📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 07 | വെള്ളി ✍️ കപിൽ ശങ്കർ

🔹മുഖ്യമന്ത്രിയുടെ സംരംഭകത്വ വികസന പദ്ധതി പ്രകാരം സംരംഭകര്‍ക്ക് നല്‍കുന്ന വായ്പാ പരിധി രണ്ടു കോടി രൂപയില്‍ നിന്ന് അഞ്ചു കോടി രൂപയായി ഉയര്‍ത്തി. ആറു ശതമാനമാണു പലിശ. പദ്ധതി നടപ്പാക്കുന്ന കേരള ഫിനാന്‍ഷ്യല്‍ കോര്‍പറേഷനെ ഇന്ത്യയിലെ മികച്ച ധനകാര്യ സ്ഥാപനമാക്കി മാറ്റുമെന്ന് ഉദ്ഘാടനം നിര്‍വഹിച്ച മുഖ്യമന്ത്രി വി.ഡി. സതീശന്‍ പറഞ്ഞു.

🔹ശബരിമല നെയ്യ് ക്രമക്കേടില്‍ എഫ്ഐആര്‍ രജിസ്റ്റര്‍ ചെയ്തു. ദേവസ്വം ബോര്‍ഡ് മുന്‍ പ്രസിഡന്റ് പി.എസ്.പ്രശാന്ത്, അജികുമാര്‍ എന്നിവരും അഡ്മിനിസ്ട്രേറ്റീവ് ഓഫീസറായിരുന്ന മുരാരി ബാബുവും പ്രതിപ്പട്ടികയിലുണ്ട്. 2.27 കോടിയുടെ നഷ്ടമുണ്ടായെന്നാണ് ദേവസ്വം വിജിലന്‍സിന്റെ കണ്ടെത്തല്‍. എസ്പി എം.ജെ. സോജന്റെ നേതൃത്വത്തിലാണ് അന്വേഷണം.

‎🔹ക്രിമിനൽ കേസ് പ്രതി അർജുൻ ആയങ്കിയെ പിടികൂടാനാകാതെ പൊലീസ്. ഒളിവിലിരുന്നും പൊലീസ് ഉദ്യോഗസ്ഥനെ ഭീഷണിപ്പെടുത്തിയതിന പുതിയ കേസെടുത്തതിന് പിന്നാലെ ആഭ്യന്തര മന്ത്രിയെയും വെല്ലുവിളിച്ചിരിക്കുകയാണ് അർജുൻ ആയങ്കി.

🔹കാപ്പ കേസില്‍ ജയില്‍ ശിക്ഷ അനുഭവിക്കുന്ന ബിജെപി കൗണ്‍സിലര്‍ സുഗതന് നല്‍കിയിരുന്ന ഇളവ് റദ്ദാക്കി ആഭ്യന്തര വകുപ്പും ഉത്തരവിറക്കി. കൗണ്‍സില്‍ യോഗത്തില്‍ പങ്കെടുക്കാന്‍ പോലീസ് അകമ്പടിയോടെ പരോള്‍ അനുവദിക്കണമെന്നായിരുന്നു സുഗതന്റെ അപേക്ഷ.

🔹അടിപിടിയുണ്ടാക്കിയതിന് നിലമ്പൂര്‍ നോര്‍ത്ത് ഡിവിഷനിലെ വാണിയമ്പുഴ ഫോറസ്റ്റ് ഡെപ്യൂട്ടി റേഞ്ച് ഓഫീസര്‍ ടി. അജികുമാര്‍, ബീറ്റ് ഫോറസ്റ്റ് ഓഫീസര്‍ ടിജോ ജോസഫ് എന്നിവരെ ഡിഎഫ്ഒ സസ്‌പെന്‍ഡ് ചെയ്തു.

