📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 17 | തിങ്കൾ ✍️ കപിൽ ശങ്കർ

🔹പുത്തൻ പ്രതീക്ഷകളുമായി വീണ്ടുമൊരു മലയാള പുതുവർഷം പിറന്നു. സമ്പൽസമൃദ്ധിയുടെയും ഉത്സവകാലത്തിന്റെയും തുടക്കം കൂടിയാണ് ചിങ്ങം ഒന്ന്. കർക്കിടകത്തിലെ കാർമേഘങ്ങൾ നീങ്ങി…..ഇന്ന് മലയാളികൾ പൊന്നിൻ ചിങ്ങ മാസത്തെ വരവേൽക്കുകയാണ്.

🔹കര്‍ഷകരെ ചേര്‍ത്തുനിര്‍ത്തുന്ന കര്‍ഷക ബന്ധുവാണ് യുഡി എഫ് സര്‍ക്കാരെന്ന് മുഖ്യമന്ത്രി വി ഡി സതീശന്‍. കര്‍ഷകദിനാഘോഷം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. റബറിന്റെ വില 300 രൂപയാക്കും, വന്യജീവി ആക്രമണം തടയാന്‍ നടപടി ഉണ്ടാകും, നെല്‍ കര്‍ഷകര്‍ക്ക് നല്‍കാനുള്ള പണം നല്‍കും. പൂട്ടിക്കിടക്കുന്ന തോട്ടങ്ങളെ തുറന്നു പ്രവര്‍ത്തിക്കാന്‍ നടപടികളുണ്ടാകും. രണ്ടാം ഭൂപരിഷ്‌കരണം നടത്തുമെന്നും മുഖ്യമന്ത്രി വ്യക്തമാക്കി.

🔹തൃപ്പൂണിത്തുറയെ ചരിത്ര പൈതൃക നഗരമാക്കണമെന്ന ആഹ്വാനവുമായി മുഖ്യമന്ത്രി വി.ഡി സതീശന്‍ അത്തച്ചമയത്തിന് തിരി തെളിച്ചു. തൃപ്പൂണിത്തുറ ഗവണ്‍മെന്റ് ബോയ്സ് ഹയര്‍ സെക്കന്‍ഡറി സ്‌കൂള്‍ മൈതാനിയില്‍ മന്ത്രി അനൂപ് ജേക്കബ് അടക്കമുള്ളവര്‍ പങ്കെടുത്തു. കലാരൂപങ്ങളും നിശ്ചലദൃശ്യങ്ങളും വര്‍ണപ്പൊലിമയേകിയ ഘോഷയാത്ര കാണാന്‍ അനേകായിരങ്ങളാണ് എത്തിയത്.

🔹ബിജെപി നേതൃത്വത്തിനെതിരെ വിമര്‍ശനവുമായി നടന്‍ ദേവന്‍. ജനങ്ങളില്‍ നിന്ന് തനിക്കുള്ള പിന്തുണ ഉപയോഗപ്പെടുത്താന്‍ നേതൃത്വത്തിന് കഴിഞ്ഞില്ല. ബിജെപി സംസ്ഥാന പ്രസിഡന്റുമായി ഇതുവരെ സംസാരിക്കാനായിട്ടില്ല. പഴയ പാര്‍ട്ടി പുനരുജീവിപ്പിച്ച് ജനങ്ങള്‍ക്ക് ഒപ്പം നില്‍ക്കുമെന്നും ദേവന്‍ വ്യക്തമാക്കി.

🔹കാലടി സംസ്‌കൃത സര്‍വകലാശാലയില്‍ അക്രമം നടത്തിയെന്ന കേസില്‍ നാല് എസ്എഫ്‌ഐ പ്രവര്‍ത്തകര്‍ അറസ്റ്റില്‍. മെബിന്‍, യദുകൃഷ്ണന്‍, ബേസില്‍, വിജീഷ് എന്നിവരാണ് അറസ്റ്റിലായത്. ഒരു സംഘം വിദ്യാര്‍ത്ഥികള്‍ ദേഹോപദ്രവം ഏല്‍പ്പിച്ചെന്ന് വൈസ് ചാന്‍സലര്‍ സിസ തോമസ് മുഖ്യമന്ത്രിക്കും ആഭ്യന്തര മന്ത്രിക്കും പരാതി നല്‍കിയിരുന്നു. ഔദ്യോഗിക കൃത്യ നിര്‍വഹണം തടസ്സപ്പെടുത്തുകയും സിന്‍ഡിക്കേറ്റ് അംഗങ്ങളേയും പേഴ്സണല്‍ സ്റ്റാഫിനേയും ആക്രമിച്ചെന്നും വാഹനം നശിപ്പിച്ചെന്നും പരാതിയില്‍ പറഞ്ഞിരുന്നു.

