📱വാർത്തകൾ ഒറ്റനോട്ടത്തിൽ📱 – 2026 | ജൂലൈ 08 | ബുധൻ ✍️ കപിൽ ശങ്കർ

🔹വയനാട് മേപ്പാടി മണ്ണിടിച്ചില്‍ ദുരന്തത്തില്‍ മരിച്ച മൂന്നു പേരുടെ മൃതദേഹങ്ങള്‍ ലഭിച്ചു. തുരങ്ക പാത എന്‍ജിനിയര്‍ അടക്കം അഞ്ചു പേരെ കാണാതായി. മരിച്ച മൂന്നുപേരും ഇതര സംസ്ഥാന തൊഴിലാളികളാണ്. എന്‍ഡിആര്‍എഫിന്റെ നേതൃത്വത്തിലുള്ള രണ്ടു സംഘം രക്ഷാപ്രവര്‍ത്തനം രാത്രിയിലും തുടര്‍ന്നു. മന്ത്രിമാരായ ടി സിദ്ദിഖ്, എ പി അനില്‍കുമാര്‍ എന്നിവര്‍ സ്ഥലത്തെത്തി പ്രവര്‍ത്തനങ്ങള്‍ ഏകോപിപ്പിച്ചു. ഇന്ന് ഉച്ചയോടെ മുഖ്യമന്ത്രി വി.ഡി. സതീശന്‍ ഹെലികോപ്റ്റര്‍ മാര്‍ഗം ദുരന്ത സ്ഥലത്തെത്തും. ഇന്നലെ മുഖ്യമന്ത്രി സംസ്ഥാന ദുരന്ത നിവാരണ അതോറിറ്റിയിലെത്തി സ്ഥിതിഗതികള്‍ വിലയിരുത്തി. വയനാട്, കോഴിക്കോട് ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് ഇന്ന് അവധി പ്രഖ്യാപിച്ചു.

🔹തുരങ്കപാത നിര്‍മാണത്തിന്റെ മണ്ണ് കനത്ത മഴയില്‍ കുതിര്‍ന്ന് നിരങ്ങി നീങ്ങിയതാണ് അപകട കാരണം. മണ്ണു നീക്കം ചെയ്യണമെന്ന് മരാമത്തു വകുപ്പും ജില്ലാ കളക്ടറും വളരെ നേരത്തെ ആവശ്യപ്പെട്ടിരുന്നു. മണ്ണു നീക്കം ചെയ്യാതെ മണ്ണിനു മുകളില്‍ വലിയ ടാര്‍പായ വിരിക്കുകയാണു കരാറുകാര്‍ ചെയ്തത്. പരിസരത്തുള്ള കുടുംബങ്ങളിലെ 142 പേരെ മേപ്പാടി പോളിടെക്നികിലെ ദുരിതാശ്വാസ ക്യാമ്പിലേക്കു മാറ്റിപാര്‍പ്പിച്ചു. മീനാക്ഷി എസ്റ്റേറ്റില്‍ നിന്നുള്ള 21 കുടുംബങ്ങളെ ചുളിക്ക ജിഎല്‍പി സ്‌കൂളിലേക്ക് മാറ്റി. മേപ്പാടി പൊലീസ് കേസെടുത്തു.

🔹മേപ്പാടി ദുരന്തത്തില്‍ മരിച്ചവരുടെ കുടുംബങ്ങള്‍ക്ക് അടിയന്തര ധനസഹായം ലഭ്യമാക്കണമെന്ന് പ്രതിപക്ഷ നേതാവ് പിണറായി വിജയന്‍. സര്‍ക്കാരിന്റെ പ്രവര്‍ത്തനങ്ങള്‍ക്ക് പിന്തുണയുണ്ടെന്നും പരിക്കേറ്റവര്‍ക്ക് സൗജന്യ ചികിത്സ ഉറപ്പാക്കണമെന്നും പിണറായി പറഞ്ഞു. സര്‍ക്കാര്‍ സംവിധാനങ്ങള്‍ക്കും രക്ഷാപ്രവര്‍ത്തനങ്ങള്‍ക്കുമൊപ്പം ആവശ്യമായ സഹായങ്ങള്‍ നല്‍കാന്‍ സി പി എം പ്രവര്‍ത്തകര്‍ രംഗത്തിറങ്ങുമെന്നു സി പി എം സംസ്ഥാന സെക്രട്ടറി എം വി ഗോവിന്ദന്‍.

