ലോവർ മെറിയോൺ ടൗൺഷിപ്പ്, പെൻസിൽവാനിയ– ലുലുലെമോണിൽ നിന്ന് 10,000 ഡോളറിലധികം മൂല്യമുള്ള സാധനങ്ങൾ മോഷ്ടിച്ചതിന് നാല് സ്ത്രീകളെ മോണ്ട്ഗോമറി കൗണ്ടിയിൽ പോലീസ് ചൊവ്വാഴ്ച അറസ്റ്റ് ചെയ്തു.
ജാഹിദ് റോബിൻസൺ (18), ആംബർ റോബിൻസൺ(32), അയന്ന റോബിൻസൺ(24), ഐനിയ റോബിൻസൺ (21) എന്നിവർ മോഷണം ഉൾപ്പെടെയുള്ള കുറ്റങ്ങൾ നേരിടും. ചില്ലറ വ്യാപാരികളെ ലക്ഷ്യമിട്ടുള്ള കുറ്റകൃത്യങ്ങളുടെ ഏറ്റവും പുതിയ സംഭവമാണിത്.
ആർഡ്‌മോറിലെ സബർബൻ സ്ക്വയറിലെ ലുലുലെമോണിൽ രാവിലെ പതിനൊന്നരയോടെയാണ് കുറ്റകൃത്യം നടന്നതെന്ന് ലോവർ മെറിയോൺ പോലീസ് പറയുന്നു.
നാല് സ്ത്രീകൾ കടയിലേക്ക് നടന്നു കയറുന്നതും റാക്കിൽ നിന്ന് സാധനങ്ങളെടുത്തു പുറത്തേക്ക് ഓടുന്നതും നിരീക്ഷണ വീഡിയോയിൽ കാണാം. മറ്റൊരു സെക്യൂരിറ്റി ക്ലിപ്പിൽ , സംശയാസ്പദമായ ഒരാൾ വസ്ത്രങ്ങളുമായി കടയിൽ നിന്ന് ഇറങ്ങുമ്പോൾ ഒരു ജീവനക്കാരൻ പുറത്തേക്ക് പോകുന്നത് കാണിക്കുന്നു. ഈ കവർച്ച നടക്കുമ്പോൾ ഒരു ഉദ്യോഗസ്ഥൻ മറ്റൊരു മോഷണത്തിൻ്റെ റിപ്പോർട്ട് എടുക്കാൻ കടയിലേക്ക് പോകുകയായിരുന്നുവെന്ന് ലോവർ മെറിയോൺ പോലീസ് പറയുന്നു.
ഏകദേശം 10,350 ഡോളർ വിലമതിക്കുന്ന ചരക്ക് മോഷ്ടിച്ചു. ഇതാദ്യമായല്ല ഇത്തരം മോഷണങ്ങൾ നടക്കുന്നതെന്ന് പോലീസ് പറയുന്നു.
ആയിരക്കണക്കിന് ഡോളർ വിലമതിക്കുന്ന വസ്തുക്കൾ മോഷ്ടിക്കപ്പെട്ടതായും അന്വേഷകർ കേസിൽ തുടരുകയാണെന്നും അപ്പർ ഡബ്ലിൻ പോലീസ് പറഞ്ഞു. കഴിഞ്ഞ വ്യാഴാഴ്ച റിട്ടൻഹൗസ് സ്ക്വയറിൽ ഒന്നിലധികം പ്രതികൾ ലുലുലെമോൺ കൊള്ളയടിക്കുന്നത് കണ്ടതായി ഫിലഡൽഫിയ പോലീസ് പറഞ്ഞു.
ആ കേസിൽ അലക്സിസ് സാൽമൺ (28)നെയും,മാർക്വിസ് ബേക്കർ (29) നെയും ഉദ്യോഗസ്ഥർ അറസ്റ്റ് ചെയ്തു. കഴിഞ്ഞ മാസം ഡെലവെയർ കൗണ്ടിയിൽ ഒരു ലുലുലെമോൻ കവർച്ച മാരകമായി മാറി, മൂന്ന് മുതിർന്നവരും ഗർഭിണിയായ ഒരു കൗമാരക്കാരിയും പോലീസ് പിന്തുടരലിനെ തുടർന്നുണ്ടായ അപകടത്തിൽ കൊല്ലപ്പെട്ടു. കോൺകോർഡ് ടൗൺഷിപ്പിൽ ചില്ലറ മോഷണം നടന്നുവെന്ന റിപ്പോർട്ടിനെ തുടർന്നാണ് സംഭവത്തിന് തുടക്കമായത്. സബർബൻ സ്‌ക്വയർ സംഭവത്തിൽ അറസ്റ്റിലായ നാല് പ്രതികളും മറ്റ് കുറ്റകൃത്യങ്ങളിൽ ഉൾപ്പെട്ടിട്ടുണ്ടെന്ന് ലോവർ മെറിയോൺ പോലീസ് കരുതുന്നു.