🔹ഒരു കോടി രൂപ വിലവരുന്ന ഒരു കിലോ എംഡിഎംഎയുമായി സ്ത്രീ ഉള്‍പ്പെടെ മൂന്ന് പേരെ ഒലവക്കോടുനിന്ന് പിടികൂടി. എംഡിഎംഎയ്ക്ക് പുറമെ കൊക്കെയ്ന്‍, ഹൈബ്രിഡ് കഞ്ചാവ്, എല്‍എസ്ഡി സ്റ്റാമ്പ് എന്നിവയും പിടികൂടിയിട്ടുണ്ട്. കാഞ്ഞിരപ്പള്ളി സ്വദേശി മുഹമ്മദ് നിസിന്‍, വേങ്ങര അസറുദീന്‍, ഭാര്യ മംഗലാപുരം സ്വദേശി ബീഫാത്തിമ എന്നിവരാണ് പിടിയിലായത്.

🔹ചെമ്മനാട് അച്ഛനും മകളും വീട്ടില്‍ മരിച്ച നിലയില്‍. മീപ്പുഗിരി സ്വദേശികളായ ഗണേശന്‍ (47), മകള്‍ വൈഷ്ണവി (17) എന്നിവരാണ് മരിച്ചത്. ചെമ്മനാട് കോളിയടുക്കത്തെ വാടക വീട്ടിലാണ് ഇരുവരേയും മരിച്ച നിലയില്‍ കണ്ടെത്തിയത്.

🔹പാവറട്ടിയില്‍ മനോരോഗിയായ മകന്റെ വെട്ടേറ്റ് അമ്മ മരിച്ചു. തകരന്‍ കോഴിപ്പറമ്പില്‍ വീട്ടില്‍ പരേതനായ ചെറിയാന്റെ ഭാര്യ ഡോളി (70) ആണ് മരിച്ചത്. മകന്‍ ബെന്‍ഹറിനെ പാവറട്ടി പോലീസ് പിടികൂടി. കത്തികൊണ്ട് കഴുത്തറുത്ത് വെട്ടുകത്തികൊണ്ട് തലയില്‍ വെട്ടിയെന്നു പോലീസ് പറഞ്ഞു.

🔹വീട്ടില്‍ മദ്യപിക്കുന്നതു ചോദ്യം ചെയ്തതിന് മദ്യലഹരിയില്‍ അച്ഛനെ തലയ്ക്കടിച്ച് കൊന്ന മകന്‍ പിടിയില്‍. കോഴിക്കോട് വെള്ളിപ്പറമ്പില്‍ 64 വയസുള്ള ശശിധരനാണ് മരിച്ചത്. 29 വയസുള്ള മകന്‍ അഭിരാമിനെ അറസ്റ്റു ചെയ്തു.

🔹കൊല്ലം കരുനാഗപ്പള്ളിയില്‍ കാണാതായ ഏഴാം ക്ലാസുകാരന്‍ ബിലാലിന്റെ മൃതദേഹം കണ്ടെത്തി. കൊതുമുക്ക് പാലത്തിനടിയില്‍ നിന്നാണ് മൃതദേഹം കണ്ടെത്തിയത്. ശനിയാഴ്ച കളിക്കാനായി കൂട്ടുകാരനൊപ്പം പോയ ബിലാലിനെ കാണാതായിരുന്നു

🔹എറണാകുളം കര്‍ത്തേടം റൂറല്‍ സഹകരണ ബാങ്കില്‍ 89 ലക്ഷത്തിന്റെ സ്വര്‍ണ പണയ തിരിമറി. ബാങ്കിലെ ഗോള്‍ഡ് അപ്രൈസര്‍ അനൂപ് ജോസഫ് അറസ്റ്റിലായി.