🔹മണ്ണിടിച്ചില്‍ ദുരന്തത്തില്‍ കുടുംബാംഗങ്ങളെ നഷ്ടപ്പെട്ടവരോട് അഗാധമായ ദുഃഖം അറിയിച്ച് പ്രിയങ്കാഗന്ധി എംപി. കുടുങ്ങിക്കിടക്കുന്നവരെ രക്ഷിക്കാനുള്ള ശ്രമങ്ങള്‍ യുദ്ധകാലാടിസ്ഥാനത്തില്‍ പുരോഗമിക്കുകയാണ്. എല്ലാ സഹായങ്ങളും ലഭ്യമാക്കുമെന്നും അവര്‍ അറിയിച്ചു.

🔹അശാസ്ത്രീയമായി വന്‍തോതില്‍ മണ്ണ് തള്ളിയതിന്റെ ഉത്തരവാദിത്തം ഒരു കരാറുകാരന്റെ തലയില്‍ കെട്ടിവെച്ച് സര്‍ക്കാരിനും പൊതുമരാമത്ത് വകുപ്പിനും കൈകഴുകാന്‍ കഴിയില്ലെന്ന് ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖര്‍ എംഎല്‍എ. കുറ്റക്കാര്‍ക്കെതിരേ നടപടിയെടുക്കണമെന്നും അദ്ദേഹം ആവശ്യപ്പെട്ടു.

🔹നിയമന തട്ടിപ്പ് വിവരങ്ങള്‍ പുറത്തു വന്നതിന് പിറകേ ന്യായീകരണവുമായി പി എസ് സി. കമ്മീഷന്റെ പ്രവര്‍ത്തനങ്ങള്‍ പൂര്‍ണ്ണമായും സ്വതന്ത്രവും സുതാര്യവും ഭരണഘടനാധിഷ്ഠിതവുമാണെന്നും ഉദ്യോഗാര്‍ത്ഥികളുടെ വിശ്വാസം കാത്തു സൂക്ഷിക്കുമെന്നും പിഎസ് സി വാര്‍ത്താക്കുറിപ്പില്‍ വ്യക്തമാക്കി.

🔹കൊച്ചിയിലെ രാത്രികാല ഡിജെ പാര്‍ട്ടികള്‍ക്കെതിരെ പൊലീസ് ഹൈക്കോടതിയില്‍ റിപ്പോര്‍ട്ട് സമര്‍പ്പിച്ചു. ഡിജെയുടെ മറവില്‍ കുറ്റകൃത്യങ്ങള്‍ പെരുകുന്നുവെന്നും 2023 മുതല്‍ 27 ക്രിമിനല്‍ കേസുകള്‍ രജിസ്റ്റര്‍ ചെയ്തിട്ടുണ്ടെന്നും റിപ്പോര്‍ട്ടില്‍ പറയുന്നു.

🔹നെടുമ്പാശേരി വിമാനത്താവളത്തില്‍ വന്‍ ലഹരി വേട്ട. ഹൈഡ്രോപോണിക് കഞ്ചാവുമായി യുവതി കസ്റ്റംസിന്റെ പിടിയിലായി. ബാങ്കോക്കില്‍ നിന്ന് കൊച്ചിയിലെത്തിയ തൃശൂര്‍ കോട്ടപ്പുറം സ്വദേശിനി റിച്ചി ആന്റണിയാണ് അറസ്റ്റിലായത്.

🔹തിരുവനന്തപുരം വെള്ളനാട് പഞ്ചായത്ത് പ്രസിഡണ്ട് വെള്ളനാട് ശശിക്കെതിരേ കേസ്. വീടിന്റെ മതില്‍ കെട്ടുന്നതിനെ ചൊല്ലിയുള്ള തര്‍ക്കത്തിനിടെ വീട്ടുമസ്ഥന്റെ കൈ തല്ലിയൊടിച്ചെന്നാണ് കേസ്.

🔹നിയമസഭാ തെരഞ്ഞെടുപ്പില്‍ തമിഴ്‌നാട് മുഖ്യമന്ത്രി ജോസഫ് വിജയ്യുടെ വിജയം ചോദ്യം ചെയ്തുള്ള തെരഞ്ഞെടുപ്പ് ഹര്‍ജികള്‍ മദ്രാസ് ഹൈക്കോടതി ഫയലില്‍ സ്വീകരിച്ചു. കായിക മന്ത്രി ആദവ് അര്‍ജുനയുടെ വില്ലിവാക്കം മണ്ഡലത്തില്‍ നിന്നുള്ള വിജയത്തെ ചോദ്യം ചെയ്ത ഹര്‍ജിയും കോടതി ഫയലില്‍ സ്വീകരിച്ചു.

