ഇരുളിലാഴ്ന്നൊരു കാലത്തിന്റെ വഴിയിൽ,
വെളിച്ചമായ് വന്നൊരു മഹാത്മാവേ,
ജാതിയുടെ വേലികൾ തകർത്തെറിഞ്ഞ്,
മനുഷ്യനെന്നൊരു സത്യം പകർന്നവനേ.
“ഒരു ജാതി, ഒരു മതം, ഒരു ദൈവം മനുഷ്യന്”
എന്നൊരു മന്ത്രം ലോകത്തിന് നൽകിയവനേ,
അറിവിൻ ദീപം ഹൃദയങ്ങളിൽ കൊളുത്തി,
അജ്ഞതയുടെ രാവിനെ അകറ്റിയവനേ.
ആത്മാഭിമാനത്തിൻ ശംഖു മുഴക്കിയവൻ,
വിദ്യയും ശുചിത്വവും സ്നേഹവും ചൊല്ലി,
പുതുയുഗത്തിൻ പാത തെളിച്ചവൻ.
മതിലുകളില്ലാത്തൊരു മനുഷ്യലോകം,
സ്വപ്നം കണ്ട മഹാഗുരുവിൻ നാമം,
കാലം കടന്നാലും മായാത്ത സത്യം
മലയാളമണ്ണിൻ അഭിമാനം
ശ്രീനാരായണ ഗുരുദേവൻ.
അർത്ഥവത്തായ വരികൾ✍️🤝 ഗുരുദേവജയന്തി ആശംസകൾ🙏🏻🌹❤️