🔹സ്വാതന്ത്ര്യ ദിനാഘോഷ ചടങ്ങില്‍ കേരളത്തില്‍ വന്ദേമാതരം ആലപിക്കാത്തത് ഗുരുതരമായ നിയമലംഘനമാണെന്നും മുഖ്യമന്ത്രി വി ഡി സതീശന്‍ സത്യപ്രതിജ്ഞാ ലംഘനം നടത്തിയെന്നും ബി ജെ പി സംസ്ഥാന പ്രസിഡന്റ് രാജീവ് ചന്ദ്രശേഖര്‍ ആരോപിച്ചു.

🔹എഐസിസിയില്‍ വന്ദേമാതരം ആലാപിക്കുന്നതു തടസപ്പെടുത്താന്‍ ശ്രമിക്കുകയും അനാദരവു കാണിക്കുകയും ചെയ്തെന്ന് ആരോപിച്ച് സോണിയാ ഗാന്ധിക്കെതിരെ പൊലീസില്‍ പരാതി. ഡല്‍ഹി ഐപി എസ്റ്റേറ്റ് പോലീസ് സ്റ്റേഷനിലും മംഗലുരുവിലെ ഉര്‍വ പൊലീസ് സ്റ്റേഷനിലുമാണു ബിജെപി പ്രവര്‍ത്തകര്‍ പരാതി നല്‍കിയത്.

🔹തമിഴ്‌നാട് മുഖ്യമന്ത്രി വിജയിയുടെ സര്‍ക്കാരിലെ ചില മന്ത്രിമാര്‍ കൈക്കൂലി വാങ്ങുന്നുവെന്ന് കെ. അണ്ണാമലൈ. സര്‍ക്കാര്‍ ടെന്‍ഡറുകള്‍ നല്‍കുന്നതിനായി മന്ത്രിമാര്‍ കരാറുകാരില്‍ നിന്ന് പണം ആവശ്യപ്പെടുന്നുണ്ടെന്നാണ് ആരോപണം.

🔹തമിഴ്നാട്ടില്‍ ലഹരിയും കൊലപാതകവും വര്‍ധിച്ചെന്ന് നിയമസഭയില്‍ പ്രതിപക്ഷ നേതാവ് ഉദയനിധി സ്റ്റാലിന്‍. മുഖ്യമന്ത്രി സി. ജോസഫ് വിജയ് സര്‍ക്കാര്‍ 100 ദിവസം പൂര്‍ത്തിയാക്കിയിരിക്കേയാണ് ക്രമസമാധാന നില തകര്‍ന്നെന്നും പല അക്രമസംഭവങ്ങള്‍ക്കും പിന്നില്‍ ലഹരിമാഫിയയാണെന്നും സ്റ്റാലിന്‍ ആരോപിച്ചത്.

🔹വരവില്‍ കവിഞ്ഞ സ്വത്ത് സമ്പാദിച്ചെന്ന, രാഹുല്‍ ഗാന്ധിക്കെതിരായ പരാതിയിലെ, ആരോപണങ്ങള്‍ ഗൗരവമുള്ളതാണെങ്കിലും കേസ് രജിസ്റ്റര്‍ ചെയ്തിട്ടില്ലെന്ന് സിബിഐ സുപ്രീംകോടതിയില്‍. ആരോപണം ഗൗരവമേറിയതാണങ്കില്‍ എന്തുകൊണ്ട് സിബിഐ കേസെടുത്തില്ലെന്ന് ചീഫ് ജസ്റ്റിസ് അധ്യക്ഷനായ ബെഞ്ച് ചോദിച്ചു.

🔹ഹോര്‍മുസ് കടലിടുക്കിന്റെ നിയന്ത്രണം ഏറ്റെടുക്കുമെന്ന അമേരിക്കന്‍ പ്രഖ്യാപനം തള്ളി ഇറാന്‍. ഹോര്‍മുസ് വിട്ടുനല്‍കില്ലെന്നും ഉപരോധം തുടരുമെന്നും ഇറാന്‍ ഡെപ്യൂട്ടി വിദേശകാര്യമന്ത്രി കാസിം ഗാരിബാബാദി.

