Thursday, November 19, 2026
Homeഅമേരിക്കശാന്തി മന്ത്രം (കവിത ) ഡോ: ജയദേവൻ✍

ശാന്തി മന്ത്രം (കവിത ) ഡോ: ജയദേവൻ✍

രാഗതാരാധിപൻ നിത്യം കിഴക്കൊരേ-
രീതിയിൽ
ആഴിവിട്ടംബുജംപൂത്തപോൽ,
രൂപലാവണ്യമോടാഗമിച്ചാർദ്രനായ്
രോദനം മാറ്റുവാൻ കൈതൊഴാം
കൈതൊഴാം..

ലാഭനഷ്ടക്കണക്കില്ലാതെ ഭൂമിയെ
ലാളിച്ചുപോറ്റുവാൻ വെട്ടമേകീടുവാൻ,
വാടാവിളക്കുമായ് വിണ്ണിലങ്ങോളവും
വാഴുവാൻ നിത്യവും കൈതൊഴാം
കൈതൊഴാം..

വീതരാഗൻപരൻ വിശ്വൈകനാഥനായ്
വീക്ഷിച്ചുറങ്ങാതെ നിന്നെരിഞ്ഞൂഴിയിൽ,
വേനലും വർഷവും ജീവനോപായവും
വേണ്ടുവോളം തരാൻ കൈതൊഴാം
കൈതൊഴാം..

ശാന്തിമന്ത്രംജപിച്ചാദികാലംമുതൽ
ശാലീനസൗന്ദര്യരൂപനായ് അഗ്നിയാൽ-
സാമ്യമില്ലാതഹംതീണ്ടാതുദിച്ചു നൽ
സൂനമായീടുവാൻ കൈതൊഴാം
കൈതൊഴാം..

സേധംനിറഞ്ഞൂർജ്ജസ്രോതസ്സായ്
നിത്യവും
സോപാനമേറിവന്നാകാശരാജനായ്,
ഹാരംധരിച്ചാത്മശുദ്ധിയോടാളുന്ന-
ഹോമാഗ്നിയാകുവാൻ കൈതൊഴാം
കൈതൊഴാം…

ഡോ: ജയദേവൻ✍

RELATED ARTICLES

LEAVE A REPLY

Please enter your comment!
Please enter your name here

അസ്വീകാര്യമായ, നിയമവിരുദ്ധമായ, അപകീര്‍ത്തികരമായ വാക്കുകൾ ഉപയോഗിക്കുക പാടില്ല. വ്യക്തിഗത ആക്രമണങ്ങളും ഉണ്ടാകരുത്. ഇത്തരത്തിലുള്ള പ്രവർത്തനങ്ങൾ സൈബർ നിയമപ്രകാരം കുറ്റമായിരിക്കും. എഴുതുന്നവരുടെ സ്വകാര്യ അഭിപ്രായങ്ങളാണ്.

Most Popular

Recent Comments

ആനി . പി. സെബാസ്റ്റ്യൻ, മംഗരയിൽ, കൂടരഞ്ഞി, കോഴിക്കോട് on കനൽജ്വാല പോലൊരു കാൽവരിപ്പൂവ് (കഥ) ✍ റോമി ബെന്നി
മോഹൻദാസ് അക്ഷരക്കൂട്ട് on 🌸 ഓണം ഓർമ്മകൾ 🌸 ✍അജി സുരേന്ദ്രൻ
അച്യുതൻകുട്ടി പുത്തൻവീട്ടിൽ on കാർഡുകൾ (കഥ) ✍ പി. ചന്ദ്രശേഖരൻ