🔹പ്രകൃതിക്ഷോഭത്തെത്തുടര്‍ന്ന് വീടുകളില്‍ വെള്ളം കയറിയ എല്ലാ കുടുംബങ്ങള്‍ക്കും 10,000 രൂപ ധനസഹായം നല്‍കുമെന്ന് റവന്യൂമന്ത്രി എ.പി. അനില്‍കുമാര്‍ അറിയിച്ചു. ദുരിതാശ്വാസ ക്യാമ്പില്‍ താമസിക്കണമെന്ന നിബന്ധനയില്ലെന്നും വ്യാപാരസ്ഥാപനങ്ങള്‍ക്കും ഈ സഹായം ലഭ്യമാക്കുമെന്നും അദ്ദേഹം വ്യക്തമാക്കി.

🔹തിരുവനന്തപുരത്ത് വധശ്രമക്കേസിലെ പ്രതികള്‍ അറസ്റ്റു ചെയ്യാനെത്തിയ രണ്ടു പോലീസുകാരെ ആക്രമിച്ചു. വിലങ്ങണിഞ്ഞ കൈകൊണ്ട് അടിച്ചതിനെ തുടര്‍ന്ന് സിപിഒ രാകേഷിന്റെ മൂക്കിന്റെ പാലം തകര്‍ന്നു. താക്കോല്‍ കൊണ്ടുള്ള കുത്തേറ്റ് വിനയകുമാറിന്റെ കഴുത്തിനും പരിക്കേറ്റിട്ടുണ്ട്. തിരുവല്ലം ശാന്തിപുരം സ്വദേശികളായ യദു (24), സഹോദരന്‍ അനന്തു (21) എന്നിവരെ പൊലീസ് അറസ്റ്റ് ചെയ്തു.

🔹പൊതുവിദ്യാഭ്യാസ വകുപ്പിനു കീഴിലുള്ള ഓഫീസുകളിലും സര്‍ക്കാര്‍ സ്‌കൂളുകളിലും താത്കാലിക ജീവനക്കാരെ നിയമിക്കുമ്പോള്‍ ഇനിമുതല്‍ പൊലീസ് ക്ലിയറന്‍സ് സര്‍ട്ടിഫിക്കറ്റ് നിര്‍ബന്ധമാക്കി പൊതുവിദ്യാഭ്യാസ ഡയറക്ടര്‍ നിര്‍ദേശം നല്‍കി.

‎🔹പ്രളയ ദുരിതാശ്വാസ പ്രവർത്തനത്തിന് എത്തിയ വാഹനത്തിന് പിഴ ചുമത്തിയ മോട്ടോർ വാഹന വകുപ്പ് ഉദ്യോഗസ്ഥനെ സസ്പെൻഡ് ചെയ്തു. എന്നാൽ ആറന്മുളയിലെ ദുരിതാശ്വാസ പ്രവർത്തനത്തിനിടയിൽ അല്ല, അടൂരിൽ വച്ചാണ് പിഴ ചുമത്തിയത് എന്നായിരുന്നു ഉദ്യോഗസ്ഥരുടെ വിശദീകരണം. ജീപ്പിനു മുന്നിലെ ആഡംബര ലൈറ്റുകൾക്ക് 5200 രൂപയാണ് പിഴ ഈടാക്കിയത്.

🔹ആറന്മുളയില്‍ ദുരിതാശ്വാസ പ്രവര്‍ത്തനത്തിന് എത്തിയ ഓഫ് റോഡ് വാഹനത്തിന് മോട്ടോര്‍ വെഹിക്കിള്‍ ഇന്‍സ്പെക്ടര്‍ പിഴ ചുമത്തിയ തുക അടക്കാന്‍ അബിന്‍ വര്‍ക്കി എംഎല്‍എ യൂത്ത് കോണ്‍ഗ്രസ് നിയോജക മണ്ഡലം കമ്മിറ്റിക്ക് നിര്‍ദേശം നല്‍കി.

