ്. വാട്സാപ്പ് ഗ്രൂപ്പിന്റെ അഡ്മിനും മറ്റ് അംഗങ്ങളും പോലീസ് നിരീക്ഷണത്തിലാണ്.

 

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments