📱വാർത്തകൾ ഒറ്റനോട്ടത്തിൽ📱 – 2026 | ഫെബ്രുവരി 12 | വ്യാഴം ✍ കപിൽ ശങ്കർ

🔹കേന്ദ്ര സർക്കാരിന്റെ ജനവിരുദ്ധ നയങ്ങൾക്കെതിരെ വിവിധ തൊഴിലാളി സംഘടനകൾ പ്രഖ്യാപിച്ച 24 മണിക്കൂർ ദേശീയ പണിമുടക്ക് രാജ്യത്തുടനീളം ആരംഭിച്ചു. കേന്ദ്ര സർക്കാർ നടപ്പിലാക്കുന്ന നാല് തൊഴിൽ കോഡുകൾ പിൻവലിക്കുക എന്ന പ്രധാന ആവശ്യമുയർത്തിയാണ് പണിമുടക്ക് നടക്കുന്നത്. ഇതിനുപുറമെ, പൊതുമേഖലാ സ്ഥാപനങ്ങളുടെ സ്വകാര്യവൽക്കരണം അവസാനിപ്പിക്കുക, കേന്ദ്ര സർക്കാരിന്റെ കനത്ത താക്കീതായി ഈ പ്രതിഷേധത്തെ മാറ്റുക എന്നിവയാണ് ലക്ഷ്യമിടുന്നത്.
തൊഴിലാളി സംഘടനകൾക്ക് പുറമെ കർഷക, കർഷകത്തൊഴിലാളി സംഘടനകളും മഹിളാ‍, യുവജന, വിദ്യാർഥി സംഘടനകളും പണിമുടക്കിന്‌ ഐക്യദാർഢ്യവുമായി തെരുവിലിറങ്ങും. കേന്ദ്ര – സംസ്ഥാന സർക്കാർ ജീവനക്കാരും ബാങ്ക്‌, ഇൻഷുറൻസ്‌, വൈദ്യുതി മേഖലയിലുള്ളവരും പണിമുടക്കിന്‌ പിന്തുണ പ്രഖ്യാപിച്ചിട്ടുണ്ട്‌. ഇതോടെ രാജ്യത്തെ ബാങ്കിംഗ്, ഗതാഗത, ഉൽപ്പാദന മേഖലകളെ പണിമുടക്ക് സാരമായി ബാധിക്കുമെന്ന് ഉറപ്പായി.അവശ്യ സേവനങ്ങളെ പണിമുടക്കിൽ നിന്ന് ഒഴിവാക്കാക്കിയിട്ടുണ്ട്.
മഹാത്മാഗാന്ധി തൊഴിലുറപ്പ് പദ്ധതി പുനസ്ഥാപിക്കുക, വൈദ്യുതി നിയമഭേദഗതി നിർദേശം പിൻവലിക്കുക, വിത്ത് ബിൽ ഉപേക്ഷിക്കുക തുടങ്ങിയ ആവശ്യങ്ങളും പ്രതിഷേധക്കാർ ഉന്നയിക്കുന്നുണ്ട്. ഇൻഷുറൻസ് മേഖലയിലെ നൂറ് ശതമാനം സ്വകാര്യ പങ്കാളിത്തം ഉപേക്ഷി
ക്കുക, കർഷകദ്രോഹ നിയമ ഭേദഗതികൾ പിൻവലിക്കുക എന്നീ കാര്യങ്ങളിൽ വിട്ടുവീഴ്
ചയില്ലെന്ന് സമരസമിതി
അറിയിച്ചു. വരും മണിക്കൂറുകളിൽ പണിമുടക്ക് കൂടുതൽ ശക്തമാകുന്നതോടെ കേന്ദ്ര നയങ്ങൾക്കെതി
രെയുള്ള വൻ ജനകീയ പ്രതിഷേധമായി ഇത് മാറും.