🔹താമരശ്ശേരി ഫ്രഷ് കട്ട് അറവു മാലിന്യ ഫാക്ടറി അടച്ചുപൂട്ടാനുള്ള മലിനീകരണ നിയന്ത്രണ ബോര്‍ഡിന്റെ ഉത്തരവ് ഹൈക്കോടതി സ്റ്റേ ചെയ്തു. ഫാക്ടറിയില്‍ നിന്ന് പുഴയിലേക്ക് മാലിന്യം ഒഴുക്കിയെന്ന് ആരോപിച്ചാണ് കമ്പനി അടച്ചുപൂട്ടാന്‍ നോട്ടീസ് നല്‍കിയത്. ഇതിനെതിരെ ഉടമകള്‍ നല്‍കിയ ഹര്‍ജിയിലാണ് ഉത്തരവ്.

🔹എക്കാലത്തും ലോകസമാധാനത്തിന്റെ ഏറ്റവും വലിയ ശത്രു അമേരിക്കയായിരുന്നെന്നും ഇന്നു ഭ്രാന്തിന്റെ മറു പേരായി അമേരിക്കന്‍ പ്രസിഡന്റ് ഡൊണള്‍ഡ് ട്രംപ് മാറിയെന്നും സിപിഐ സംസ്ഥാന സെക്രട്ടറി ബിനോയ് വിശ്വം. പാളയം രക്തസാക്ഷി മണ്ഡപത്തില്‍ ഹിരോഷിമ അനുസ്മരണ സമ്മേളനത്തില്‍ സംസാരിക്കുകയായിരുന്നു അദ്ദേഹം.

🔹തൃശ്ശൂര്‍ കുന്നംകുളം പാറേമ്പാടത്ത് നിയന്ത്രണം വിട്ട സ്വകാര്യ ബസ് നിരവധി വാഹനങ്ങളിലിടിച്ചുണ്ടായ അപകടത്തില്‍ രണ്ട് മരണം. കാറില്‍ യാത്രചെയ്ത വിദ്യാര്‍ഥിനി റിയ ഫാത്തിമ, തങ്കമണി എന്നിവരാണ് മരിച്ചത്. ഇരുപത്തഞ്ചോളം പേര്‍ക്ക് പരിക്കുണ്ട്. കോഴിക്കോട്ടുനിന്ന് തൃശ്ശൂരിലേക്ക് വരികയായിരുന്ന ബസ് കുന്ദംകുളം പാറേമ്പാടത്തിന് സമീപമാണ് അപകടത്തില്‍പ്പെട്ടത്.

🔹ഏലൂരില്‍ കുടുംബവഴക്കിനിടെ അടുക്കള വാതിലിന്റെ ചില്ല് തകര്‍ത്തതിനിടെ കൈമുറിഞ്ഞ് രക്തം വാര്‍ന്ന് ഗൃഹനാഥന്‍ മരിച്ചു. മഞ്ഞുമ്മല്‍ ചാലനാട്ടുവീട്ടില്‍ പ്രവീണ്‍ (49) ആണ് മരിച്ചത്. രക്തം വാര്‍ന്നപ്പോള്‍ കുളിമുറിയില്‍ കയറി വാതില്‍ അടച്ചിരുന്ന പ്രവീണ്‍ കുറേ കഴിഞ്ഞിട്ടും പുറത്തുവന്നില്ല. ഭാര്യ സഹോദരനേയും പോലീസിനേയും വിളിച്ചുവരുത്തി ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.

🔹തിരുവനന്തപുരം കാട്ടക്കടയിലെ ക്ഷേത്രത്തിലെ വിളക്കുകളും ഓട്ടുരുളിയും മോഷ്ടിച്ച കള്ളൻ പിടിയിൽ. മലയിൻകീഴ് പെരുകാവ് കണ്ഠൻ ശാസ്താ ക്ഷേത്രത്തിലെ ചുറ്റുമതിലിനകത്ത് 4 നില വിളക്ക് , ഓട്ടുരുളി , ശംഖ് എന്നിവ മോഷ്ടിച്ച വിളവൂർക്കൽ പെരുഞാഴി വീട്ടിൽ ദീപു (39) ആണ് പിടിയിലായത്. കഴിഞ്ഞ നാലിനായിരുന്നു സംഭവം.സമീപത്തെ സിസിടിവിന്ദേശ്യങ്ങൾ പരിശോധിച്ചാണ് പൊലീസ് പ്രതിയിലേക്ക് എത്തിയത്. മലയിൻകീഴ്,പൂജപ്പുര, ഫോർട്ട്,ആലപ്പുഴ എന്നിവിടങ്ങളിൽ കേസുകളിൽ പ്രതിയാണ് ഇയാൾ. മോഷണ വസ്തുക്കൾ കാട്ടാക്കടയിൽ ഒരു ആക്രിക്കടയിൽ വിറ്റത് പൊലീസ് കണ്ടെടുത്തു. സംഭവം നടന്ന് 24 മണിക്കൂറിനുള്ളിൽ തന്നെ പൊലീസ് പ്രതിയെ പിടികൂടി. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

🔹ക്ലാസ് മുറിയിൽ സംസാരിച്ചതിന്‍റെ പേരിൽ അധ്യാപകൻ വിദ്യാർഥിയെ കൈകൊണ്ടു മുഖത്തടിച്ചതായി പരാതി. തൃക്കടീരി പിടിഎം ഹൈസ്കൂളിലെ ഒൻപതാംക്ലാസ് വിദ്യാർഥി ആദിഷ്കൃഷ്ണയ്ക്ക് (14) ആണ് അടിയേറ്റത്. അസ്വസ്ഥത അനുഭവപ്പെട്ട കുട്ടിയെ രക്ഷിതാക്കളെത്തി ആശുപത്രിയിൽ പ്രവേശിപ്പിച്ചു. നേരത്തെയും ഈ അധ്യാപകൻ തന്നെ മർദിച്ചിട്ടുണ്ടെന്നും അന്നു രക്ഷിതാക്കൾ പ്രധാനാധ്യാപികയോടു പരാതിപ്പെട്ടിരുന്നുവെന്നും കുട്ടി പറഞ്ഞു.

🔹പ്രധാനമന്ത്രി നരേന്ദ്ര മോദി 2026 ല്‍ ഇതുവരെ വിദേശ സന്ദര്‍ശനങ്ങള്‍ക്ക് 74.58 കോടിയോളം രൂപ ചിലവിട്ടെന്ന് കേന്ദ്ര സര്‍ക്കാര്‍. വിദേശകാര്യ മന്ത്രാലയം രാജ്യസഭയെ അറിയിച്ചതാണിക്കാര്യം.

🔹മധ്യപ്രദേശിലെ ഗ്വാളിയോറില്‍ വ്യോമതാവളത്തിന് നേരേ പെട്രോള്‍ ബോംബെറിയാന്‍ ശ്രമിച്ച കേസില്‍ അറസ്റ്റിലായ കോളേജ് പ്രൊഫസറെ മാനസികാരോഗ്യ കേന്ദ്രത്തിലേക്ക് മാറ്റി. ഇയാളുടെ മൊഴികളിലും പെരുമാറ്റത്തിലും മാനസികപ്രശ്നങ്ങളുണ്ടെന്ന പ്രോസിക്യൂഷന്‍ വാദം അംഗീകരിച്ചാണ് മനോരോഗ ആശുപത്രിയിലാക്കാന്‍ കോടതി അനുമതി നല്‍കിയത്.

🔹ബഹിരാകാശ യാത്രയിലെ ദുര്‍ഘടമായ ബഹിരാകാശ നടത്തവുമായി മലയാളി വംശജനായ അനില്‍ മേനോന്‍. അമേരിക്കന്‍ ബഹിരാകാശ ഏജന്‍സിയായ നാസയുടെ ഗഗനചാരിയാണ് ഒറ്റപ്പാലം സ്വദേശിയായ അനില്‍.