🔹തമിഴ്‌നാട്ടില്‍ സര്‍ക്കാര്‍ ഉടമസ്ഥതയിലുള്ള ടാസ്മാക് മദ്യവില്‍പ്പനശാലകളിലെ ജീവനക്കാര്‍ക്ക് 25 ശതമാനം ശമ്പളവര്‍ദ്ധന പ്രഖ്യാപിച്ച് തമിഴ്‌നാട് സര്‍ക്കാര്‍. ഔദ്യോഗിക വിലയേക്കാള്‍ കൂടുതല്‍ തുക ഈടാക്കുന്നതും അഴിമതിയും പൂര്‍ണ്ണമായി തടയുക എന്ന ലക്ഷ്യത്തോടെയാണ് ഈ നടപടി.

🔹അയോദ്ധ്യ ശ്രീരാമ ക്ഷേത്രത്തില്‍ കാണിക്ക എണ്ണുന്ന ജീവനക്കാര്‍ക്ക് യൂണിഫോം ഏര്‍പ്പെടുത്തി. നീല യൂണിഫോമിനൊപ്പം പോക്കറ്റില്ലാത്ത ഗൗണ്‍ ധരിച്ചു മാത്രമേ ഇനി കാണിക്ക എണ്ണാവൂ. എണ്ണുന്നതിന് മുന്‍പും ശേഷവും ദേഹപരിശോധന ഉണ്ടാകും. ഇടവേളക്ക് ഇറങ്ങിയാലും പരിശോധന നടത്തും. വസ്ത്രങ്ങള്‍ മാറുന്നതിന് പ്രത്യേകം മുറി സജ്ജമാക്കി. നിരീക്ഷണത്തിന് കൂടുതല്‍ സുരക്ഷ ജീവനക്കാരെയും നിയോഗിച്ചു.

🔹മെഡിക്കല്‍ കോളേജുകളിലെ സിസിടിവികള്‍ കേന്ദ്ര നെറ്റ്വര്‍ക്കുമായി ബന്ധിപ്പിക്കണമെന്ന് നാഷണല്‍ മെഡിക്കല്‍ കമ്മീഷന്റെ അന്ത്യശാസനം. രാജ്യത്തെ 70 മെഡിക്കല്‍ കോളേജുകള്‍ക്കാണ് കര്‍ശന നിര്‍ദേശം നല്‍കിയത്. ഇന്ത്യയിലെ മെഡിക്കല്‍ വിദ്യാഭ്യാസവും ചികിത്സാ രംഗവും നിയന്ത്രിക്കുന്ന പരമോന്നത സമിതിയാണ് നാഷണല്‍ മെഡിക്കല്‍ കമ്മീഷന്‍.

🔹കോക്രോച്ച് ജനതാ പാര്‍ട്ടിയുടെ എക്സ് അക്കൗണ്ട് പുനഃസ്ഥാപിക്കാന്‍ ഡല്‍ഹി ഹൈക്കോടതി ഉത്തരവിട്ടു. സി.ജെ.പി. സ്ഥാപകന്‍ അഭിജിത് ദീപ്‌കെ സമര്‍പ്പിച്ച ഹര്‍ജിയിലാണ് ജസ്റ്റിസ് സ്വര്‍ണകാന്ത ശര്‍മ വിധി പ്രസ്താവിച്ചത്. നീറ്റ് പുനഃപരീക്ഷയ്ക്ക് മുന്നോടിയായാണു എക്കൗണ്ട് മരവിപ്പിച്ചത്.

🔹ഇന്ത്യ-യുകെ സ്വതന്ത്ര വ്യാപാര കരാര്‍ നിലവില്‍വരുന്ന 15 ന് വിദേശ മദ്യത്തിന്റെ വില കുറയും. വിസ്‌കിയുടെയും ജിന്നിന്റെയും നിലവിലെ ഇറക്കുമതി തീരുവയായ 150 ശതമാനത്തില്‍ നിന്ന് തുടക്കത്തില്‍ 75 ശതമാനമായും, കരാറിന്റെ പത്താം വര്‍ഷത്തോടെ 40 ശതമാനമായും കുറയ്ക്കാനാണ് തീരുമാനം.

🔹രാജ്യത്ത് ഇ 25 പെട്രോള്‍ നടപ്പാക്കാന്‍ സമയമെടുക്കുമെന്ന് കേന്ദ്ര മന്ത്രി ഹര്‍ദീപ് സിംഗ് പുരി. റിപ്പോര്‍ട്ടുകള്‍ വിലയിരുത്തിയും വാഹന നിര്‍മ്മാതാക്കളുമായി ചര്‍ച്ച നടത്തിയ ശേഷവും മാത്രമേ അന്തിമ തീരുമാനമെടുക്കൂ. നിലവില്‍ ഇ 20 പെട്രോളില്‍ സംതൃപ്തരാണെന്നും മന്ത്രി പറഞ്ഞു.

