പി പി ചെറിയാൻ
കഴിഞ്ഞ മൂന്നാഴ്ചയ്ക്കിടെ ഇൻഫ്ലുവൻസ എ , റിനോവൈറസ് (Rhinovirus) എന്നിവയുടെ കേസുകൾ നാലിരട്ടിയായി വർദ്ധിച്ചതായി മെർസി എമർജൻസി ഡിപ്പാർട്ട്മെന്റ് മെഡിക്കൽ ഡയറക്ടർ ഡോ. ബ്രെന്റ് മെഡ്ഫോർഡ് പറഞ്ഞു.
താങ്ക്സ്ഗിവിംഗ് അവധി അടുത്തതോടെ യാത്രകളും കുടുംബസംഗമങ്ങളും കൂടുന്നത് രോഗവ്യാപനം ഇനിയും ഉയരാൻ കാരണമായേക്കാമെന്ന് ഡോക്ടർമാർ ആശങ്കപ്പെടുന്നു. പനി കേസുകൾ വർദ്ധിക്കുന്ന സാഹചര്യത്തിൽ വാർഷിക ഫ്ലൂ വാക്സിൻ സ്വീകരിക്കുകയാണ് ഏറ്റവും നല്ല പ്രതിരോധ മാർഗ്ഗമെന്ന് ഒക്ലഹോമ ചിൽഡ്രൻസ് OU ഹെൽത്തിലെ പീഡിയാട്രിക് ഇൻഫെക്ഷ്യസ് ഡിസീസസ് വിഭാഗം മേധാവി ഡോ. ഡോണ ട്യൂംഗു പറഞ്ഞു. വാക്സിൻ എടുത്ത് ഏകദേശം രണ്ടാഴ്ചയ്ക്ക് ശേഷമാണ് അത് ശരീരത്തിൽ ഫലപ്രദമായി പ്രവർത്തിച്ചു തുടങ്ങുന്നത്.