🔹തായ്‌ലൻഡിൽ ഫുട്‌ബോൾ മത്സരത്തിനിടെ മിന്നലേറ്റ് ഫുട്ബോൾ താരം മരിച്ചു. 24 കാരനായ സോഫ്‌വാൻ അവേ എന്ന താരമാണ് മിന്നലേറ്റ് മരിച്ചത്. താരത്തെ കൂടാതെ 12 കളിക്കാർക്ക് പരുക്കേറ്റു. ഗൊലോക് എഫ്എ കപ്പ് എന്ന പ്രാദേശിക ടൂർണമെന്റിൽ സംകോൽറ്റ്‌സും അബു നോങ് സിറിൻ എന്ന ടീമുകൾ തമ്മിലുള്ള മത്സരത്തിനിടെയാണ് ദാരുണ സംഭവം നടന്നത്. സംകോൽറ്റ്‌സ് താരമാണ് വിങ്ങർ പൊസിഷനിൽ കളിക്കുന്ന സോഫ്‌വാൻ അവേ.

🔹ധ്യാന്‍ ശ്രീനിവാസന്‍, ധ്രുവന്‍, അനീഷ് ഗോപാല്‍ എന്നിവരെ പ്രധാന കഥാപാത്രങ്ങളാക്കി ബ്ലെസണ്‍ എല്‍സ സംവിധാനം ചെയ്യുന്ന വിവാഹ് എന്ന ചിത്രത്തിന്റെ ട്രെയ്ലര്‍ പുറത്തെത്തി. 1.38 മിനിറ്റ് ദൈര്‍ഘ്യമുള്ള ട്രെയ്ലര്‍ ആണ് പുറത്തെത്തിയിരിക്കുന്നത്. മൂന്ന് യുവദമ്പതിമാരുടെ ജീവിതങ്ങളാണ് ട്രെയ്ലറില്‍. ഹ്യൂമറിന് പ്രാധാന്യമുള്ള ഫാമിലി ഡ്രാമ ചിത്രം എന്ന തോന്നലാണ് ട്രെയ്ലറിന്റെ ആദ്യ പകുതി ഉണ്ടാക്കുന്നതെങ്കിലും അന്ത്യത്തോടടുക്കുമ്പോള്‍ അത് മൂഡ് മാറ്റുന്നുണ്ട്. ആക്ഷന്‍ രംഗങ്ങളാണ് അവസാന ഭാഗത്ത്. എന്തെങ്കിലും സസ്പെന്‍സ് ചിത്രത്തില്‍ ഉണ്ടായിരിക്കാമെന്ന സൂചനയായാണ് ഇത് വായിക്കപ്പെടുന്നത്. അഭിഷേക് ശ്രീകുമാര്‍, ശ്രുതി ജയന്‍, നയ്ര നിഹാര്‍, അര്‍ച്ചന വിവേക്, നയന എല്‍സ തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിക്കുന്നത്. അഭിഷേക് ശ്രീകുമാറിന്റേതാണ് ചിത്രത്തിന്റെ രചന.

🔹രാജേഷ് പരമേശ്വരന്‍ സംവിധാനം ചെയ്യുന്ന ഏറ്റവും പുതിയ ചിത്രം ‘ആര’ത്തിന്റെ ഫസ്റ്റ് ലുക്ക് പോസ്റ്റര്‍ പുറത്ത്. വിഷ്ണു രാമചന്ദ്രന്‍ തിരക്കഥ ഒരുക്കുന്ന ചിത്രം ഒരു സൈക്കോളജിക്കല്‍ ഇന്‍വെസ്റ്റിഗേഷന്‍ ത്രില്ലര്‍ ആയാണ് ഒരുങ്ങുന്നത്. സത്യസന്ധനായ ഒരു പോലീസ് ഉദ്യോഗസ്ഥന്റെ ജീവിതത്തില്‍ അരങ്ങേറുന്ന അപ്രതീക്ഷിത സംഭവങ്ങളും അതിനെ തുടര്‍ന്നുണ്ടാകുന്ന ആത്മസംഘര്‍ഷങ്ങളും തുടര്‍ന്ന് ഉണ്ടാകുന്ന ഉദ്വേഗജനകമായ അന്വേഷണവുമാണ് ചിത്രത്തിന്റെ പ്രമേയം. സി.ഐ. ആന്റോ ഈപ്പന്‍ എന്ന കേന്ദ്രകഥാപാത്രമായി സൈജു കുറുപ്പ് എത്തുന്ന ചിത്രത്തില്‍ അസ്‌കര്‍ അലി, സിദ്ധിഖ്, അഞ്ജു കുര്യന്‍, സുധീഷ്, മീര വാസുദേവ്, വൈഷ്ണവി കല്യാണി, സുരഭി സന്തോഷ് തുടങ്ങി നിരവധി താരങ്ങള്‍ അഭിനയിക്കുന്നു. ഗാനങ്ങള്‍ക്ക് കൈതപ്രം, ജിസ് ജോയ്, ജോ പോള്‍ എന്നിവര്‍ വരികള്‍ ഒരുക്കുന്നു. ഹരി ചരണ്‍, സിതാര കൃഷ്ണകുമാര്‍, സയനോര, അതുല്‍ നറുകര, യാസിന്‍ നിസാര്‍, അജയ് ശ്രാവണ്‍, ആരതി എം.എന്‍. അശ്വിന്‍ എന്നിവരാണ് ഗാനങ്ങള്‍ ആലപിക്കുന്നത്.