🔹ഹോര്‍മൂസില്‍ 24 മണിക്കൂറിനുള്ളില്‍ മൂന്നു കപ്പലുകളെ ഇറാന്‍ ആക്രമിച്ചു. തിരിച്ചടിയായി അമേരിക്ക ഇറാനിലെ സൈനിക കേന്ദ്രങ്ങളില്‍ വ്യോമാക്രമണം നടത്തി. ഇറാന്‍ ആക്രമിച്ച കപ്പലുകളിലൊന്ന് തങ്ങളുടേതാണെന്ന് ഖത്തര്‍. ചെറിയ നേട്ടങ്ങള്‍ക്ക് വേണ്ടി മേഖലയിലെ മറ്റ് രാഷ്ട്രങ്ങളുടെ സ്വത്തുക്കള്‍ നശിപ്പിക്കുന്നത് നിര്‍ത്താന്‍ ഇറാനോട് ഖത്തര്‍ ആവശ്യപ്പെട്ടു.

🔹‘ഞങ്ങള്‍ ജനങ്ങളാണ് ഇറാന്റെ യഥാര്‍ത്ഥ മിസൈലുകള്‍’ എന്നെഴുതിയ ബാനറുകളുമായി ലക്ഷക്കണക്കിന് ഇറേനിയന്‍ പൗരന്മാര്‍ ആയത്തുള്ള അലി ഖമനെയിയുടെ വിലാപയാത്രയില്‍ പങ്കെടുത്തു. വന്‍ശക്തി രാജ്യങ്ങളുടെ ഭീഷണികളെ ഇറാന്‍ അതിജീവിച്ചതിന്റെ അഭിമാനവും ദേശസ്നേഹവും പ്രകടിപ്പിക്കാനുള്ള അവസരമായി വിലാപയാത്ര മാറി. നാളെയാണു കബറടക്കം.

🔹ആര്‍ട്ടിഫിഷ്യല്‍ ഇന്റലിജന്‍സ് മേഖലയിലെ വര്‍ദ്ധിച്ചുവരുന്ന ചെലവുകളെത്തുടര്‍ന്ന് പ്രമുഖ കമ്പനിയായ മൈക്രോസോഫ്റ്റില്‍ കൂട്ടപിരിച്ചുവിടല്‍. 4800 പേര്‍ക്കാണ് ജോലി നഷ്ടമായത്. എഐ സാങ്കേതികവിദ്യയിലേക്ക് കൂടുതല്‍ നിക്ഷേപം കേന്ദ്രീകരിക്കുന്നതിന്റെ ഭാഗമായാണ് ഈ കടുത്ത നടപടിയെന്നാണ് സൂചന.

🔹ഖത്തറില്‍ മധുരപാനീയങ്ങള്‍ക്ക് പുതിയ എക്സൈസ് നികുതി ജൂലൈ 6 മുതല്‍ നിലവില്‍ വന്നു. പാനീയങ്ങളിലെ പഞ്ചസാരയുടെ അളവ് അനുസരിച്ചാണ് ഇനി നികുതി ഈടാക്കുക.

🔹വെസ്റ്റ് ബാങ്കിലെ ഫലസ്തീന്‍ അഭയാര്‍ത്ഥി ക്യാമ്പില്‍ നിര്‍ത്തിയിട്ട കാറിലേക്ക് ഇസ്രായേല്‍ പോലീസ് ഉദ്യോഗസ്ഥന്‍ ‘സ്റ്റണ്‍ ഗ്രനേഡ്’ എറിയുന്ന സിസിടിവി ദൃശ്യങ്ങള്‍ പുറത്ത്. ഫലസ്തീന്‍ പൗരന്‍മാര്‍ സഞ്ചരിച്ച വാഹനത്തിന്റെ വാതില്‍ ബലമായി അടച്ചുപിടിച്ചാണ് സ്‌ഫോടകവസ്തു അകത്ത് ഇട്ട് പൊട്ടിച്ചത്.

🔹ചൈനയുടെ തെക്കന്‍ മേഖലകളില്‍ കനത്ത നാശം വിതച്ച് മായ്‌സാക് ചുഴലിക്കാറ്റ്. ദിവസങ്ങളായി തുടരുന്ന അതിശക്തമായ മഴയെത്തുടര്‍ന്ന് ഇവിടെ വന്‍ പ്രളയമാണ് രൂപപ്പെട്ടത്. പ്രളയത്തില്‍ രണ്ട് പേര്‍ മരിക്കുകയും പതിനായിരക്കണക്കിന് ആളുകള്‍ ഭവനരഹിതരാകുകയും ചെയ്തു.