🔹അമേരിക്കന്‍ സൈനികരെ കൊലപ്പെടുത്തുന്നവര്‍ക്ക് വന്‍ തുക സമ്മാനത്തുക പ്രഖ്യാപിച്ച് ഇറാന്‍. ഒരു അമേരിക്കന്‍ സൈനികനെ വധിക്കുന്നവര്‍ക്ക് 30,000 യു.എസ് ഡോളര്‍ (ഏകദേശം 25 ലക്ഷത്തിലധികം രൂപ) പ്രതിഫലം നല്‍കുമെന്നാണ് ഇറാന്റെ ഔദ്യോഗിക പത്രമായ ‘ഇറാന്‍ കേഹാന്‍’ പുറത്തുവിട്ട റിപ്പോര്‍ട്ടില്‍ പറയുന്നത്.

🔹ഇറാനുമായുള്ള യുദ്ധത്തില്‍ നിന്ന് തലയൂരാന്‍ യു.എസ് പ്രസിഡന്റ് ഡൊണാള്‍ഡ് ട്രംപ്. ഇറാനിലെ ഭരണമാറ്റം, സമ്പൂര്‍ണ്ണ കീഴടങ്ങല്‍, മിഡില്‍ ഈസ്റ്റിലെ പ്രോക്സി ഗ്രൂപ്പുകള്‍ക്കുള്ള പിന്തുണ അവസാനിപ്പിക്കല്‍ തുടങ്ങിയ ഉപാധികളില്‍നിന്ന് ട്രംപ് ഭരണകൂടം പിന്നോട്ട് പോകുന്നതായാണു റിപ്പോര്‍ട്ട്.

🔹ശ്രീലങ്കയ്‌ക്കെതിരായ ആദ്യ ടെസ്റ്റില്‍ ഇന്ത്യ ശക്തമായി നിലയില്‍. ഗാലെ, അന്താരാഷ്ട്ര സ്റ്റേഡിയത്തില്‍ ടോസ് നഷ്ടപ്പെട്ട് ബാറ്റിംഗിനെത്തിയ ഇന്ത്യ രണ്ടാം ദിനം കളി അവസാനിക്കുമ്പോള്‍ ഒമ്പതു വിക്കറ്റ് നഷ്ടത്തില്‍ 460 റണ്‍സെടുത്തിട്ടുണ്ട്.

🔹മാഞ്ചസ്റ്റര്‍ സിറ്റിയെ എതിരില്ലാത്ത മൂന്ന് ഗോളുകള്‍ക്കു പരാജയപ്പെടുത്തി ഇംഗ്ലീഷ് പ്രീമിയര്‍ ലീഗ് ജേതാക്കളായ ആഴ്‌സണലിന് കമ്യൂണിറ്റി ഷീല്‍ഡ് കിരീടം.

🔹മഹാകവി കുമാരനാശാന്റെ പ്രശസ്ത കൃതി ‘കരുണ’യ്ക്ക് പുതിയ ദൃശ്യാവിഷ്‌കാരം. ‘വാസവദത്ത’യെന്നാണ് ചിത്രത്തിന് പേരിട്ടിരിക്കുന്നത്. പൂര്‍ണ്ണമായും ആര്‍ട്ടിഫിഷ്യല്‍ ഇന്റലിജന്‍സ് സാങ്കേതികവിദ്യ ഉപയോഗിച്ച് നിര്‍മ്മിച്ച മലയാളത്തിലെ ആദ്യത്തെ സമ്പൂര്‍ണ്ണ ചിത്രമെന്നാണ് ‘വാസവദത്ത’യെ അണിയറക്കാര്‍ വിശേഷിപ്പിച്ചിരിക്കുന്നത്. ഒക്ടോബര്‍ രണ്ടിന് ചിത്രം തിയറ്ററുകളിലെത്തും. ‘കരുണ’യിലെ വാസവദത്തയ്ക്ക് തികച്ചും പുതുജീവനും നൂതനമായ ആവിഷ്‌കാരവുമാണ് ഈ ചിത്രത്തിലൂടെ നല്‍കിയിരിക്കുന്നതെന്നും അണിയറക്കാര്‍. നൃത്ത രംഗങ്ങളും സംഘട്ടനങ്ങളും മനോഹരമായ ഗാനങ്ങളും പ്രണയവും ഒക്കെ കോര്‍ത്തിണക്കിയ ഒരു ദൃശ്യവിരുന്നായിരിക്കും ‘വാസവദത്ത’യെന്ന് സംവിധായകന്‍ ഡോ. മുരളി മോഹന്‍ വ്യക്തമാക്കി. ആറ് ഭാഷകളില്‍ ശ്രദ്ധേയമായ ശബരിമല ഡോക്യുമെന്ററി സംവിധാനം ചെയ്ത ഡോ. മുരളി മോഹന്റെ ഏറ്റവും മികച്ച ദൃശ്യാനുഭവമായിരിക്കും ‘വാസവദത്ത’.