🔹ആറ്റുകാൽ പൊങ്കാല മഹോത്സവത്തോടനുബന്ധിച്ച് മാർച്ച് 3-ന് തിരുവനന്തപുരം നഗരസഭാ പരിധിയിൽ പ്രാദേശിക അവധി പ്രഖ്യാപിച്ചു. ബാങ്കുകൾ ഉൾപ്പെടെയുള്ള ധനകാര്യ സ്ഥാപനങ്ങൾക്കും ഈ അവധി ബാധകമായിരിക്കും. ഫെബ്രുവരി 23 മുതൽ മാർച്ച് 4 വരെയാണ് ഇത്തവണത്തെ പൊങ്കാല മഹോത്സവം നടക്കുന്നത്. ഉത്സവത്തിന്റെ സുഗമമായ നടത്തിപ്പിനായി നഗരസഭയിലെ 28 വാർഡുകളെ പ്രത്യേക ഉത്സവമേഖലയായി പ്രഖ്യാപിച്ചിട്ടുണ്ട്.ക്ഷേത്രത്തിന് 20 കിലോമീറ്റർ ചുറ്റളവിൽ പൊങ്കാല അടുപ്പുകൾ നീളാൻ സാധ്യതയുള്ളതിനാൽ വിപുലമായ ആരോഗ്യ-സുരക്ഷാ ക്രമീകരണങ്ങൾ ഏർപ്പെടുത്താൻ ഉദ്യോഗസ്ഥർക്ക് നിർദ്ദേശം നൽകിയിട്ടുണ്ട്. ക്ഷേത്രപരിസരത്തിന് പുറമെ വിവിധ കേന്ദ്രങ്ങളിൽ ഓക്സിജൻ സിലിണ്ടറുകൾ ഉൾപ്പെടെയുള്ള സൗകര്യങ്ങളോട് കൂടിയ ആംബുലൻസ് സേവനം ലഭ്യമാക്കും. പരാതികൾക്ക് ഇടമില്ലാത്ത വിധം ഉത്സവ ക്രമീകരണങ്ങൾ പൂർത്തിയാക്കാനാണ് വിവിധ വകുപ്പുകൾക്ക് നൽകിയിരിക്കുന്ന നിർദ്ദേശം.

🔹 മുതിർന്ന പൗരന്മാർക്കു വേണ്ടിയുള്ള പുതിയ വയോജന നയത്തിന് മന്ത്രിസഭയുടെ അംഗീകാരം.സജീവവും ആരോഗ്യകരവുമായ വാർധക്യത്തെ പ്രോത്സാഹിപ്പിക്കുന്നതിലൂടെ വയോജനങ്ങളുടെ ശാരീരികവും മാനസികവും സാമൂഹികവുമായ ക്ഷേമം ഉറപ്പാക്കുകയാണ് ഈ നയത്തിലൂടെ പ്രധാനമായും ലക്ഷ്യമിടുന്നതെന്നു മന്ത്രി ആർ. ബിന്ദു അറിയിച്ചു.

🔹മഞ്ചേശ്വരം തുമിനാട് മകളെയും ബന്ധുവിനെയും വെട്ടിക്കൊലപ്പെടുത്തിയ സംഭവത്തിൽ ഇന്ന് രാവിലെ പ്രതിയെ സ്ഥലത്തെത്തിച്ച് തെളിവെടുപ്പ് നടത്തും. പ്രതി ഉമ്മർ ഫറൂഖിനെ കൊലപാതകം നടന്ന വീട്ടിലെത്തിച്ചാണ് തെളിവെടുപ്പ്.ഫെബ്രുവരി രണ്ടിന് ആയിരുന്നു കേസിന് ആസ്പദമായ സംഭവം നടന്നത്. 18കാരിയായ ഏക മകൾ മറിയം ജുമൈലയേയും ബന്ധു ഷേക്കുഞ്ഞിയേയും ഉമ്മർ ഫറൂഖ് വെട്ടിക്കൊലപ്പെടുത്തുകയായിരുന്നു. പ്രതിയെ അഞ്ച് ദിവസത്തേക്കാണ് പോലീസ് കസ്റ്റഡിയിൽ വാങ്ങിയത്.
ഉമ്മർ ഫറൂഖും ഭാര്യ താഹിറയും തമ്മിലുള്ള കുടുംബ പ്രശ്നം ചർച്ച ചെയ്യുന്നതിനിടെയുണ്ടായ വാക്കുതർക്കമാണ് കൊലപാതകങ്ങളിൽ കലാശിച്ചത്. ഷേക്കുഞ്ഞിയുടെ വീട്ടിൽ വച്ചായിരുന്നു കൊലപാതകം. ഷേക്കുഞ്ഞിയെ കൊലപ്പെടുത്താനായി പുതിയ കത്തി വാങ്ങിയാണ് പ്രതി എത്തിയതെന്ന് പോലീസ് കണ്ടെത്തിയിട്ടുണ്ട്.

🔹കോഴിക്കോട് കൊടുവള്ളി കച്ചേരിമുക്കിൽ വൈദ്യുതി കമ്പിയിൽ നിന്ന് ഷോക്കേറ്റ് 12 കാരി മരിച്ചു. കളത്തിങ്കൽ റഷീദിന്‍റെ മകൾ തൻഹയാണ് മരിച്ചത്. വീടിനോട് ചേർന്ന് കടന്നു പോകുന്ന വൈദ്യുതി ലൈനിൽ വീടിന്‍റെ മുകളിൽ നിന്നും അബദ്ധത്തിൽ കൈ തട്ടിയതാണ് അപകട കാരണം. മൃതദേഹം കോഴിക്കോട് മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി.