🔹ഇന്തോനേഷ്യയ്ക്ക് ഇന്ത്യ ആസ്ട്ര മിസൈലുകളും കൂടുതല്‍ ബ്രഹ്‌മോസ് മിസൈലുകളും കൈമാറും. ഐഐഎം, ഐഐടി ക്യംപസുകള്‍ ഇന്തോനേഷ്യയില്‍ തുറക്കാനും പ്രധാനമന്ത്രി നരേന്ദ്ര മോദിയും ഇന്തോനേഷ്യന്‍ പ്രസിഡന്റ് പ്രബോവോ സുബിയാന്തോയും നടത്തിയ ചര്‍ച്ചയില്‍ ധാരണയായി.

🔹ഇംഗ്ലണ്ടിനെതിരായ മൂന്നാം ട്വന്റി 20 യില്‍ ഇന്ത്യക്ക് 125 റണ്‍സിന്റെ വമ്പന്‍ തോല്‍വി. ഇംഗ്ലണ്ട് ഉയര്‍ത്തിയ 202 റണ്‍സ് വിജയലക്ഷ്യം പിന്തുടര്‍ന്ന ഇന്ത്യ 11.4 ഓവറില്‍ വെറും 76 റണ്‍സിന് ഓള്‍ഓട്ടായി. 13 റണ്‍സെടുത്ത വൈഭവ് സൂര്യവംശിയാണ് ഇന്ത്യയുടെ ടോപ് സ്‌കോറര്‍.

🔹ഈജിപ്തിനെ രണ്ടിനെതിരെ മൂന്ന് ഗോളുകള്‍ക്ക് തകര്‍ത്ത് അര്‍ജന്റീന ക്വാര്‍ട്ടറിലെത്തി. രണ്ടു ഗോളുകള്‍ക്ക് പിന്നില്‍ നിന്ന അര്‍ജന്റീന ആവേശകരമായ തിരിച്ചുവരവാണു നടത്തിയത്. യാസര്‍ ഇബ്രാഹിമിന്റെയും സീക്കോയുടെയും ഗോളുകളില്‍ മുന്നിലെത്തിയ ഈജിപ്ത് പൂര്‍ണമായും പ്രതിരോധത്തിലേക്കിറങ്ങിയതു മുതലെടുത്ത് എഴുപതാം മിനിറ്റിലായിരുന്നു ക്രിസ്ത്യന്‍ റൊമേരോയുടെ ഗോള്‍. എണ്‍പത്തിമൂന്നാം മിനിറ്റില്‍ മെസ്സിയുടെ ഗംഭീര ഗോളിലൂടെ അര്‍ജന്റീന സമനില പിടിച്ചു. കളി തീരാന്‍ മിനിറ്റുകള്‍ ശേഷിക്കെ ലൗത്താരോ മാര്‍ട്ടിനെസിന്റെ ഗംഭീരമായ ക്രോസിലൂടെ എന്‍സോ ഫെര്‍ണാണ്ടസ് അര്‍ജന്റീനയ്ക്കായി വിജയ ഗോള്‍ നേടി.

🔹നിശ്ചിത സമയത്തും അധിക സമയത്തും ഗോളുകളൊന്നും നേടാതിരുന്ന മത്സരത്തിനൊടുവില്‍ പെനാല്‍റ്റി ഷൂട്ടൗട്ടില്‍ കൊളംബിയയെ 4-3 ന് കീഴടക്കി സ്വിറ്റ്സര്‍ലന്‍ഡ് ക്വാര്‍ട്ടറില്‍. കളിയിലുടനീളം ലഭിച്ച മികച്ച അവസരങ്ങള്‍ ഇരു ടീമുകളും നഷ്ടപ്പെടുത്തുകയായിരുന്നു. ശനിയാഴ്ച നടക്കുന്ന ക്വാര്‍ട്ടര്‍ ഫൈനലില്‍ അര്‍ജന്റീനയാണ് സ്വിറ്റ്സര്‍ലന്‍ഡിന്റെ എതിരാളികള്‍. 1954-ന് ശേഷം ആദ്യമായാണ് സ്വിറ്റ്‌സര്‍ലന്‍ഡ് ലോകകപ്പ് ക്വാര്‍ട്ടറില്‍ കടക്കുന്നത്.

