മോസ്‌കോ: റഷ്യയും നാറ്റോ സൈനിക സഖ്യവും തമ്മിലുള്ള സംഘര്‍ഷം മൂന്നാംലോക മഹായുദ്ധത്തിലേക്ക് നയിക്കുമെന്ന് മുന്നറിയിപ്പ് നല്‍കി വ്‌ലാദിമിര്‍ പുടിന്‍. റഷ്യന്‍ പ്രസിഡന്‍റ് തെരഞ്ഞെടുപ്പില്‍ വിജയമുറപ്പാക്കിയ ശേഷം പ്രതികരിക്കുകയായിരുന്നു അദ്ദേഹം.
എന്നാല്‍ മൂന്നാം ലോകമഹായുദ്ധം എന്ന സാഹചര്യം താന്‍ ആഗ്രഹിക്കുന്നില്ല. ആര്‍ക്കും ഇതില്‍ താല്‍പ്പര്യമില്ലെന്നാണ് താന്‍ കരുതുന്നത്. യുക്രെയ്‌നില്‍ ആണവായുധം ഉപയോഗിക്കേണ്ടതിന്‍റെ ആവശ്യകത ഇതുവരെ തോന്നിയിട്ടില്ലെന്നും പുടിന്‍ പറഞ്ഞു.
1999 മുതല്‍ പ്രധാനമന്ത്രിയായും പ്രസിഡന്‍റായും റഷ്യ ഭരിക്കുന്ന പുടിന്‍ ഇക്കുറി 88 ശതമാനം വോട്ടുകളോടെയാണ് റിക്കാര്‍ഡ് ജയം സ്വന്തമാക്കിയത്.