🔹മാനന്തവാടിയില്‍ നിന്ന് നാല് വയസുകാരിയെ തട്ടിക്കൊണ്ടുപോയത് സ്വർണാഭരണങ്ങൾ മോഷ്ടിക്കാൻ ലക്ഷ്യമിട്ടെന്ന് പോലീസ്. ശനിയാഴ്ച ആയിരുന്നു വീട്ടുമുറ്റത്ത് കളിച്ച് കൊണ്ടിരുന്ന നാല് വയസുകാരിയെ തട്ടിക്കൊണ്ടുപോയത്.തുടർന്ന് രണ്ട് മണിക്കൂർ നീണ്ട അന്വേഷണത്തിനൊടുവിൽ കുഞ്ഞിനെ ഏഴ് കിലോമീറ്റർ അപ്പുറത്ത് നിന്ന് കണ്ടെത്തുകയായിരുന്നു. കഴിഞ്ഞ ദിവസമാണ് കേസിൽ പ്രതിയായ പടിഞ്ഞാറത്തറ സ്വദേശി ജിഹാസിനെ പോലീസ് കോഴിക്കോട് നിന്ന് പിടികൂടിയത്.
ഇയാളെ ചോദ്യം ചെയ്തതിൽ നിന്നാണ് കൃത്യത്തിന്‍റെ ലക്ഷ്യം പുറത്തുവന്നത്. കുട്ടിയുടെ ദേഹത്തുള്ള ആഭരണം എടുക്കാൻ ശ്രമിക്കുന്പോള്‍ കരഞ്ഞതിനെ തുടർന്ന് ഏഴ് കിലോമീറ്റർ അകലെ വച്ച് കുട്ടിയെ പ്രതി ഉപേക്ഷിക്കുകയായിരുന്നുവെന്നാണ് പോലീസ് കണ്ടെത്തല്‍.

🔹കണ്ണൂർ നടാലിൽ ചാക്ക് നിർമാണ യൂണിറ്റിന് തീപിടിച്ച് എട്ട് ലക്ഷത്തിന്‍റെ നഷ്‌ടം. കുറ്റിക്കകത്ത് പ്രവർത്തിക്കുന്ന ശ്രീലക്ഷ്മി ട്രേഡേഴ്സിലെ ഗോഡൗണിൽ സൂക്ഷിച്ച ചാക്കുകളാണ് കത്തി നശിച്ചത്. ഇന്നലെ രാവിലെ 10.30 ഓടെയാണ് സംഭവം. കണ്ണൂരിൽ നിന്നെത്തിയ അഗ്നിരക്ഷാസേനയുടെ രണ്ടു യൂണിറ്റാണ് തീയണച്ചത്. വൈകുന്നേരം അഞ്ചോടെയാണ് തീ പൂർണമായും നിയന്ത്രണ വിധേയമാക്കാ നായത്. കെട്ടിടത്തിന്‍റെ ഒരു ഭാഗവും തീപിടിത്തത്തിൽ അപകടത്തിലായി.തമിഴ്നാട് സ്വദേശിയും ഇപ്പോൾ കുറ്റിക്കകത്ത് താമസക്കാരനുമായ വിജയ് ബാബുവിന്‍റെ ഉടമസ്ഥയിലുള്ളതാണ് ശ്രീലക്ഷ്മി ട്രേഡേഴ്സ്.നേരത്തെ നെയ്ത്ത് കന്പനിയായി പ്രവർത്തിച്ചിരുന്ന കെട്ടിടം അടച്ചുപൂട്ടിയതിനെ തുടർന്ന് കോവിഡ് കാലത്ത് വാടകയ്ക്കെടുത്താണ് വിജയ് ബാബു ചാക്ക് നിർമാണ യൂണിറ്റ് തുടങ്ങിയത്. ഏകദേശം എട്ടിനും 10 ലക്ഷത്തിനും ഇടയിൽ നഷ്ടം സംഭവിച്ചതായി സ്ഥാപന ഉടമ ഉടമ വിജയ് ബാബു ദീപികയോടു പറഞ്ഞു.