🔹പൃഥ്വിരാജ് സുകുമാരന്‍, പാര്‍വതി തിരുവോത്ത് എന്നിവരെ പ്രധാന കഥാപാത്രങ്ങളാക്കി നിസാം ബഷീര്‍ സംവിധാനം ചെയ്യുന്ന ‘ഐ നോബഡി’ എന്ന ചിത്രത്തിന്റെ ബുക്കിങ് ആരംഭിച്ചു. ജൂലൈ ഒന്‍പതിന് പ്രദര്‍ശനത്തിനെത്തും. ഹക്കിം ഷാജഹാന്‍, അശോകന്‍, വിജയരാഘവന്‍, മധുപാല്‍, ശങ്കര്‍ രാമകൃഷ്ണന്‍, നക്ഷത്ര, ഐറാ, നിഷാന്ത് സാഗര്‍, നന്ദു, നൗഷാദ് ബോംബെ, ജിജോയ് രാജഗോപാല്‍, ഖാലിദ് റഹ്‌മാന്‍, സഞ്ജു ശിവറാം, സുധി കോപ്പ, ബീന ചന്ദ്രന്‍, സന അല്‍ത്താഫ്, കൃഷ്ണന്‍ ബാലകൃഷ്ണന്‍, ദിനേശ് ആലപ്പുഴ, റോണി വര്‍ഗീസ്, മനോജ് കെ യൂ, ഇര്‍ഷാദ് അലി, സുധി കോഴിക്കോട്, മഹേന്ദ്രന്‍, ആല്‍ബിന്‍ അലക്സ്, ജിതിന്‍ മദനന്‍ തുടങ്ങിയ തുടങ്ങിയ പ്രമുഖ താരങ്ങളും ഈ ചിത്രത്തില്‍ അഭിനയിക്കുന്നു. ബാങ്ക് മോഷണത്തെ ചുറ്റിപ്പറ്റി നടക്കുന്ന ഹീസ്റ്റ് ഴോണറിയില്‍ എത്തുന്ന സിനിമയാകും ‘ഐ നോബഡി’. അഞ്ച് ഹൈ വോള്‍ടേജ് ആക്ഷന്‍ രംഗങ്ങളും കാര്‍ ചേസ് രംഗങ്ങളും ചിത്രത്തിലുണ്ട്.

🔹കന്നഡയിലെ പ്രമുഖ ചലച്ചിത്ര പ്രവര്‍ത്തകനും എഴുത്തുകാരനുമായ പുനീത് സംവിധാനം ചെയ്യുന്ന മലയാള ചിത്രമാണ് ‘അച്യുത അവതാരം’. വര്‍ഷങ്ങളായി തെലുങ്ക്, തമിഴ് ചലച്ചിത്രങ്ങളില്‍ അസോസിയേറ്റ് ഡയറക്ടര്‍ ആയിരുന്ന പുനീതിന്റെ ആദ്യ സംവിധാന സംരംഭമാണ് ഇത്. പുനീത് തന്നെയാണ് ചിത്രത്തിന് തിരക്കഥയും ഒരുക്കിയിരിക്കുന്നത്. ചിത്രത്തിലെ പുതിയ ലിറിക്കല്‍ ഗാനം റിലീസ് ആയി. ‘സെയ്ലര്‍ ഓഫ് പെയിന്‍’ എന്ന ഗാനം ശ്രുതി ശിവദാസന്‍ ആണ് ആലപിച്ചിരിക്കുന്നത്. സൈബര്‍ ത്രില്ലര്‍ ഗണത്തില്‍ പെടുന്ന ചിത്രത്തില്‍ പ്രമുഖ നര്‍ത്തകിയും താരവുമായ മാളവിക നന്ദന്‍, അവിനാശ് (കാന്താര ഫെയിം), സീമ ജി. നായര്‍ എന്നിവര്‍ക്കൊപ്പം അന്യഭാഷാ താരങ്ങളും വേഷമിടുന്നു. കാസര്‍ഗോഡും മറ്റുമായി ചിത്രീകരണം പൂര്‍ത്തിയാക്കിയ ചിത്രം ഈ മാസം തിയേറ്ററുകളില്‍ എത്തും. ഹരീഷ് മോഹനന്റെ വരികള്‍ക്ക് പ്രസന്ന കുമാര്‍ എം. എസ് ആണ് സംഗീതം നല്‍കിയിരിക്കുന്നത്.

💦 ഗുരുജിയുടെ വാക്കുകൾ
*****************************

ചിന്തയിലും വാക്കിലും പ്രവർത്തിയിലും സത്യസന്ധത നിറഞ്ഞ ജീവിതം എത്രയോ മഹത്തരമാണ് നാം എത്ര ലാഘവത്തോടെയാണ് പലപ്പോഴും കള്ളം പറയുന്നതും തെറ്റുകൾ പ്രവർത്തിക്കുന്നതും മറ്റാരും അറിയുന്നില്ലെങ്കിൽ അല്ലെങ്കിൽ മറ്റാരും കേൾക്കുന്നില്ലെങ്കിൽ കള്ളം പറയുന്നതും തെറ്റ് പ്രവർത്തിക്കുന്നതിലൊന്നും കുഴപ്പമില്ല എന്നല്ലേ പലപ്പോഴും നമ്മുടെ ധാരണ. സത്യസന്ധത നിറഞ്ഞ ജീവിതമാണ് വില പിടിച്ച സ്വത്തിനെക്കാൾ ഒക്കെ മികച്ച മൂലധനം അതുപോലെ തന്നെ ജീവിതയാത്രയിൽ നമുക്കെപ്പോഴും ഉപകരിക്കുന്നത് ചെക്ക് ബുക്കിനേക്കാൾ സത്യസന്ധമായ കാഴ്ചപ്പാടും സത്യസന്ധമായ ജീവിതം തന്നെയാണ്.