💦 ഗുരുജിയുടെ വാക്കുകൾ
*****************************

തെറ്റുകൾ സംഭവിച്ചാൽ തിരുത്താൻ പഠിക്കുക. അവശ്യം ഉള്ളപ്പോൾ ഒരു നല്ല വാക്ക് പറയാൻ മടിക്കരുത്. ഒരാൾ നൽകുന്ന സ്നേഹത്തെയും കരുതലിനെയും നിസ്സാരമായി കാണരുത്.

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ഓഗസ്റ്റ് 7

•ഇന്ത്യയിൽ ഓഗസ്റ്റ് 7 പ്രധാനമായും ദേശീയ കൈത്തറി ദിനമായി (National Handloom Day) ആചരിക്കുന്നു. രാജ്യത്തെ നെയ്ത്തുതൊഴിലാളികളെ ആദരിക്കുന്നതിനും കൈത്തറി മേഖലയുടെ സാമൂഹിക-സാമ്പത്തിക പ്രാധാന്യത്തെക്കുറിച്ച് പൊതുജനങ്ങളിൽ അവബോധം വളർത്തുന്നതിനുമായാണ് ഈ ദിനം ആഘോഷിക്കുന്നത്.ബ്രിട്ടീഷ് ഭരണകാലത്ത് വിദേശ വസ്ത്രങ്ങൾ ബഹിഷ്കരിക്കാനും തദ്ദേശീയ ഉൽപ്പന്നങ്ങൾ പ്രോത്സാഹിപ്പിക്കാനുമായി 1905 ഓഗസ്റ്റ് 7-ന് കൽക്കട്ട ടൗൺഹാളിൽ വെച്ച് ചരിത്രപ്രസിദ്ധമായ ‘സ്വദേശി പ്രസ്ഥാനം’ പ്രഖ്യാപിച്ചു. ഈ ചരിത്രദിനത്തിന്റെ ഓർമ്മ പുതുക്കാനാണ് ഓഗസ്റ്റ് 7 ഈ ദിനമായി തിരഞ്ഞെടുത്തത്.പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ 2015 ഓഗസ്റ്റ് 7-നാണ് ഇന്ത്യയിൽ ആദ്യമായി ദേശീയ കൈത്തറി ദിനം ആചരിച്ചു തുടങ്ങിയത്.

•സുസ്ഥിര കാർഷിക ദിനം (Sustainable Agriculture Day)ഇന്ത്യൻ ഹരിതവിപ്ലവത്തിന്റെ പിതാവായ ഭാരതരത്‌ന ഡോ. എം. എസ്. സ്വാമിനാഥന്റെ ജന്മശതാബ്ദി പ്രമാണിച്ച്, എല്ലാ വർഷവും ഓഗസ്റ്റ് 7 ‘സുസ്ഥിര കാർഷിക ദിനമായി’ ആചരിക്കുമെന്ന് മഹാരാഷ്ട്ര സർക്കാർ പ്രഖ്യാപിച്ചിട്ടുണ്ട്.