🔹വീട്ടുകിണറിലേക്ക് മലിനജലം എത്തിയതിനെ തുടർന്ന് ഹോട്ടലിന് തളിപ്പറന്പ് നഗരസഭ ആരോഗ്യവിഭാഗം നോട്ടീസ് നൽകി. പ്രശ്നം എത്രയും പെട്ടെന്ന് പരിഹരിക്കണമെന്ന് നിർദേശിച്ചിട്ടുണ്ടെന്നും അല്ലാത്ത പക്ഷം ഹോട്ടൽ അടച്ചിടാനുള്ള നടപടി സ്വീകരിക്കുമെന്നും ആരോഗ്യവിഭാഗം അധികൃതർ അറിയിച്ചു. തൃച്ചംബം പെട്രോൾ പന്പിനു സമീപത്തെ കഞ്ഞി ഹട്ട് റസ്റ്റോറന്‍റിനാണ് നഗരസഭ നോട്ടീസ് നൽകിയത്.റസ്റ്റോറന്‍റിലെ മലിനജല പ്ലാന്‍റിൽ നിന്നുമാണ് സമീപത്തെ കരുണാകരൻ എന്നയാളുടെ വീട്ടുകിണറിലേക്ക് മലിനജലം കിനിഞ്ഞിറങ്ങിയതെന്ന് നേരത്തെ നഗരസഭ നടത്തിയ പരിശോധനയിൽ കണ്ടെത്തിയിരുന്നു. ഇതേ തുടർന്ന് വീട്ടുകാർക്ക് റസ്റ്റോറന്‍റ് ഉടമകൾ വീട്ടുകിണർ വൃത്തിയാക്കി നൽകുകയും കുടിവെള്ളം എത്തിച്ചു നൽകുകയും ചെയ്തിരുന്നു.തുടർന്നും കിണർ മലിനപ്പെട്ടതോടെയാണ് ഇവർ വീണ്ടും നഗരസഭയിൽ പരാതി നൽകിയതും ആരോഗ്യവിഭാഗം നടപടികളിലേക്ക് നീങ്ങിയതും. റസ്റ്റോറന്‍റിലെ മലിനജല പ്ലാന്‍റിന്‍റെ തകരാറാണ് കിണർ മലിനമാകാൻ കാരണമെന്ന് പരിശോധനയിൽ കണ്ടെത്തിയിട്ടുണ്ട്.

🔹അടുത്തില ആനന്ദേശ്വരം മഹാവിഷ്ണു ക്ഷേത്രങ്കണത്തിലെ (പാറന്തട്ട അമ്പലം) പ്രധാന ക്ഷേത്രത്തിന്‍റേയും ഉപദേവതാ ക്ഷേത്രങ്ങളുടേയും ഇടയിലൂ‌ടെ സ്വകാര്യ വ്യക്തികൾ റോഡ് നിർമിച്ചത് ആചാര ലംഘനമാണന്ന് തന്ത്രി ചൂണ്ടിക്കാട്ടിയതോടെ ഉത്സവം മുടങ്ങി. ക്ഷേത്രാങ്കണം അനധികൃതമായി കൈയേറിയെന്ന് കാണിച്ച് ക്ഷേത്രക്കമ്മിറ്റിക്കാർ പരാതിയുമായി ഹൈക്കോടതിയിലെത്തിയിരുന്നു.ജില്ലാ കളക്ടറോട് ഉചിതമായ തീരുമാനമെടുക്കാൻ കോടതി നിർദേശിക്കുകയും ചെയ്തു. എന്നാൽ കളക്ടർ തീരുമാനമെടുക്കുന്നില്ലെന്ന് ക്ഷേത്ര കമ്മിറ്റി ഭാരവാഹികൾ പത്രസമ്മേളത്തിൽ അറിയിച്ചു.

🔹മംഗലാപുരത്ത് കെ എസ് ആർ ടി സി ബസിൽ യുവ അഭിഭാഷകയ്ക്ക് നേരെ അതിക്രമം.
വൈകിട്ട് ആറരയോട് കൂടിയായിരുന്നു സംഭവം. ആറ്റിങ്ങൽ നിന്നും മംഗലപുരം ഭാഗത്തേക്കുള്ള ബസിലാണ് യുവതിക്ക് നേരെ അതിക്രമം നടന്നത്. ആറ്റിങ്ങൽ കോടതിയിൽ പോയി തിരികെ വരുകയായി
രുന്നു അഭിഭാഷക. തുടർന്ന് അതിക്രമശ്രമം ഉണ്ടാവുകയായിരുന്നു.
സംഭവം ചോദ്യം ചെയ്ത ഉടൻ തന്നെ പ്രതി ബസിൽ നിന്നും ഇറങ്ങി ഓടി. തുടർന്ന് അഭിഭാഷക മംഗലപുരം പൊലീസിൽ പരാതി നൽകി. കഴിഞ്ഞദിവസം ആറ്റിങ്ങലിൽ മറ്റൊരു അഭിഭാഷയ്ക്ക് നേരെ കെ എസ് ആർ ടി സിയിൽ അതിക്രമം നടന്നിരുന്നു. ഇതിനു പിന്നാലെയാണ് പുതിയ സംഭവം. പരാതിയിൽ പൊലീസ് അന്വേഷണം ആരംഭിച്ചിട്ടുണ്ട്.

