പശ്ചിമേഷ്യയിലെ സംഘർഷങ്ങൾക്കിടെ സൗദി, ഒമാൻ വ്യോമമേഖല തുറന്നു. വിമാന കമ്പനികൾ സർവീസുകൾ പുനരാരംഭിച്ചു. ജിദ്ദ, മസ്കത്ത് എന്നിവിടങ്ങളിലേക്കുള്ള സർവീസ് എയർ ഇന്ത്യയും എയർ ഇന്ത്യ എക്സ്പ്രസും പുനരാരംഭിച്ചു. എയർ ഇന്ത്യ എക്സ്സ് കോഴിക്കോട്, മുംബൈ എന്നിവിടങ്ങളിൽ നിന്ന് ദുബായിലേക്കും തിരിച്ചും ഇന്ന് (മാർച്ച് 6) സർവീസ് നടത്തും.
കൊച്ചിയിൽ നിന്ന് റാസൽഖൈമയിലേക്ക് എയർ ഇന്ത്യ എക്സ്പ്രസ് സർവീസ് നടത്തും. കൊച്ചി, കോഴിക്കോട്, തിരുവനന്തപുരം എന്നിവിടങ്ങളിൽ നിന്ന് മസ്കത്തിലേക്ക് സർവീസുണ്ടാകും. ദുബായിൽ നിന്ന് ഡൽഹിയിലേക്കും
മുംബൈയിലേക്കും എയർ ഇന്ത്യ സർവീസ് നടത്തും. ഇൻഡിഗോ ഗൾഫിലെ 8 വിമാനത്താവളങ്ങളെ ബന്ധിപ്പിച്ച് ഇന്ന് 34 സർവീസ് നടത്തും. ജിദ്ദ-കോഴിക്കോട്, കൊച്ചി-മസ്കത്ത് സർവീസുകളും ഇതിൽ ഉൾപ്പെടും.