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ജൂലൈ 8

•ഗ്രിഗോറിയൻ കലണ്ടർ പ്രകാരം ജൂലൈ 8 വർഷത്തിലെ 189-ാം ദിനമാണ് (അധിവർഷത്തിൽ 190). പ്രത്യേകമായ ഒരു ആഗോള പൊതുദിനമായി വലിയ രീതിയിൽ ആചരിക്കപ്പെടുന്നില്ലെങ്കിലും, കേരള ചരിത്രത്തിലും അന്തർദേശീയ തലത്തിലും ഏറെ പ്രാധാന്യമുള്ള പല സംഭവങ്ങളും ഈ ദിവസവുമായി ബന്ധപ്പെട്ടിരിക്കുന്നു.

•കേരള ചരിത്രത്തിലെ കറുത്ത ദിനം (പെരുമൺ ദുരന്തം)പെരുമൺ തീവണ്ടി ദുരന്തം (1988): കേരളത്തെ നടുക്കിയ പെരുമൺ ദുരന്തം നടന്നത് ഒരു ജൂലൈ 8-നായിരുന്നു. ബാംഗ്ലൂർ – കന്യാകുമാരി ഐലൻഡ് എക്സ്പ്രസ് കൊല്ലം ജില്ലയിലെ അഷ്ടമുടി കായലിലേക്ക് മറിഞ്ഞ് 105 പേർ മരണപ്പെട്ട ഈ സംഭവം, എല്ലാ വർഷവും ഈ ദിവസം കേരളക്കര കണ്ണീരോടെ ഓർമ്മിക്കുന്നു.

•കോട്ടൺ ഡേ (Cotton Day): വസ്ത്ര വ്യവസായത്തിന് പരുത്തി നൽകുന്ന സംഭാവനകളെ ആദരിക്കുന്നതിനായി കോയമ്പത്തൂർ ആസ്ഥാനമായുള്ള SKAAT ഗ്രൂപ്പിന്റെ നേതൃത്വത്തിൽ ഈ ദിനം പരുത്തി ദിനമായി ആചരിക്കുന്നുണ്ട്.

•ജ്യോതി ബസു (1914): പശ്ചിമ ബംഗാളിന്റെ മുൻ മുഖ്യമന്ത്രിയും ഇന്ത്യയിലെ പ്രമുഖ കമ്മ്യൂണിസ്റ്റ് നേതാവുമായിരുന്ന ജ്യോതി ബസുവിന്റെ ജന്മദിനം.

•സൗരവ് ഗാംഗുലി (1972): ഇന്ത്യൻ ക്രിക്കറ്റ് ടീമിന്റെ മുൻ നായകനും ബി.സി.സി.ഐ മുൻ പ്രസിഡന്റുമായിരുന്ന പ്രിയപ്പെട്ട ക്രിക്കറ്റ് താരം സൗരവ് ഗാംഗുലിയുടെ ജന്മദിനം.

•വൈ. എസ്. രാജശേഖര റെഡ്ഡി (1949): ആന്ധ്രാപ്രദേശിന്റെ മുൻ മുഖ്യമന്ത്രിയായിരുന്ന വൈ.എസ്.ആറിന്റെ ജന്മദിനം.

•വാസ്കോ ഡ ഗാമയുടെ യാത്ര (1497): പോർച്ചുഗീസ് നാവികനായ വാസ്കോ ഡ ഗാമ ഇന്ത്യയിലേക്കുള്ള തന്റെ ആദ്യത്തെ സമുദ്രയാത്ര ലിസ്ബണിൽ നിന്നും ആരംഭിച്ചത് 1497 ജൂലൈ 8-നായിരുന്നു.

•വാൾ സ്ട്രീറ്റ് ജേർണൽ (1889): ലോകപ്രശസ്ത സാമ്പത്തിക ദിനപത്രമായ ‘ദി വാൾ സ്ട്രീറ്റ് ജേർണലിന്റെ’ ആദ്യ പതിപ്പ് പുറത്തിറങ്ങി.