🔹അപ്രതീക്ഷിതമായി എത്തിയ മരണം ഒരു കുടുംബത്തെ കണ്ണീരിലാഴ്ത്തുമ്പോഴും അഞ്ചുപേർക്ക് ജീവിതത്തിന്റെ പുതുവെളിച്ചം സമ്മാനിച്ച് വിജയകുമാരി. മസ്തിഷ്ക മരണം സംഭവിച്ച തിരുവനന്തപുരം പനങ്ങോട് തുമ്പാനൂർ എ കെ ഹൗസിൽ എസ് വിജയകുമാരിയുടെ (54) അവയവങ്ങൾ കുടുംബാംഗങ്ങൾ അഞ്ചു പേർക്ക് ദാനം ചെയ്തു. പാലോട് പ്രവർത്തിക്കുന്ന റിസോർട്ടിലെ ജീവനക്കാരിയായിരുന്ന വിജയകുമാരി, ഫെബ്രുവരി ഏഴിന് രാവിലെ ജോലിക്ക് പോകുന്നതിനിടെ മകൻ അഭിജിത്തിനൊപ്പം സ്കൂട്ടറിൽ സഞ്ചരിക്കവെ പാലോട് വച്ച് തലകറങ്ങി റോഡിലെ സൈഡിലേക്ക് വീണായിരുന്നു അപകടം.
ഉടൻ തന്നെ തിരുവനന്തപുരത്തെ സ്വകാര്യ ആശുപത്രിയിൽ എത്തിച്ചെങ്കിലും ചികിത്സയിലിരിക്കെ മസ്തിഷ്ക മരണം സ്ഥിരീകരിച്ചു. തുടർന്ന് കുടുംബാംഗങ്ങൾ അവയവദാനത്തിന് സമ്മതം നൽകുകയായിരുന്നു. വേർപാടിന്റെ നോവിലും, മറ്റുള്ളവരിലൂടെ വിജയകുമാരി ജീവിക്കട്ടെ എന്ന ഉറച്ച തീരുമാനത്തിലാണ് ഭർത്താവ് കരുണാകരൻ നായരും മക്കളായ കെ ജെ അഭിജിത്തും കെ ജെ കൃഷ്ണേന്ദുവും അവയവദാനത്തിന് സമ്മതം നൽകിയത്.
വിജയകുമാരിയുടെ കരൾ, രണ്ട് വൃക്കകൾ, രണ്ട് നേത്രപടലങ്ങൾ എന്നിവയാണ് ദാനം ചെയ്തത്. ഇതിൽ ഒരു വൃക്ക തിരുവനന്തപുരം മെഡിക്കൽ കോളേജിനും, ഒരു വൃക്കയും കരളും തിരുവനന്തപുരം കിംസ് ആശുപത്രിയിലേക്കും നേത്രപടലങ്ങൾ തിരുവനന്തപുരം റീജണൽ ഇൻസ്റ്റിറ്റ്യൂട്ട് ഓഫ് ഒഫ്താൽമോളജി
യിലേക്കുമാണ് നൽകിയത്. ആരോഗ്യ വകുപ്പ് മന്ത്രി വീണാ ജോർജ് വിജയകുമാരിയ്ക്ക് ആദരാഞ്ജലികൾ അർപ്പിക്കുകയും കുടുംബത്തിന്റെ ദുഃഖത്തിൽ പങ്കുചേരുകയും ചെയ്തു.കെ-സോട്ടോയുടെ നേതൃത്വത്തിലാണ് അവയവദാനത്തിന്റെ ഏകോപനം നിർവഹിച്ചത്.

🔹പ്രണയദിനം ഇനി കമിതാക്കൾക്ക് മാത്രമല്ല, കേരളത്തിലെ സാധാരണക്കാർക്കും മധുരതരമാകും. പ്രണയദിനമായ ഫെബ്രുവരി 14 ന് സപ്ലൈകോയില്‍ നിന്നും 14 രൂപയ്ക്ക് പഞ്ചസാര വാങ്ങാം. ഫെബ്രുവരി 14 ന് ആയിരം രൂപയ്ക്ക് മുകളില്‍ സബ്‌സിഡിയിതര ഉത്പന്നങ്ങള്‍ വാങ്ങുന്നവര്‍ക്ക് ഒരു കിലോ പഞ്ചസാര 14 രൂപയ്ക്ക് ലഭിക്കും. നിലവില്‍ 43.50 രൂപയാണ് ഒരു കിലോ പഞ്ചസാരയുടെ വിപണിവില. അഞ്ഞൂറ് രൂപയ്ക്ക് മുകളില്‍ സബ്‌സിഡിയിതര ഉത്പന്നങ്ങള്‍ വാങ്ങുന്നവര്‍ക്ക് 14 രൂപയ്ക്ക് അരക്കിലോ പഞ്ചസാരയാണ് ലഭിക്കുക. ഓഫര്‍ ഫെബ്രുവരി 28 വരെയുണ്ട്.