🔹അര്‍ജുന്‍ അശോകന്‍, ബാലു വര്‍ഗീസ്, അല്‍താഫ് സലിം, ശരത് സഭ, മൊട്ട രാജേന്ദ്രന്‍ എന്നിവര്‍ പ്രധാന വേഷങ്ങള്‍ ചെയ്യുന്ന ‘മെല്‍കൗ പോണ്ടിച്ചേരി’യുടെ ഫസ്റ്റ് ലുക്ക് പുറത്ത്. അരുണ്‍ ഗോപി എക്സൈറ്റ്മെന്റിന്റെ ബാനറില്‍ അരുണ്‍ ഗോപിയും ജസ്റ്റിന്‍ ആന്‍ഡ് മാത്യു എന്റര്‍റ്റെയിന്‍മെന്റ്സിന്റെ ബാനറില്‍ ജസ്റ്റിന്‍ മാത്യുവും ചേര്‍ന്ന് നിര്‍മ്മിക്കുന്ന ചിത്രം നിഖില്‍ മോഹന്‍ ആണ് കഥയെഴുതി സംവിധാനം ചെയ്യുന്നത്. ആദ്യാവസാനം ചിരിയും ത്രില്ലും സമ്മാനിക്കുന്ന ഒരു യൂത്ത്ഫുള്‍ എന്റര്‍ടെയിനര്‍ ആയിരിക്കും ചിത്രമെന്നാണ് റിപ്പോര്‍ട്ട്. സനൂപ് തൈക്കുടം ആണ് ചിത്രത്തിന് തിരക്കഥ രചിച്ചത്. അതോടൊപ്പം അദ്ദേഹം ഇതില്‍ ഒരു കഥാപാത്രത്തെ അവതരിപ്പിക്കുകയും ചെയ്തിട്ടുണ്ട്. സോഷ്യല്‍ മീഡിയ ഇന്‍ഫ്ലുവന്‍സറായ അന്നാമ്മ ഒരു പ്രധാന കഥാപാത്രത്തെ അവതരിപ്പിക്കുന്ന ഈ ചിത്രത്തിലെ നായികാ വേഷം ചെയ്യുന്നത് പുതുമുഖമായ ശ്രീലക്ഷ്മി വിജയന്‍ ആണ്.

💦 ഗുരുജിയുടെ വാക്കുകൾ
*****************************

സൂര്യൻ ഓരോ ദിവസവും ഉദിക്കുന്നത് പ്രതീക്ഷയുടെ സന്ദേശവുമായാണ്. അതുപോലെ ഓരോ പ്രഭാതവും പുതിയ സ്വപ്നങ്ങൾക്കും നല്ല തീരുമാനങ്ങൾക്കും ഒരു തുടക്കമാണ്. ആത്മവിശ്വാസത്തോടെ മുന്നോട്ട് പോകൂ; ചെറിയ നല്ല ചുവടുകൾ പോലും വലിയ വിജയങ്ങളിലേക്ക് നയിക്കും.

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ഓഗസ്റ്റ് 17

•കേരള കർഷക ദിനം (ചിങ്ങം 1): മലയാള മാസം ചിങ്ങം 1 സാധാരണയായി ഓഗസ്റ്റ് 17-നാണ് വരുന്നത്. മണ്ണിൽ പൊന്നു വിളയിക്കുന്ന കർഷകരെ ആദരിക്കാനും കാർഷിക പ്രദർശനങ്ങൾ സംഘടിപ്പിക്കാനും സംസ്ഥാന സർക്കാർ ഈ ദിവസം വിപുലമായ പരിപാടികൾ നടത്തുന്നു.

