ന്യൂഡൽഹി: രാജ്യത്ത് മൊബൈൽ ഫോണുകൾക്ക് സമാനമായി ലാൻഡ് ലൈനുകളും 10 അക്കത്തിലേക്ക് മാറ്റാൻ ശിപാർശയുമായി ടെലികോം അതോറിറ്റി ഓഫ് ഇന്ത്യ (ട്രായ്). ശിപാർശ സർക്കാർ അംഗീകരിക്കുന്നതോടെ എസ്.ടി.ഡി കോഡ് സമ്പ്രദായത്തിന് അവസാനമാകും.
സംസ്ഥാന തലത്തിലോ ടെലികോം സർക്കിൾ തലത്തിലോ പുതിയ സംവിധാനം നടപ്പിലാക്കാം.
ലൈസൻസ്ഡ് സർവിസ് ഏരിയ (എൽ.എസ്.എ) എന്നാണ് ഇത്തരം മേഖലകൾ അറിയപ്പെടുക. ഇതോടെ നിലവിൽ മൊബൈൽ സേവനങ്ങൾക്ക് ലഭ്യമായ പോർട്ടബിലിറ്റിയടക്കമുള്ള (നമ്പർ മാറാതെ കണക്ഷൻ മാറാനുള്ള സൗകര്യം) സേവനങ്ങൾ ലാൻഡ് ലൈനുകളിലും ലഭ്യമാവും.