🔹ഒരു പ്രദേശത്തിന്‍റെ ദീർഘകാല സ്വപ്നം യാഥാർത്ഥ്യമായെന്നും 11 ആദിവാസി ഉന്നതികളുടെ ചിരകാല അഭിലാഷം പൂർത്തിയായതായും മുഖ്യമന്ത്രി പിണറായി വിജയന്‍. അമ്പൂരി കുമ്പിച്ചല്‍കടവ് പാലത്തിന്റെ ഉദ്ഘാടനം നിർവഹിച്ച ശേഷം സംസാരിക്കുകയായിരുന്നു അദ്ദേഹം. പല കടമ്പകൾ കടന്നാണ് പാലം യാഥാർഥ്യമായ
തെന്ന് മുഖ്യമന്ത്രി പറഞ്ഞു.ഒരു നദിക്ക്
കുറുകെ നിർമ്മിക്കുന്ന കേരളത്തിലെ ആദ്യത്തെ പാലമാണിതെന്നും ആദിവാസി മേഖലയിലെ യാത്രാ ദുരിതത്തിന് ഇതോടെ അന്ത്യമായെന്നുമുള്ള മുഖ്യമന്ത്രിയുടെ വാക്കുകൾ കരഘോഷത്തോടെയാണ് ജനം സ്വീകരിച്ചത്.

🔹ഭർ‌തൃപിതാവിനെതിരെ ലൈംഗിക പീഡനത്തിനും ശാരീരിക ഉപദ്രവത്തിനും പോലീസിൽ പരാതി നൽകി സ്‌കൂളിലെ പ്രിൻസിപ്പലായ യുവതി. കഴിഞ്ഞ ആറ് വർഷമായി താൻ പീഡനത്തിന് ഇരയാവുകയാണെന്നാണ് യുവതിയുടെ ആരോപണം. 2020 മുതലാണ് ഉപദ്രവം തുടങ്ങിയത്. തനിച്ചുള്ള സമയങ്ങളിൽ വീട്ടിൽ അതിക്രമിച്ചു കയറി ഭർതൃപിതാവ് മോശമായി പെരുമാറിയിരുന്നുവെന്ന് പരാതിയിൽ പറയുന്നു. ബെംഗളൂരുവിലെ ആർടി നഗറിലുള്ള സ്വകാര്യ സ്‌കൂളിലെ പ്രിൻസിപ്പലാണ് യുവതി.പുറത്തുപറഞ്ഞാൽ മക്കളെ ഉപദ്രവിക്കുമെന്ന് ഇയാൾ ഭീഷണിപ്പെടുത്തിയിരുന്നു. ഭയം കാരണം ആദ്യം മൗനം പാലിച്ചെങ്കിലും പിന്നീട് ഭർത്താവിനോട് കാര്യം പറഞ്ഞു. കുടുംബത്തിലെ മുതിർന്നവർ ഇടപെട്ട് ഇയാളെ താക്കീത് ചെയ്തെങ്കിലും ശല്യം തുടർന്നു. വീടിനു പുറമെ യുവതിയുടെ സ്‌കൂൾ ക്യാബിനിലും ലിഫ്റ്റിനു സമീപവും വച്ച് ഇയാൾ മോശമായി പെരുമാറി. അശ്ലീല പരാമർശങ്ങളുള്ള കത്തുകൾ നൽകുന്നതും പതിവായിരുന്നു.
2025 ഡിസംബർ 15ന് ലിഫ്റ്റിനു സമീപം വച്ച് ഉപദ്രവിക്കാൻ ശ്രമിച്ചപ്പോൾ എതിർത്ത യുവതിയുടെ വയറ്റിൽ ഇയാൾ ഇടിച്ചതായും പരാതിയിലുണ്ട്. പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു. സംസ്ഥാന വനിതാ കമ്മീഷനും വിഷയത്തിൽ ഇടപെട്ടിട്ടുണ്ട്.