•ഭക്രാനംഗൽ ഡാം കനാൽ (1954): പ്രധാനമന്ത്രി ജവഹർലാൽ നെഹ്റു ലോകത്തിലെ അക്കാലത്തെ ഏറ്റവും വലിയ കനാൽ ശൃംഖലയായ ഭക്രാനംഗൽ കനാൽ പഞ്ചാബിൽ ഉദ്ഘാടനം ചെയ്തു.

•ഷിൻസോ ആബെയുടെ അന്ത്യം (2022): ജപ്പാൻ മുൻ പ്രധാനമന്ത്രി ഷിൻസോ ആബെ തിരഞ്ഞെടുപ്പ് പ്രചാരണത്തിനിടെ വെടിയേറ്റു മരിച്ചു.

•വേൾഡ് വീഡിയോ ഗെയിം ഡേ: ഗെയിമിംഗ് പ്രേമികൾക്കായി മാറ്റിവെച്ചിരിക്കുന്ന ദിനം.

•മാത്സ് 2.0 ഡേ (Math 2.0 Day): ഗണിതശാസ്ത്രവും സാങ്കേതികവിദ്യയും തമ്മിലുള്ള ബന്ധം ആഘോഷിക്കുന്ന ദിനം.

തയ്യാറാക്കിയത്: കപിൽ ശങ്കർ

8 Likes

📱വാർത്തകൾ ഒറ്റനോട്ടത്തിൽ📱 – 2026 | ജൂലൈ 08 | ബുധൻ ✍️ കപിൽ ശങ്കർ

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ജൂലൈ 8

തയ്യാറാക്കിയത്: കപിൽ ശങ്കർ

റിട്ട. അധ്യാപിക ഏലിയാമ്മ എബ്രഹാം നിര്യാതയായി

ഗുഡ് സമരിറ്റൻ കമ്മ്യൂണിറ്റി (സ്നേഹതീരം) ഒരുക്കുന്ന “സ്നേഹസാന്ത്വനം – സംഗീതവിരുന്ന്” 2026 ജൂലൈ 12 ഞായറാഴ്ച

യുഎസ്-ഇറാൻ സംഘർഷം രൂക്ഷം: 80ലധികം കേന്ദ്രങ്ങളിൽ അമേരിക്കൻ വ്യോമാക്രമണം; ഉപരോധം വീണ്ടും ഏർപ്പെടുത്തി

LEAVE A REPLY Cancel reply

Most Popular

തിരുവനന്തപുരം കോർപ്പറേഷൻ ഹരിത കർമ്മ സേനാംഗങ്ങൾക്ക് പുതിയ യൂണിഫോം നൽകി

കലാനിധി പുരസ്കാരം ഉണ്ണി ഭാസുരിക്ക്

റിട്ട. അധ്യാപിക ഏലിയാമ്മ എബ്രഹാം നിര്യാതയായി

ഗുഡ് സമരിറ്റൻ കമ്മ്യൂണിറ്റി (സ്നേഹതീരം) ഒരുക്കുന്ന “സ്നേഹസാന്ത്വനം – സംഗീതവിരുന്ന്” 2026 ജൂലൈ 12 ഞായറാഴ്ച

Recent Comments

EDITOR PICKS

തിരുവനന്തപുരം കോർപ്പറേഷൻ ഹരിത കർമ്മ സേനാംഗങ്ങൾക്ക് പുതിയ യൂണിഫോം നൽകി

കലാനിധി പുരസ്കാരം ഉണ്ണി ഭാസുരിക്ക്

റിട്ട. അധ്യാപിക ഏലിയാമ്മ എബ്രഹാം നിര്യാതയായി

POPULAR POSTS

ഹോർമുസില്‍ കപ്പല്‍ ആക്രമിച്ചതിനു തിരിച്ചടിയായി ഇറാനെ ആക്രമിച്ച്‌ അമേരിക്ക.

2008ലെ അഹമ്മദാബാദ് സ്ഫോടനക്കേസിൽ 38 പ്രതികളുടെ വധശിക്ഷ ഗുജറാത്ത് ഹൈക്കോടതി ശരിവച്ചു

സർക്കാർ ജീവനക്കാരനായ അച്ഛൻ മരിച്ചു, ആശ്രിത നിയമനം നേടിയ അമ്മയെ മകൾ കൊലപ്പെടുത്തി

POPULAR CATEGORY

ABOUT US

FOLLOW US

📱വാർത്തകൾ ഒറ്റനോട്ടത്തിൽ📱 – 2026 | ജൂലൈ 08 | ബുധൻ ✍️ കപിൽ ശങ്കർ

💦 ഗുരുജിയുടെ വാക്കുകൾ *****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ ********************************************************************

ജൂലൈ 8

തയ്യാറാക്കിയത്: കപിൽ ശങ്കർ

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************