•ലൈറ്റ്ഹൗസ് ദിനം (National Lighthouse Day): ദീപസ്തംഭങ്ങളുടെ ചരിത്രപരമായ പ്രാധാന്യത്തെ ഓർമ്മിപ്പിക്കുന്ന ദിനം.

•പർപ്പിൾ ഹാർട്ട് ഡേ (Purple Heart Day): യുദ്ധത്തിൽ പരിക്കേൽക്കുകയോ വീരമൃത്യു വരിക്കുകയോ ചെയ്ത സൈനികരെ ആദരിക്കുന്നതിനായി യു.എസിൽ ആചരിക്കുന്ന ദിനം.

തയ്യാറാക്കിയത്: കപിൽ ശങ്കർ

11 Likes

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 07 | വെള്ളി ✍️ കപിൽ ശങ്കർ

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************

ഓഗസ്റ്റ് 7

തയ്യാറാക്കിയത്: കപിൽ ശങ്കർ

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 29 | ശനി ✍️ കപിൽ ശങ്കർ

വെനസ്വേലൻ എണ്ണശേഖരത്തിന്റെ ഭൂരിഭാഗം നിയന്ത്രണവും യു.എസ് ഏറ്റെടുക്കുന്നു; പ്രഖ്യാപനവുമായി ഡൊണാൾഡ് ട്രംപ്

1 COMMENT

LEAVE A REPLY Cancel reply

Most Popular

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 29 | ശനി ✍️ കപിൽ ശങ്കർ

സ്ത്രീധന കേസുകൾ വേഗത്തിൽ തീർപ്പാക്കണം; കീഴ്‌ക്കോടതികൾക്ക് സുപ്രീം കോടതിയുടെ നിർദേശം.

പുറത്തുവന്ന ചിത്രം ദാമോദര മേനോന്റേത് തന്നെ; കേരള പൊലീസ്.

Recent Comments

EDITOR PICKS

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 29 | ശനി ✍️ കപിൽ ശങ്കർ

സ്ത്രീധന കേസുകൾ വേഗത്തിൽ തീർപ്പാക്കണം; കീഴ്‌ക്കോടതികൾക്ക് സുപ്രീം കോടതിയുടെ നിർദേശം.

POPULAR POSTS

സ്ത്രീധന കേസുകൾ വേഗത്തിൽ തീർപ്പാക്കണം; കീഴ്‌ക്കോടതികൾക്ക് സുപ്രീം കോടതിയുടെ നിർദേശം.

യുപി തെരഞ്ഞെടുപ്പ് ചൂടിലേയ്ക്ക്: കോണ്‍ഗ്രസ്-SP സഖ്യനീക്കം, OBC വോട്ടുറപ്പിക്കാന്‍ ബിജെപി, അയോധ്യയും വിഷയമാവും.

പാകിസ്താന് വേണ്ടി ചാരപ്രവർത്തനം; ഡല്‍ഹി സ്വദേശികളായ ദമ്പതികളെ പൊലീസ് അറസ്റ്റ് ചെയ്തു.

POPULAR CATEGORY

ABOUT US

FOLLOW US

📱വാർത്തകൾ ഒറ്റനോട്ടത്തിൽ📱 – 2026 | ഓഗസ്റ്റ് 07 | വെള്ളി ✍️ കപിൽ ശങ്കർ

💦 ഗുരുജിയുടെ വാക്കുകൾ *****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ ********************************************************************

ഓഗസ്റ്റ് 7

തയ്യാറാക്കിയത്: കപിൽ ശങ്കർ

1 COMMENT

LEAVE A REPLY Cancel reply

Most Popular

Recent Comments

EDITOR PICKS

POPULAR POSTS

POPULAR CATEGORY

ABOUT US

FOLLOW US

💦 ഗുരുജിയുടെ വാക്കുകൾ
*****************************

ചരിത്രത്തിൽ ഇന്നത്തെ ദിവസത്തിന്റെ പ്രാധാന്യങ്ങൾ
********************************************************************