🔹ടി20 ലോകകപ്പിൽ ഇംഗ്ലണ്ടിനെതിരെ വെസ്റ്റ് ഇൻഡീസിന് തകർപ്പൻ ജയം. 30 റൺസിനാണ് വെസ്റ്റ് ഇൻഡീസ് വിജയിച്ചത്. ആദ്യം ബാറ്റ് ചെയ്ത് വെസ്റ്റ് ഇന്‍ഡീസ് ഉയര്‍ത്തിയ 197 റണ്‍സ് വിജയലക്ഷ്യം പിന്തുടര്‍ന്ന ഇംഗ്ലണ്ട് 19 ഓവറില്‍ 166 റണ്‍സിന് ഓൾ ഔട്ടായി.30 പന്തില്‍ 43 റണ്‍സുമായി പുറത്താകാതെ നിന്ന് ടോപ് സ്കോററായ സാം കറന്‍ പൊരുതിയെങ്കിലും ടീമിനെ വിജയിപ്പിനായില്ല. 23 പന്തില്‍ 33 റണ്‍സെടുത്ത ജേക്കബ് ബേതലും 14 പന്തില്‍ 21 റണ്‍സെടുത്ത ജോസ് ബട്‌ലറും 14 പന്തില്‍ 30 റണ്‍സടിച്ച ഫില്‍ സാള്‍ട്ടും തിളങ്ങി.മൂന്ന് വിക്കറ്റെടുത്ത ഗുടകേഷ് മോട്ടിയും രണ്ട് വിക്കറ്റെടുത്ത റോസ്റ്റൺ ചേസുമാണ് വിന്‍ഡീസിനായി ബൗളിംഗില്‍ തിളങ്ങിയത്. സ്കോര്‍ വെസ്റ്റ് ഇന്‍ഡീസ് 20 ഓവറില്‍ 196-6, ഇംഗ്ലണ്ട് 19 ഓവറില്‍ 166ന് ഓള്‍ ഔട്ട്.വെസ്റ്റ് ഇൻഡീസ് ആറ് വിക്കറ്റ് നഷ്ടത്തിലാണ് 196 റൺസ് എടുത്തത്. അർധ സെഞ്ചുറി നേടിയ ഷെർഫെയ്ൻ റൂതർഫോഡിന്‍റെ വെടിക്കെട്ട് ബാറ്റിംഗിന്‍റെയും റോസ്റ്റൺ ചെയ്‌സിന്‍റെയും ജേസൺ ഹോൽഡറിന്‍റെയും മികച്ച ഇന്നിംഗ്സുകളുടെയും മികവിലാണ് വെസ്റ്റ് ഇൻഡീസ് കൂറ്റൻ സ്കോർ പടുത്തുയർത്തിയത്.റൂതർഫോഡ് 76 റൺസാണ് എടുത്തത്. രണ്ട് ബൗണ്ടറിയും ഏഴ് സിക്സും അടങ്ങുന്നതായിരുന്നു താരത്തിന്‍റെ ഇന്നിംഗ്സ്. ചെയ്സ് 34 റൺസും ഹോൽ‌ഡർ 33 റൺസുമാണ് എടുത്തത്. ഇംഗ്ലണ്ടിന് വേണ്ടി ജാമി ഓവർട്ടണും ആദിൽ റഷീദും രണ്ട് വിക്കറ്റ് വീതം എടുത്തു. ജോഫ്ര ആർ‌ച്ചറും സാം കരണും ഓരോ വിക്കറ്റ് വീതം വീഴ്ത്തി.

🔹തെലുങ്ക് താരം നിഖിൽ സിദ്ധാർഥയെ നായകനാക്കി ഭരത് കൃഷ്ണമാചാരി സംവിധാനം ചെയ്യുന്ന പാൻ ഇന്ത്യൻ ചിത്രം സ്വയംഭൂവിന്‍റെ ടീസർ റിലീസായി. യോദ്ധാവിന്‍റെ വേഷത്തിലാണ് നിഖിൽ എത്തുന്നത്. സംയുക്ത മേനോൻ ആണ് നായിക.പിക്‌സൽ സ്റ്റുഡിയോസിന്‍റെ ബാനറിൽ ഭുവനും ശ്രീകറും ചേർന്നാണ് നിർമിക്കുന്നത്. ടാഗോർ മധുവാണ് ചിത്രം അവതരിപ്പിക്കുന്നത്. തന്‍റെ കഥാപാത്രത്തിന്‍റെ ആധികാരികതയ്ക്കായി കഠിനമായ ശാരീരിക പരിശീലനത്തിന് വിധേയനായ നിഖിൽ വേഷത്തിനായി ഏകദേശം രണ്ട് വർഷത്തോളമാണ് ചെലവഴിച്ചത്. വൻ ബജറ്റും ഉയർന്ന സാങ്കേതിക നിലവാരവുമുള്ള വലിയ ക്യാൻവാസിൽ, പീരിയോഡിക് യുദ്ധപശ്ചാത്തലത്തിലാണ് ഒരുക്കിയിരിക്കുന്നത്.ഛായാഗ്രഹണം: കെ.കെ. സെന്തിൽ കുമാർ, സംഗീതം: രവി ബസ്രൂർ, എഡിറ്റിംഗ്: തമ്മി രാജു, പ്രൊഡക്ഷൻ ഡിസൈനേഴ്‌സ്: എം. പ്രഭാകരൻ, രവീന്ദർ, സംഭാഷണം: വിജയ് കാമിസേട്ടി.