•മദൻ ലാൽ ധിംഗ്ര സ്മൃതി ദിനം: ഇന്ത്യൻ സ്വാതന്ത്ര്യസമര ചരിത്രത്തിലെ ധീരനായ വിപ്ലവകാരി മദൻ ലാൽ ധിംഗ്ര 1909 ഓഗസ്റ്റ് 17-നാണ് ലണ്ടനിലെ പെന്റോൺവില്ലെ ജയിലിൽ വെച്ച് തൂക്കിലേറ്റപ്പെട്ടത്. അദ്ദേഹത്തിന്റെ സ്മരണ പുതുക്കുന്ന ദിനമാണിത്.

•ഇന്തോനേഷ്യൻ സ്വാതന്ത്ര്യ ദിനം: 1945 ഓഗസ്റ്റ് 17-നാണ് ഇന്തോനേഷ്യ ഡച്ചുകാരിൽ നിന്നും സ്വാതന്ത്ര്യം പ്രഖ്യാപിച്ചത്. അവരുടെ ദേശീയ ദിനമായി ഇത് വിപുലമായി ആഘോഷിക്കപ്പെടുന്നു.

•ദേശീയ ലാഭരഹിത ദിനം (National Nonprofit Day): ലാഭേച്ഛയില്ലാതെ പ്രവർത്തിക്കുന്ന സംഘടനകളുടെയും (NGO) അവയിലെ സന്നദ്ധപ്രവർത്തകരുടെയും സമൂഹത്തോടുള്ള സംഭാവനകളെ അംഗീകരിക്കുന്നതിനായി അന്താരാഷ്ട്ര തലത്തിൽ ഈ ദിനം ആചരിക്കുന്നു.

•നാഷണൽ ഥ്രിഫ്റ്റ് ഷോപ്പ് ഡേ (National Thrift Shop Day): ഉപയോഗിച്ച സാധനങ്ങൾ പുനരുപയോഗിക്കുന്നതിന്റെയും ചാരിറ്റി കടകളുടെയും പ്രാധാന്യം ഓർമ്മിപ്പിക്കുന്ന ദിനം.

•1947:ഇന്ത്യ-പാകിസ്താൻ അതിർത്തി നിർണ്ണയിക്കുന്നതിനുള്ള റാഡ്ക്ലിഫ് ലൈൻ (Radcliffe Line) ഔദ്യോഗികമായി പ്രഖ്യാപിക്കപ്പെട്ടു.

തയ്യാറാക്കിയത്: കപിൽ ശങ്കർ

8 Likes

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 17 | തിങ്കൾ ✍️ കപിൽ ശങ്കർ

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ഓഗസ്റ്റ് 17

തയ്യാറാക്കിയത്: കപിൽ ശങ്കർ

പി. സി. എബ്രഹാം ഒക്കലഹോമയിൽ അന്തരിച്ചു

എഡ്മൻ്റണിൽ മഞ്ചാടി മലയാളം സ്കൂൾ പുതിയ അഡ്മിഷൻ ഓഗസ്റ്റ് 20 വരെ.

ചിക്കാഗോ മലയാളി അസോസിയേഷന്റെ ഓണാഘോഷം പ്രൗഢഗംഭീരമായി

LEAVE A REPLY Cancel reply

Most Popular

ബിജെപി ദേശീയ ഭാരവാഹികളുടെ പട്ടിക പ്രഖ്യാപിച്ചു: കേരളത്തിൽ നിന്ന് കെ സുരേന്ദ്രൻ ദേശീയ സെക്രട്ടറിയാകും

Recent Comments

EDITOR PICKS

ബിജെപി ദേശീയ ഭാരവാഹികളുടെ പട്ടിക പ്രഖ്യാപിച്ചു: കേരളത്തിൽ നിന്ന് കെ സുരേന്ദ്രൻ ദേശീയ സെക്രട്ടറിയാകും

POPULAR POSTS

ബിജെപി ദേശീയ ഭാരവാഹികളുടെ പട്ടിക പ്രഖ്യാപിച്ചു: കേരളത്തിൽ നിന്ന് കെ സുരേന്ദ്രൻ ദേശീയ സെക്രട്ടറിയാകും

POPULAR CATEGORY

ABOUT US

FOLLOW US

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 17 | തിങ്കൾ ✍️ കപിൽ ശങ്കർ

💦 ഗുരുജിയുടെ വാക്കുകൾ *****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ ********************************************************************

ഓഗസ്റ്റ് 17

തയ്യാറാക്കിയത്: കപിൽ ശങ്കർ

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************