💦 ഗുരുജിയുടെ വാക്കുകൾ

കുടുംബജീവിതത്തിൽ പിണക്കത്തിന് നാം അധികദിവസം സമയം കൊടുക്കരുത്? ഒരാളുടെ മൗനത്തിന് കാരണം തിരക്കി അതിനു പരിഹാരം കണ്ടെത്തണം. വ്യക്തികൾ നന്നായതു കൊണ്ടു മാത്രം ആരും ആ കുടുംബത്തെ ഇഷ്ടപെടുകയില്ല. അത്തരം കുടുംബത്തിൽ ചെന്നാൽ മറ്റൊരാൾക്ക്‌ സന്തോഷം അനുഭവപ്പെടുകയുമില്ല. സുഗന്ധമുള്ള പുഷ്പങ്ങളിൽ മാത്രമേ ശലഭങ്ങൾ വന്നിരിക്കുകയുള്ളൂ.
ഭംഗി നോക്കി അവ പൂക്കളിൽ അകൃഷ്ഠരാകാറില്ല.അവർക്ക് അറിയാം സുഗന്ധമുള്ള പുഷ്പങ്ങളിലെ തേൻ ഉണ്ടാവുകയുള്ളൂ എന്ന്. സ്നേഹമാകുന്ന തേൻ പങ്കു വെക്കുമ്പോൾ മാത്രമേ സൗഹൃദങ്ങളും നമ്മളെ തേടിയെത്തുകയുള്ളൂ.

തയ്യാറാക്കിയത്: കപിൽ ശങ്കർ

78 Likes

📱വാർത്തകൾ ഒറ്റനോട്ടത്തിൽ📱 – 2026 | ഫെബ്രുവരി 12 | വ്യാഴം ✍ കപിൽ ശങ്കർ

💦 ഗുരുജിയുടെ വാക്കുകൾ

തയ്യാറാക്കിയത്: കപിൽ ശങ്കർ

👨‍👨‍👦‍👦മലയാളി മനസ്സ് — ആരോഗ്യ വീഥി 👨‍👨‍👦‍👦 – 2026 | ഒക്ടോബർ 01 |വ്യാഴം | ✍️തയ്യാറാക്കിയത്: ആസിഫ അഫ്രോസ്, ബാംഗ്ലൂർ.

🌹 “ഇന്നത്തെ ചിന്താവിഷയം” 🌹 – 2026 | ഒക്ടോബർ 01 |വ്യാഴം | ✍️ പ്രൊഫസ്സർ എ.വി. ഇട്ടി മാവേലിക്കര

🌹 ചിന്താ പ്രഭാതം 🌹 – 2026 | ഒക്ടോബർ 01 | വ്യാഴം | ✍️ ബേബി മാത്യു അടിമാലി

LEAVE A REPLY Cancel reply

Most Popular

ഒക്ടോബർ രണ്ടിന് നടത്താനിരുന്ന ‘നോ യുപിഐ ഡേ’ (No UPI Day) പ്രതിഷേധത്തിൽ നിന്ന് വ്യാപാരികൾ പിന്മാറി

തിരുവനന്തപുരത്തെ സംഘര്‍ഷം: ഇന്ന് പഠിപ്പ് മുടക്കിന് ആഹ്വാനം ചെയ്ത് എസ്എഫ്ഐ

തലസ്ഥാനത്തെ സംഘര്‍ഷം; എസ്എഫ്ഐ-യൂത്ത് കോൺഗ്രസ് പ്രവർത്തകർക്കെതിരെ കേസ്, ജാമ്യമില്ല വകുപ്പുകൾ ചുമത്തി

Recent Comments

EDITOR PICKS

ഒക്ടോബർ രണ്ടിന് നടത്താനിരുന്ന ‘നോ യുപിഐ ഡേ’ (No UPI Day) പ്രതിഷേധത്തിൽ നിന്ന് വ്യാപാരികൾ പിന്മാറി

തിരുവനന്തപുരത്തെ സംഘര്‍ഷം: ഇന്ന് പഠിപ്പ് മുടക്കിന് ആഹ്വാനം ചെയ്ത് എസ്എഫ്ഐ

POPULAR POSTS

ഒക്ടോബർ രണ്ടിന് നടത്താനിരുന്ന ‘നോ യുപിഐ ഡേ’ (No UPI Day) പ്രതിഷേധത്തിൽ നിന്ന് വ്യാപാരികൾ പിന്മാറി

POPULAR CATEGORY

ABOUT US

FOLLOW US